ဗဟန်းမြို့နယ်ရှိ သတင်းအချက်အလက်နည်းပညာတက္ကသိုလ် လှိုင်နယ်မြေသို့ ပြောင်းရွှေ့ဖွင့်လှစ်မည်

ကျောင်းပြောင်းရွှေ့မည်ဖြစ်၍ ကျောင်းဖွင့်ရက် တစ်လ နောက်ဆုတ်ထား
ဗဟန်းမြို့နယ်ရှိ သတင်းအချက်အလက်နည်းပညာတက္ကသိုလ်ကို တွေ့ရစဉ် ဓာတ်ပုံ − ဂျေမောင်မောင်(အမရပူရ)

ဗဟန်းမြို့နယ်တွင် ဖွင့် လှစ်ထားသော သတင်းအချက် အလက်နည်းပညာတက္ကသိုလ်ကို ယခု ပညာသင်နှစ်တွင် ရန်ကုန် တက္ကသိုလ်(လှိုင်နယ်မြေ)သို့ပြောင်းရွှေ့ဖွင့်လှစ်မည်ဖြစ်ပြီး ပြောင်းရွှေ့ရေး လုပ်ငန်းများကြောင့် ကျောင်းဖွင့်ချိန် တစ်လ နောက်ဆုတ်မည်ဟု အဆိုပါ တက္ကသိုလ်က ဒီဇင်ဘာ ၂ ရက်တွင် ကြေညာသည်။

 သတင်းအချက်အလက် နည်းပညာတက္ကသိုလ်ပြောင်းရွှေ့ ဖွင့်လှစ်မည့် ရန်ကုန်တက္ကသိုလ် (လှိုင်နယ်မြေ)ရှိ အဆောက်အအုံ ကို အပြီးသတ်ဆောက်လုပ်နေရာ ကျောင်းသား၊ ကျောင်းသူများ လုပ်ငန်းခွင် အန္တရာယ်ကင်းရှင်း စေရန် ကျောင်းဖွင့်ရက်ကို ဒီဇင် ဘာ ၄ ရက်အစား ၂၀၁၈  ဇန်န ဝါရီ ၂ ရက်သို့ တစ်လခန့် နောက် ဆုတ်ဖွင့်လှစ်မည်ဖြစ်သည်။

       ‘‘အဆောက်အအုံကဆောက်လို့ မပြီးသေးတော့ ကျောင်းဖွင့်ဖို့ တစ်လနောက်ဆုတ်ထားတယ်။ ပြောင်းတဲ့ Process (လုပ်ငန်း)တွေလုပ်နေတယ်။ အသေးစိတ်ကို ကျောင်းရဲ့ ဖေ့စ်ဘွတ်ခ်စာမျက်နှာမှာ ကြေညာထားတယ်’’ဟု သတင်းအချက်အလက်နည်းပညာတက္ကသိုလ် ပါမောက္ခချုပ်ဒေါက်တာ စောစန္ဒာအေးက ပြောသည်။

ယခု ပညာသင်နှစ်တွင် သတင်းအချက်အလက် နည်း ပညာတက္ကသိုလ်သို့ ပထမနှစ် တက်ရောက်ခွင့်ရသူများ အပါ အဝင် ဒုတိယနှစ်နှင့် အထက်တန်း များအားလုံးသည် ရန်ကုန်တက္က သိုလ်(လှိုင်နယ်မြေ)ရှိ သတင်း အချက်အလက်နည်းပညာတက္က သိုလ် အဆောက်အအုံသစ်သို့ ပြောင်းရွှေ့ တက်ရောက်ရမည် ဖြစ်သည်။

ကျောင်းဖွင့်ရက်ကို တစ်လ ခန့်နောက်ဆုတ်ထားသော်လည်း ကျောင်းသား၊ ကျောင်းသူအားလုံး သည် ဒီဇင်ဘာ ၂၂ ရက်နောက် ဆုံးထားကာ ဗဟန်းမြို့နယ်ရှိ ယခင် သတင်းအချက်အလက် နည်းပညာတက္ကသိုလ် နေရာတွင် ပင် ကျောင်းအပ်ရမည်ဟု ကြေ ညာထားသည်။

အဆိုပါ တက္ကသိုလ်တွင် Software Engineering, Know -ledge Engineering, Business Information Systems, High Performance Computing, Embedded Systems, Comm -unication and Networking, Computer Systems စသည့် အထူးပြုဘာသာရပ်ခုနစ်ခု ရွေး ချယ်သင်ယူနိုင်သည်။ သင်တန်း ကာလ ငါးနှစ်တက်ရောက်ပြီးပါ က B.C.Sc (ကွန်ပျူတာသိပ္ပံ) နှင့် B.C.Tech (ကွန်ပျူတာနည်း ပညာ)ဘွဲ့ ပေးအပ်သည်။

ယခု ပညာသင်နှစ်တွင် သတင်းအချက်အလက် နည်း ပညာတက္ကသိုလ် ပထမနှစ်သင် တန်းများသို့ ကျောင်းသား၊ ကျောင်းသူ ၂၁၇ ဦး တက်ရောက် ခွင့်ရပြီး ဝင်ခွင့်ရအနိမ့်ဆုံး အမှတ် သည် ၄၈၇ မှတ်ဖြစ်သည်။

အဆိုပါ တက္ကသိုလ်တွင် ကျောင်းသား၊ ကျောင်းသူ ၉၀၀ ခန့်တက်ရာက်နေပြီး ရန်ကုန် တိုင်းဒေသကြီး စည်ပင်သာယာ နယ်နိမိတ်ပြင်ပမှ တက်မည့်သူ များကို လှိုင်တက္ကသိုလ်နယ်မြေ တွင် အဆောင်နေထိုင်ခွင့်ပေး သည်။

၂၀၁၂ ဒီဇင်ဘာက အဆင့် မြင့်ကွန်ပျူတာတက္ကသိုလ်အဖြစ် ရန်ကုန် ကွန်ပျူတာတက္ကသိုလ် (ဗဟန်းနယ်မြေ)ကို ဖွင့်လှစ်ခဲ့ပြီး ၂၀၁၅ ဧပြီ၌ သတင်းအချက် အလက် နည်းပညာတက္ကသိုလ် (University of Information Technology-UIT)ဟု အမည် ပြောင်းလဲဖွင့်လှစ်ခဲ့သည်။