ရန်ကုန်တိုင်းတွင် ယာဉ်တိုက်မှုကြောင့် ၁၁ လအတွင်း လူ ၅၀၀ ကျော် သေဆုံး၊ ၃,၀၀၀ ခန့် ဒဏ်ရာရ

ရန်ကုန်တိုင်းတွင် ယခုနှစ် ဇန်နဝါရီမှ နိုဝင်ဘာ နောက်ဆုံးပတ်အထိ ၁၁ လအ တွင်း ယာဉ်တိုက်မှုကြောင့် သေ ဆုံးသူ ၅၄၀ ကျော်ရှိပြီး ဒဏ်ရာ ရသူ ၃,၀၀၀ ခန့် ရှိခဲ့ကြောင်း ရန် ကုန်တိုင်း အမှတ်(၂) ယာဉ်ထိန်း တပ်ဖွဲ့ခွဲမှူးရုံးမှ ယာဉ်ထိန်းရဲအ ရာရှိတစ်ဦးက ဆိုသည်။ 

၂၀၁၇ ပထမလေးလတွင် ရန်ကုန်တိုင်း၌ ဖြစ်ပွားခဲ့သည့် ယာဉ်မတော်တဆမှုများအနက် သင်္ကြန်ပွဲတော်ရက် ဧပြီလက ယာဉ်မတော်တဆမှု အများဆုံး ဖြစ်ပွားခဲ့ပြီး ဒုတိယလေးလတွင် မေလသည် အမြင့်ဆုံးဖြစ်ပွားခဲ့ ကြောင်း ၎င်းက ပြောသည်။ 

ရန်ကုန်တိုင်း၌ ယခုနှစ် ပထမလေးလတွင် ယာဉ်မတော် တဆမှုပေါင်း ၉၈၃ မှုဖြစ်ပွားခဲ့ သော်လည်း ဒုတိယလေးလဖြစ် သည့် မေ၊ ဇွန်၊ ဇူလိုင်နှင့် သြဂုတ် လများ၌ ယာဉ်မတော်တဆမှု ပေါင်း ၈၀၆ မှုဖြစ်ပွားခဲ့ကာ စက် တင်ဘာမှ နိုဝင်ဘာနောက်ဆုံး ပတ်အထိ ယာဉ်တိုက်မှု ၅၃၆ မှု ဖြစ်ပွားခဲ့ကြောင်း အမှတ်(၂) ယာဉ်ထိန်းတပ်ဖွဲ့ခွဲမှူးရုံးမှ စာရင်းများတွင် ဖော်ပြသည်။ 

ယာဉ်မတော်တဆမှုများ ကြောင့် ၁၁ လအတွင်း အမျိုးသား ၄၄၅ ဦး၊ အမျိုးသမီး ၁၀၀ ဦး၊ စုစု ပေါင်း ၅၄၅ ဦး သေဆုံးခဲ့ပြီး အမျိုးသား ၂,၁၀၆ ဦးနှင့် အမျိုးသမီး ၈၅၀ ဦး စုစုပေါင်း ၂,၉၅၆ ဦး ဒဏ်ရာရခဲ့ကြောင်း အထက်ပါစာရင်းများတွင် ဖော်ပြထားသည်။ 

ရန်ကုန်တိုင်းအတွင်း ဖြစ် ပွားခဲ့သည့် ယာဉ်တိုက်မှုများအ နက် စည်ပင်သာယာနယ်နိမိတ် ၃၁ မြို့နယ်အတွင်း ယာဉ်တိုက်မှု ပေါင်း ၃၆၁ မှုဖြစ်ပွားခဲ့ပြီး အမျိုး သား ၂၈၉ ဦး၊ အမျိုးသမီး ၈၀ ဦး သေဆုံးကာ အမျိုးသား ၁,၂၉၉ ဦး၊ အမျိုးသမီး ၅၆၈ ဦး ဒဏ်ရာရခဲ့ ကြောင်း အမှတ်(၂)ယာဉ်ထိန်းတပ်ဖွဲ့ခွဲမှူးရုံးရှိ စာရင်းများတွင် ဖော်ပြထားသည်။ 

ပြီးခဲ့သည့် ၂၀၁၆ တစ်နှစ် လုံးတွင် ရန်ကုန်တိုင်း၌ ယာဉ် မတော်တဆမှုပေါင်း ၂,၇၀၀ ကျော် ဖြစ်ပွားခဲ့ပြီး လူ ၆၂၃ ဦး သေဆုံးကာ ၃,၄၀၀ ကျော် ဒဏ် ရာရခဲ့ကြောင်း ရန်ကုန်တိုင်း အ မှတ်(၂)ယာဉ်ထိန်းတပ်ဖွဲ့ခွဲမှူးရုံး မှ တာဝန်ရှိသူတစ်ဦးက ပြော သည်။