ဂျေရုဆလင်ကို အစ္စရေး၏ မြို့တော်အဖြစ် အသိအမှတ်ပြုကြောင်း ကြေညာရန် ထရမ့်စီစဉ်

ဂျေရုဆလင်ကို အစ္စရေး၏ မြို့တော်သစ်အဖြစ် အမေရိကန် သမ္မတ ဒေါ်နယ်လ်ထရမ့်က အသိအမှတ် ပြုသွားမည်ဟု သိရသည်။

အမေရိကန် အစိုးရ ထိပ်ပိုင်း အရာရှိ အချို့က ထရမ့်သည် ဒီဇင်ဘာ ၆ ရက်တွင် အစ္စရေး၏ မြို့တော်အဖြစ် ဂျေရုဆလင်ကို အသိအမှတ်ပြုကြောင်း ကြေညာဖွယ် ရှိနေသည်ဟု ပြောကြားခဲ့သည်။

သို့သော်လည်း လက်ရှိမြို့တော် တဲလ်အဗစ်ဗ်တွင် ဖွင့်လှစ်ထားသည့် အမေရိကန် သံရုံးကို ဂျေရုဆလင်သို့ အလျင်အမြန် ပြောင်းရွှေ့ဖွယ် မရှိသေးဟု ဆိုသည်။ ထရမ့်၏ မိန့်ခွန်းပြောကြားမည့် အစီအစဉ် မတိုင်မီတွင် ယခုသတင်း ထွက်ပေါ်လာခြင်း ဖြစ်သည်။

ဂျေရုဆလင်ကို အစ္စရေးက ထိန်းချုပ်ထားသော်လည်း ပါလက်စတိုင်းက ၎င်းတို့၏ မြို့တော်အဖြစ် တောင်းဆိုနေသည်။ ဂျေရုဆလင်သည် မိမိတို့၏ မြို့တော်ဟု အစ္စရေးရော၊ ပါလက်စတိုင်းပါ သတ်မှတ်နေသော်လည်း နှစ်ဖက်စလုံး၏ အဆိုကို နိုင်ငံတကာက တိတိကျကျ အသိအမှတ် ပြုထားခြင်း မရှိခဲ့ချေ။

အမေရိကန်က ဂျေရုဆလင်ကို အစ္စရေး၏ မြို့တော်သစ် အနေဖြင့် အသိအမှတ် ပြုလိုက်ခြင်းက ပါလက်စတိုင်းအတွက် အထိနာစေပြီး အာရပ်ကမ္ဘာတွင်လည်း ရိုက်ခတ်မှုများ ရှိလာနိုင်သည်။ ထို့အပြင် ဂျေရုဆလင်သည် ဘာသာရေးအရ အမြင့်မြတ်ဆုံး နယ်မြေတစ်ခုအဖြစ်လည်း သတ်မှတ် ခံထားရခြင်းကြောင့် အငြင်းအခုံများ ပိုမို ပြင်းထန် တင်းမာခဲ့သည်။

အစ္စရေးနိုင်ငံကို ၁၉၄၈ ခုနှစ်က စတင် ထူထောင်ခဲ့ပြီးနောက် ဂျေရုဆလင်ကို နိုင်ငံ၏ မြို့တော်အဖြစ် သတ်မှတ်ရန် ကြိုးစားခဲ့သော်လည်း ယခုအခါ အမေရိကန်က ပထမဆုံး အသိအမှတ်ပြုသည့် နိုင်ငံ ဖြစ်လာမည်ဟု သိရသည်။ အမေရိကန်၏ အသိအမှတ် ပြုမှုနောက်တွင် အခြား ကမ္ဘာ့နိုင်ငံများပါ လိုက်ပါလာဖွယ် ရှိနေသည်။

သမ္မတ ထရမ့်က အစ္စရေး၏ မြို့တော်အဖြစ် ဂျေရုဆလင်ကို အသိအမှတ်ပြု သတ်မှတ်ပေးခြင်းသည် လက်တွေ့ကျသည့် ဆုံးဖြတ်ချက် တစ်ခုဟု ယူဆနေကြောင်း သိရသည်။ ထို့အပြင် ထရမ့်သည် တဲလ်အဗစ်ဗ်ရှိ သံရုံးကို ဂျေရုဆလင်သို့ ပြောင်းရွှေ့စေရန် နိုင်ငံခြားရေး ဝန်ကြီးဌာနကို ညွှန်ကြားမည် ဖြစ်ပြီး အမှန်တကယ် ပြောင်းရွှေ့မှု အတွက်မူ နှစ်နှင့်ချီ၍ အချိန်ယူရဖွယ် ရှိနေကြောင်းလည်း သတင်းများက ဖော်ပြသွားသည်။

Ref: Reuters