အမေရိကန်ကို ဧကန်အမှန်ခြိမ်းခြောက်လာသော မြောက်ကိုရီးယားဒုံးကျည်များ

Hwasong-12 ဒုံးကျည် စမ်းသပ်ပစ်လွှတ်မှုကို တက်ရောက်ကြည့်ရှုညွှန်ကြားခဲ့သော မြောက်ကိုရီးယားခေါင်းဆောင် ကင်ဂျုံအန် KCNA / file / epa

နိုဝင်ဘာ ၂၈ ရက်က မြောက်ကိုရီးယား သည် နိုင်ငံသမိုင်းတွင် ခရီးတာအဝေးဆုံး ပျံသန်း နိုင်သည့် တိုက်ချင်းပစ်ဒုံးကျည် တစ်စင်းကို အောင်မြင်စွာ စမ်း သပ် ပစ်လွှတ်ခဲ့သည်။ ထိုဖြစ်ရပ် နောက်ဆက်တွဲအနေဖြင့် ယခု အခါ မြောက်ကိုရီးယားသည် အမေရိကန်ကို ဒုံးကျည်ဖြင့် အမှန် တကယ်တိုက်ခိုက်နိုင်စွမ်းရှိလာ ပြီလားဆိုသော မေးခွန်းများလည်း ပြန်လည်နိုးထလာခဲ့သည်။

မြောက်ကိုရီးယား၏ ဒုံးကျည်နည်းပညာသည် တိုးတက်မှုများရှိနေသည့်တိုင် အမြင့်ဆုံးအဆင့် သို့ မရောက်နိုင်သေးဟု လွန်ခဲ့ သည့် တစ်နှစ်ကထိ ယေဘုယျယူဆခဲ့ကြသည်။ သို့သော် တစ်နှစ်တာမျှကာလအတွင်း အံ့မခန်းပြောင်းလဲမှုများ ရှိလာသည်မှာ သံသယရှိစရာ မလိုချေ။ အမေရိ ကန်သမ္မတ ဒေါ်နယ်ထရန့်က မြောက်ကိုရီးယားသည် အမေရိကန်ပိုင်နက်ထိ ရောက်ရှိအောင် ပစ်ခတ်နိုင်သည့် တိုက်ချင်းပစ်ဒုံးကျည်များ လုံးဝပိုင်ဆိုင်လာစေ မည်မဟုတ်ဟု ကြွေးကြော်ခဲ့ သည်။ ယခုအခါတွင်မူ ၎င်း၏စကားတည်၊ မတည် ထရန့်အနေ ဖြင့် ပြန်လည်ဆန်းစစ်ရမည့် အခြေအနေရှိလာပြီ ဖြစ်သည်။

၎င်းတို့၏ ဒုံးကျည်စမ်းသပ်မှု အပြီးတွင် မြောက်ကိုရီးယား အစိုး ရမီဒီယာက တန်ဖိုးမဖြတ်နိုင်သည့် အောင်ပွဲတစ်ခုဟု ညွှန်းဆိုကြေ ညာခဲ့သည်။ ပြုံယမ်းမြို့တော်တွင် အောင်ပွဲအခမ်းအနား ကြီးကြီးမားမားကျင်းပခဲ့သည်။ မြောက်ကိုရီးယားက ၎င်းတို့၏ တိုက်ချင်းပစ် ဒုံးကျည်များသည် အမေရိကန်၏မည်သည့်အစိတ်အပိုင်းကိုမဆိုရောက်ရှိအောင် ပစ်ခတ်နိုင်စွမ်းရှိနေပြီဟုလည်း ထုတ်ပြန်ခဲ့သည်။ထို့အပြင် ဒုံးကျည်ထိပ်ဖူးတွင် အလွန်ကြီးမားသည့် နျူထိပ်ဖူးများ တပ်ဆင်နိုင်စွမ်း ရှိနေပြီဟုလည်း ဆိုသည်။

သီတင်း ၁၀ ပတ်မျှ ငြိမ်ချက် သားကောင်းနေပြီးမှ တစ်ကျော့ပြန်ပေါ်လာသော မြောက်ကိုရီး ယားဒုံးကျည် စမ်းသပ်မှုသည် ကြောက်ခမန်းလိလိ အောင်မြင် ခဲ့သည်ဟု ယူဆရမည် ဖြစ်သည်။ Hwasong-15 အမျိုးအစားဟု မြောက်ကိုရီးယားက ကြေညာခဲ့ သည့် ဒုံးကျည်သည် မိနစ် ၅၀ အတွင်း ကီလိုမီတာ ၄,၅၀၀ အမြင့်ထိ ရောက်ရှိခဲ့သည်။ ယင်းသည် မြောက်ကိုရီးယား ဒုံးကျည်တစ် စင်းအတွက် စံချိန်တင် ရောက်ရှိ သည့် အမြင့်နှင့် မြန်နှုန်း ဖြစ်သည်။ဒုံးကျည်သည် ပစ်စင်မှ ကီလိုမီတာ ၆၀၀ မျှအကွာ ဂျပန်ပင်လယ် ရေပြင်ထဲသို့ ကျဆင်းသွားခဲ့သည်။ သို့သော် ဂျပန်ပိုင်နက်ကို ခြိမ်း ခြောက်မှု မရှိခဲ့ဟု ဂျပန်အစိုးရက ထုတ်ပြန်သည်။

Hwasong- 15 မျိုးဆက်သစ်သည် ၎င်းတို့ ယခင်ပိုင်ဆိုင်ခဲ့သည့် တာဝေးပစ်ဒုံးကျည်များထက် ပိုမိုအစွမ်းထက်ကြောင်း မြောက်ကိုရီးယားက ဆိုသည်။ ၂၀၁၇ အတွင်းမြောက်ကိုရီးယားသည် ဒုံးကျည်စမ်းသပ်မှုများကို အရှိန်အဟုန် မြှင့်အကောင်အ ထည်ဖော်လာရာ ယခုပစ်လွှတ်မှုသည် အကြိမ်(၂၀) မြောက် ဖြစ်ခဲ့သည်။ ယင်းမတိုင်မီက တာလတ်ပစ် Pukgu-ksong-2နှင့်  Hwasong- 12 ဒုံးကျည်များကိုလည်း စမ်းသပ်ကြည့် ခဲ့သည်။

ပြီးခဲ့သည့် သီတင်းပတ် စမ်းသပ်မှုအပြီးတွင် ကမ္ဘာ့လက်နက် ရေးရာ သုတေသီများက မြောက်ကိုရီးယားဒုံးကျည်များ အမြင့်ဆုံးခရီးပေါက်နိုင်မည့် အကွာအဝေး ကို အလေးအနက်ခန့်မှန်းတွက်ချက်လာကြသည်။ မြောက်ကိုရီးယားအနေဖြင့် ဒုံးကျည်၏ ဦးတည်ရာကို ခပ်မတ်မတ်မထားဘဲ ခရီးအဝေးဆုံး ရောက်ရှိနိုင်မည့် အတိုင်းအတာထိ စောင်းထားပြီး ပစ်လွှတ်မည်ဆိုပါက ခရီးတာကီလိုမီတာ ၁၃,၀၀၀ မျှထိ ပျံသန်းနိုင်လိမ့်မည်ဟု အများစုက ခန့်မှန်း ကြသည်။ ထိုအတိုင်း မှန်ကန်ပါက မြောက်ကိုရီးယားသည် ဝါရှင်တန်နှင့် နယူးယောက်မြို့များ အပါအဝင် အမေရိကန်၏ အစိတ်အပိုင်း တိုင်းကို ဒုံးကျည်ဖြင့် တိုက်ခိုက်နိုင် စွမ်းရှိလာပြီဟု ယူဆရမည် ဖြစ် သည်။

ခြွင်းချက်အနေဖြင့် စဉ်းစား ရန်မှာ ဒုံးကျည်စမ်းသပ်ချိန်တွင် မြောက်ကိုရီးယားက ပေါ့ပါးသည့် ထိပ်ဖူးအတုတစ်ခုကို အစားထိုး တပ်ဆင်ထားနိုင်သည့် ကိစ္စဖြစ်သည်။ ပိုမိုလေးလံသော ထိပ်ဖူးမျိုးဆိုပါက အများဆုံးရောက်ရှိနိုင်သည့် ခရီးတာသည် ကီလိုမီတာ ၁၃,၀၀၀ ထက် လျော့နည်းသွား ဖွယ်ရှိသည်။ သို့သော် မည်မျှထိ လျော့နည်းမည် ဆိုခြင်းကိုမူ တိတိ ကျကျ မှန်းဆရန် မလွယ်သေးချေ။

မြောက်ကိုရီးယားသည် စက်တင်ဘာအတွင်းကလည်း ၎င်းတို့ ၏ ဆဋ္ဌမမြောက်နျူကလီးယား စမ်းသပ်မှုတွင် ၁၂၀ ကီလိုတန် ဟိုက်ဒရိုဂျင်ဗုံးတစ်လုံးကိုလည်း ဖောက်ခွဲထားနိုင်ခဲ့ရာ အမေရိကန် အနေဖြင့် လုံးဝလျှော့တွက်၍ မရ သော အနေအထားဟု ဆိုရမည် ဖြစ်သည်။ 

အမေရိကန်ဘက်တွင်လည်း ဟာဝိုင်အီကျွန်းတွင် စစ်အေးခေတ်နောက်ပိုင်း ပထမဆုံးအကြိမ်အ ဖြစ် ဒုံးကျည်တိုက်ခိုက်မှု အချက်ပေးဥဩများ ပြန်လည်တပ်ဆင် ထားရာ မြောက်ကိုရီးယားနှင့် ပတ်သက်၍ စိတ်အေးအေးမထားနိုင်ကြောင်း ပေါ်လွင်ထင်ရှားနေ သည်။ အမေရိကန်သည် ဂျပန်နှင့် တောင်ကိုရီးယားတို့တွင် ဒုံးခွင်းဒုံး စနစ်များ ဖြန့်ကြက်ထားသလို ဟာဝိုင်အီနှင့် ဂူအမ်တို့တွင်လည်း အဆင့်အမြင့်ဆုံး လေကြောင်းရန် ကာကွယ်ရေးစနစ်များ တပ်ဆင်ထားသည်။ သို့သော် မြောက်ကိုရီး ယားကသာ နျူကလီးယားထိပ်ဖူး တပ် ဒုံးကျည်တစ်စင်းဖြင့် အမှန်တ ကယ်တိုက်ခိုက်လာပါက အဆိုပါစနစ်များဖြင့် အောင်အောင်မြင် မြင်ဟန့်တားနိုင်ခြင်း ရှိ၊ မရှိ မည်သူမျှ ရာနှုန်းပြည့် အာမခံရဲမည် မဟုတ်ချေ။

ဇူလိုင်လအတွင်းက Hwas-ong-14 ဒုံးကျည်တစ်စင်းကို စမ်းသပ်ခဲ့ပြီးနောက် မြောက်ကိုရီးယားခေါင်းဆောင် ကင်ဂျုံအန်က အမေရိကန်ပိုင်ဂူအမ်ကျွန်းကို ဒုံးကျည် နှစ်စင်းဖြင့် တိုက်ခိုက်မည်ဟု ခြိမ်းခြောက်ခဲ့သည်။ ထိုအချိန်က ပစိဖိတ်သမုဒ္ဒရာတောင်ပိုင်းရှိ ဂူအမ် ကျွန်းနိုင်ငံမှ ပြည်သူအများအကြီး အကျယ် သောကရောက်ပြီး ပူပန်ခဲ့ရဖူးသည်။ လက်ရှိအနေအထား အရ မြောက်ကိုရီးယားက အမေရိကန်ကို ဒုံးကျည်ဖြင့် တိုက်ခိုက် တော့မည်ဟု ကြေညာခဲ့ပါကအမေရိကန် ပြည်သူများသည် လည်း အလားတူစိတ်ဖိစီးရမည့် သဘောဖြစ်သည်။

အမေရိကန်တွင် ထရန့် သမ္မတဖြစ်လာသည့်နောက်ပိုင်း မြောက်ကိုရီးယားနှင့် ဆက်ဆံရေး မှာ အခက်ထန်ဆုံး အခြေအနေသို့ ဦးတည်လာသည်။ သို့သော် အမေရိကန်၏ မူဝါဒပိုင်းမှာ ပြတ်သားမှု မရှိသေးကြောင်း ဝေဖန်မှုများကြုံနေရသည်။ မြောက်ကိုရီးယား ကို အကြိမ်ကြိမ်ဓားကြိမ်းကြိမ်း နေသော်လည်း အမေရိကန်သည် အမှန်တကယ်စစ်တိုက်ရန် အဆင်သင့်မဖြစ်နိုင်သေးကြောင်း ထောက်ပြမှုများ ရှိနေသည်။ ထို့

အပြင် သံတမန်ရေးရာ နည်းလမ်း ဖြင့် ကိုင်တွယ်ရာတွင်လည်း အောင်မြင်မှုမရဘဲ ရုန်းကန်နေရ သည်။ မြောက်ကိုရီးယားအပေါ် အရေးယူပိတ်ဆို့မှုများ အဆင့်ဆင့်မြှင့်တင်နေခြင်းသည် ပြဿနာများ ကို ဖြေရှင်းနိုင်မည့် နည်းလမ်း မဟုတ်ဟု ရုရှားနှင့် တရုတ်အစိုးရများက အမေရိကန်ကို ဝေဖန်နေ ကြသည်။

အကယ်၍ မြောက်ကိုရီးယား ၏ ဒုံးကျည်ပစ်ခတ်မည့် ရေဒါစက်ကွင်းတွင် အမေရိကန်ကို ချိန်ရွယ် လိုက်ပြီဆိုပါက နောက်ထပ် ခေါင်းမီးတောက်ရမည့် နိုင်ငံနှစ်ခု ရှိသေးသည်။ ဒေသတွင်းပြိုင်ဘက်များ ဖြစ်သည့် တောင်ကိုရီးယားနှင့် ဂျပန်တို့ကိုလည်း မြောက်ကိုရီးယား မျက်မုန်းအကျိုးဆုံးနိုင်ငံများ ဖြစ်နေသည်။ ထို့ကြောင့် မြောက် ကိုရီးယားကသာ အမေရိကန်ကို အန်တုပြီး စစ်တိုက်ပြီဆိုပါက ထိုနိုင်ငံများသည်လည်း သက်သာရာ  ရမည့် အလားအလာမမြင်ချေ။ အကွာအဝေးအရလည်း တောင် ကိုရီးယားမြို့တော် ဆိုးလ်အတွက် တာတိုပစ်ဒုံးကျည်၊ ဂျပန်၏မြို့ တော် တိုကျိုအတွက် တာလတ်ပစ် ဒုံးကျည်များ အသုံးပြုရုံဖြင့် မြောက်ကိုရီးယားက တိုက်ခိုက် နိုင်မည် ဖြစ်သည်။

မကြာသေးမီက 38 Northက ခန့်မှန်းပြုစုထားသည့် စစ်တမ်း အရမူ မြောက်ကိုရီးယားသည် တိုကျိုနှင့် ဆိုးလ်မြို့ကြီး နှစ်ခုတည်းတွင်ပင် လူပေါင်း ၂ ဒသမ ၁ သန်းမျှကို သေဆုံးစေနိုင်လောက်သည့် နျူလက်နက်တိုက်မျိုး ပိုင်ဆိုင် ထားလိမ့်မည်ဟု ဖော်ပြထား သည်။ ဆိုးလ်၏ အခြေအနေက တိုကျိုထက် ပို၍ဆိုးသည်။ မြောက်ကိုရီးယားနယ်ခြားနှင့် ပိုနီးသလို ဒုံးကျည်ကာကွယ်ရေးစွမ်းရည် အရလည်း တောင်ကိုရီးယားက ဂျပန်လောက် တောင့်တင်းအားကောင်းမှု မရှိချေ။

လက်ရှိအခြေအနေအရမူ မြောက်ကိုရီးယား၏ လှုပ်ရှားမှု တိုင်းသည် စစ်ပွဲဖြစ်ပွားမည့် အခြေအနေသို့ အချိန်နှင့်အမျှ နီးစပ်လာ နေစေကြောင်း အမေရိကန်သံတမန်အသိုက်အဝန်းက စွပ်စွဲနေ သည်။ သို့သော် အနာဂတ်လားရာသည် မည်သည့် လမ်းကြောင်းသို့ ဦးတည်သွားမည် ဆိုခြင်းကို ခန့်မှန်း၍ မရသေးချေ။ မြောက်ကိုရီး ယားခေါင်းဆောင် ကင်အနေဖြင့် မူ ၎င်း၏ နျူကလီးယားနှင့် တိုက်ချင်းပစ်ဒုံးကျည်လက်နက်များ ပိုင်ဆိုင်ရေး အိပ်မက်ကို လက်တွေ့ကျကျ အကောင်အထည် ဖော်နေ ကြောင်း ပိုမိုထင်ရှားလာသည်။ သေချာသည့် ကိစ္စတစ်ခုက မြောက်ကိုရီးယား ဒုံးကျည်များဖြင့် အမှန်တကယ် တိုက်ခိုက်မှု ကြုံလာခဲ့ပါက မည်သို့မည်ပုံ အထိရောက်ဆုံးတုံ့ပြန်ရမည် ဆိုခြင်းကို အမေရိ ကန်၊ ဂျပန်နှင့် တောင်ကိုရီးယား ကာကွယ်ရေးအရာရှိများ အလွန် ဦးနှောက်စား တွေးတောပြင်ဆင် ထားရမည်ဖြစ်သည်။

—Ref: Time


Hwasong-15 ဒုံးကျည် စမ်းသပ်ပစ်လွှတ်နေစဉ်
KCNA / file /epa