မန္တလေးနှင့် ရှေးခေတ်ဗမာ့မြို့ဟောင်းကြီးများ (ကိုကိုလေး)

ကိုလိုနီခေတ် ဗြိတိသျှအရာရှိနှင့် စာရေးဆရာ Scott O’Connor သည် မြန်မာပြည်တွင် ၁၈၉၁ မှ ၁၈၉၅ အထိ နေထိုင်ခဲ့ပြီး မြန်မာပြည်နှင့်ပတ်သက် သော စာအုပ်နှစ်အုပ် ရေးခဲ့သည်။ ယင်းတွင် ယခု ဘာသာပြန်ဖြစ်သော Mandalay and other cities of the Past In Burma စာအုပ်သည် ထင်ရှားပြီး ယနေ့တိုင် စာအုပ်ဆိုင်များနှင့် ရှေးဟောင်းဒေသများ ၌ ရောင်းချနေဆဲဖြစ်သည်။ မြန်မာပြည်သို့ လာရောက်မည့် နိုင်ငံခြားသားများ၊ ခရီးသွားများနှင့် မြန်မာ့ရေးရာ လေ့လာလိုသူများ လက်ကိုင်ထားရာ စာအုပ်ဖြစ်ခဲ့ပြီး နှစ်ပေါင်း ၁၀၀ ကျော်ချိန်အထိ စိတ်ဝင်တစား ဖတ်ရှုနေကြသော စာအုပ်လည်းဖြစ်သည်။


ထိုစာအုပ်ကို ၁၉၀၇ ခုနှစ်က ပထမအကြိမ် ပုံ နှိပ်ခဲ့ရာ နှစ်ပေါင်း ၁၁၀ တင်းတင်းပြည့်ခဲ့ပြီဖြစ်သည်။ စာရေးသူ Scott O’Connor သည် မြန်မာပြည်၌ ကို လိုနီအရာရှိတစ်ဦးအဖြစ် တာဝန်ထမ်းဆောင်ရင်းရှေးဟောင်းမြို့တော်များသို့ အရောက်သွားကာ အချိန်ယူလေ့လာခဲ့သလို မြန်မာ့သမိုင်းနှင့် ပတ်သက်သော စာအုပ်စာတမ်း မြောက်မြားစွာလေ့လာဖတ်ရှုကာ ကိုယ်တွေ့နှင့်စာတွေ့ကို ပေါင်းစပ်ရေးသားခဲ့ သည်။ နိုင်ငံခြားသားတစ်ဦးဖြစ်၍ သူ့စာအုပ်တွင် ထီးနန်းရိပ်သာမက လူထု၏အငွေ့အသက်များ၊ လူမှုခံစားမှုများနှင့် ထိုစဉ်က မြန်မာ့လူ့ဘောင်အခြေအနေကို ထင်ဟပ်ပြထားသည်။ ထို့ကြောင့် နှစ်ပေါင်း ၁၀၀ ကျော်လာသည့်တိုင် ယခုစာအုပ်သည် အသက်ဝင်ဆဲ ဖြစ်နေ၏။ ယခုစာအုပ်ကိုပင် ဆရာမြသန်းတင့်က မကွယ်လွန်မီ သမိုင်းထဲက ပုဂံ၊ ပုဂံထဲက သမိုင်း ဟူ ၍လည်းကောင်း၊ သမိုင်းထဲက မန္တလေး၊ မန္တလေးထဲ က သမိုင်း ဟူ၍လည်းကောင်းနှစ်အုပ်ခွဲကာ အကျဉ်း ချုံးဘာသာပြန်ဆိုခဲ့သည်။ ယခုမူ စာရေးသူကိုကိုလေး က လုံးစေ့ပတ်စေ့ပြန်ဆိုကာမူရင်းအတိုင်း မန္တလေး နှင့် ရှေးခေတ်ဗမာ့မြို့ဟောင်းကြီးများ အမည်ဖြင့် စာအုပ်ပေါ်ထွက်လာသည်။

စာအုပ်တွင် အပိုင်းလေးပိုင်းခွဲထားပြီး ပထမ ပိုင်း၌ မန္တလေး၊ အင်းဝ၊ အမရပူရ၊ စစ်ကိုင်းဟူ၍ အလောင်းဘုရား၏မြို့တော်များပါဝင်သည်။ ဒုတိယ ပိုင်း၌ တကောင်းမြို့နှင့် ပုဂံမြို့ဟောင်းဟူ၍ ရှေး ဟောင်း ဗမာလူမျိုးတို့၏ နေပြည်တော်များ ပါဝင် သည်။ တတိယပိုင်း၌ ပြည်နှင့်သရေခေတ္တရာဟူ၍ အလယ်ပိုင်းတိုင်းပြည်များ ပါဝင်သလို စတုတ္ထပိုင်း၌ သထုံ(သုဝဏ္ဏဘူမိ)၊ ဥဿာပဲခူးမြို့(ဟံသာဝတီ)၊ ထားဝယ်ဟူ၍ တောင်ပိုင်း နေပြည်တော်များ ပါဝင် သည်။ မူရင်းစာအုပ်တွင် ရှားပါးဓာတ်ပုံ ၂၅၀ ခန့် ပါဝင်သော်လည်း ယခုဘာသာပြန်စာအုပ်၌ နေရာအ ခက်အခဲကြောင့် သင့်လျော်မည့်ဓာတ်ပုံများသာ ဖော် ပြထားသည်။ အကြောင်းအရာနှင့် ဆီလျော်သည့် ကဏ္ဍတိုင်း၌ ဓာတ်ပုံများကို ထည့်သွင်းထားရာ ဖတ် ရှုသူ ပိုမိုသဘောပေါက်နားလည်စေပါသည်။ ယခု စာအုပ်နှင့်ပတ်သက်၍ ဆရာမြသန်းတင့်က သမိုင်း ထဲက မန္တလေး၊ မန္တလေးထဲက သမိုင်း စာအုပ်တွင် ‘အိုကွန်းနား၏ စာအုပ်သည် သမိုင်းကျမ်းလည်းဖြစ် သည်။ ခရီးသွားမှတ်တမ်းလည်းဖြစ်သည်။ သုတေ သနစာတမ်းလည်းဖြစ်သည်။ အပျင်းပြေဖတ်နိုင်သည့် ဆောင်းပါးလည်းဖြစ်သည်။ အထောက်အထား ပြုနိုင်သည့် ရည်ညွှန်းကျမ်းလည်းဖြစ်သည်။ ....စာ အုပ်ကြောင့် မန္တလေးနန်းတော်တွင် ကြီးမားသည့် ပြောင်းလဲမှုကြီးတစ်ခု ဖြစ်သွားခဲ့သည်။ သူ့စာအုပ် ပုံ မနှိပ်မီတုန်းက မန္တလေးနန်းတော်ရာဇပလ္လင်ခန်းတွင် အင်္ဂလိပ်စစ်တပ်များက ကလပ်ဖွင့်ထားကြသည်။ အချို့နေရာများတွင် တပ်တွင်းဘုရားရှိခိုးဆောင်လုပ် ထားကြသည်။ သူ့စာအုပ်ကို အိန္ဒိယဘုရင်ခံချုပ် လော့ဒ်ကာဇုန် တွေ့ရှိသွားသည့်အခါတွင် ထိုကလပ် များနှင့် ဘုရားရှိခိုးကျောင်းကို ချက်ချင်းအဖယ်ခိုင်း သည်’ ဟု ရေးခဲ့သည်။ Scott O’Connor ကိုယ်တိုင်က မူ ‘ကျွန်ုပ်သည် ယခုစာအုပ်ကို ရေးသားပြုစုရာတွင် အဖိုးတန် သမိုင်းအချက်အလက်များရရှိဖို့ ဒေသခံ များကို အတော်လေးအားကိုးခဲ့သော်လည်း သူတို့ ပြောပြကြသော ပါးစပ်ရာဇ၀င်များသည် ကွဲပြားမှုများ ရှိသောကြောင့် အားလုံးကို မှတ်သားပြီးနောက် အိန္ဒိယနိုင်ငံသို့သွားရောက်ပြီး အိန္ဒိယအစိုးရ၏ ရှေး ဟောင်းသမိုင်းသုတေသနဌာနကို သွားပြီးအကူအညီ တောင်းခဲ့ရသည်’ဟု ရေးထားသည်။ Scott O’Con-nor ၏ ယခုစာအုပ်သည် မြန်မာ့သမိုင်းကို လေ့လာလိုသူများ၊ ရှေးဟောင်းမြို့ကြီးများအကြောင်း သိရှိ လိုသူများ လက်မလွှတ်သင့်သလို မြန်မာအကြောင်း အရေးကြီးသောစာအုပ်လည်း ဖြစ်ပေသည်။ ယဉ်မျိုး စာပေက တန်ဖိုး ၆,၀၀၀ ကျပ်ဖြင့် ထုတ်ဝေပါသည်။

Top News