ရပ်ကျေးအုပ်ချုပ်ရေးမှူး ဘယ်လိုရွေးကြမလဲ

အခုတစ်လော တစ်နိုင်ငံလုံး ရပ်ကွက်၊ ကျေးရွာအုပ်ချုပ်ရေး မှူးများကို ဧပြီလအတွင်း အသစ် ပြန်လည် ရွေးချယ်ရမည့်သတင်း က ရေပန်းစား စိတ်ဝင်စားလျက် ရှိကြပါသည်။ အဆိုပါကိစ္စရပ် အား လူအများ စိတ်ဝင်စားလာ ကြသည်မှာ ကောင်းသောလက္ခ ဏာပင် ဖြစ်ပါသည်။ အကြောင်း မှာ ယနေ့ အုပ်ချုပ်ရေးမဏ္ဍိုင်တွင် အောက်ခြေလူထုနှင့် ထိတွေ့ ဆက်ဆံ စည်းရုံးဦးဆောင်ကြရ မည့်သူများမှာ ရပ်ကျေး အုပ်ချုပ် ရေးမှူးများ ဖြစ်နေခြင်းကြောင့် ပင် ပြည်သူလူထုအနေဖြင့်လည်း မိမိတို့ကို အုပ်ချုပ်မည့် အခြား သော အထက်အဆင့် အုပ်ချုပ် ရေးအဖွဲ့များကို မိမိတို့ကိုယ်တိုင် တိုက်ရိုက်ရွေးချယ်ပိုင်ခွင့် မရရှိ ကြသေးသော်လည်း မိမိတို့ကို အနီးကပ်အုပ်ချုပ်မည့် ရပ်ကျေး အုပ်ချုပ်ရေးမှူးများကို မိမိတို့ ကိုယ်တိုင် စိတ်တိုင်းကျ ရွေးချယ် ရမည့် ဒီမိုကရေစီပိုင်ခွင့်များကို မှန်မှန်ကန်ကန် အသုံးချ ရွေးချယ် ရန် လိုအပ်သည်ဟု ယူဆပါ သဖြင့် ယခုဆောင်းပါးကို ရေး သားရခြင်းဖြစ်ပါသည်။


ပြည်သူများအနေဖြင့် မိမိတို့ ကို အုပ်ချုပ်မည့် ရပ်ရွာအရေး ကိစ္စများကို ဦးဆောင်စီမံခန့်ခွဲမည့် သူများကို မှန်မှန်ကန်ကန် ရွေး ချယ်နိုင်မှသာလျှင် မိမိတို့ မျှော် မှန်းကြသည့် ဒီမိုကရေစီခရီးလမ်း ကို လွယ်ကူလျင်မြန်စွာလည်း လျှောက်လှမ်းနိုင်မည် ဖြစ်ပေ သည်။ အသစ်ပြင်ဆင် ပြဋ္ဌာန်း လိုက်သော ရပ်ကျေးအုပ်ချုပ်ရေး မှူးများ ရွေးချယ်သည့် ဥပဒေတွင် အုပ်ချုပ်ရေးမှူးများကို ယခင်အ ကြိမ်ကကဲ့သို့ ဆယ်အိမ်မှူးများကသာ မဲပေးရွေးချယ်ခြင်း မဟုတ်ဘဲ အသက် (၁၈)နှစ်ပြည့်ပြီး အိမ်ထောင်စုဝင် ကိုယ်စားလှယ်တစ်ဦးစီက မဲပေးရွေးချယ် ရမည်ဖြစ်ရာ ပြည်သူတို့၏ ဒီမိုကရေစီ အခွင့်အရေးကို အပြည့်အဝပေးထားသည်ဟု ပြောနိုင်ပါသည်။ ပြည်သူများအနေဖြင့်လည်း အဆိုပါ ဒီမိုကရေစီ အခွင့်အရေးကို မှန်မှန်ကန်ကန် ပြည့်ပြည့်ဝဝ အသုံးချခြင်းဖြင့် မိမိတို့၏ ဒီမိုကရေစီ တာဝန်များကို အထူးကျေပွန်ရန် လိုအပ်မည်ဖြစ် ပါသည်။

ထိုကဲ့သို့ ရပ်ကျေးအုပ်ချုပ် ရေးမှူးများကို မှန်မှန်ကန်ကန် ရွေးချယ်နိုင်ရန်အတွက် စာရေး သူ ကြုံခဲ့ဖူးသော ရပ်ကွက်အုပ် ချုပ်ရေးမှူး နှစ်ဦးအကြောင်းကို နမူနာအဖြစ် တင်ပြလိုပါသည်။ ထိုသို့ တင်ပြရခြင်းမှာလည်း ပုဂ္ဂိုလ်ရေး ထိခိုက်နစ်နာစေလိုသော သဘောဆန္ဒဖြင့်မဟုတ်ဘဲ ပြည်သူများအနေဖြင့် သိက္ခာရှိသော၊ တရားမျှတမှန်ကန်စွာ ဆောင်ရွက်လိုစိတ်ရှိသော ပုဂ္ဂိုလ်များကို ရွေးချယ်နိုင်စေရန် စေတနာဖြင့် သာ တင်ပြရခြင်းဖြစ်ပါကြောင်း ကြိုတင်အသိပေးအပ်ပါသည်။

ပြောရလျှင် ယခုနှစ်စော စောပိုင်းက စာရေးသူတို့မြို့တွင် မြို့နယ်စည်ပင် ကော်မတီရွေး ချယ်ခြင်းလုပ်ငန်းကို ဆက်စပ် တင်ပြရမည်ဖြစ်ပါသည်။ စာရေး သူတို့မြို့တွင် စည်ပင်ကော်မတီ ရွေးချယ်စဉ်ကာလက မြို့ပေါ်တွင် ရပ်ကွက်အုပ်ချုပ်ရေးမှူး ခြောက် ဦးရှိသည့်အနက် အသက်အကြီး ဆုံး(အသက် (၇၀) ခန့်) ဖြစ်သည့် ရပ်ကွက်အုပ်ချုပ်ရေးမှူးတစ်ဦး နှင့် အသက်အငယ်ဆုံး (အသက် (၅၀)ခန့်)ဖြစ်သည့် ရပ်ကွက်အုပ် ချုပ်ရေးမှူးတစ်ဦးတို့၏ ပါဝင် ဆောင်ရွက်ကြပုံကို တစ်နည်းအား ဖြင့် တာဝန်ထမ်းဆောင်ခဲ့ကြပုံတို့ ကို နှိုင်းယှဉ်တင်ပြသွားမည် ဖြစ် ပါသည်။

အဆိုပါ စည်ပင်ကော်မတီ ရွေးချယ်ပွဲတွင် နှစ်ဖက်အပြိုင်အ ဆိုင် ယှဉ်ပြိုင်ရွေးချယ်ခံကြသည် မှာ သဘာဝတရားပင် ဖြစ်ပါသည်။ အဆိုပါယှဉ်ပြိုင်မှုများအား မိမိတို့ နှစ်သက်ရာ ယှဉ်ပြိုင်သူကို ထောက်ခံအားပေး ဝန်းရံသည်မှာလည်း မိမိတို့၏ ပုဂ္ဂလိက ပိုင်ခွင့်ပင်ဖြစ်ပါ သည်။ သို့ပါသော်လည်း အဆိုပါ ထောက်ခံ အားပေးဝန်းရံမှုသည် မိမိ၏တာဝန်နှင့် ပိုင်းဖြတ်ခွဲခြား ထားခြင်း၊ မထားခြင်းသည် ကာယကံရှင်၏ တရားမျှတမှန်ကန် သောစိတ်ဓာတ်နှင့် သိက္ခာတရား တို့အပေါ်တွင် မူတည်နေပါသည်။

အဆိုပါ စည်ပင်ကော်မတီ ရွေးချယ်ပွဲ၏ ရပ်ကျေးအဆင့် ရွေး ချယ်ပွဲတွင် အစောကတင်ပြခဲ့ သည့် အသက်အငယ်ဆုံး ရပ်ကွက်အုပ်ချုပ်ရေးမှူး၏ ရပ်ကွက်အ ဆင့် ရွေးချယ်ပွဲတွင် အဆိုပါ အုပ် ချုပ်ရေးမှူး ထောက်ခံလိုလား သည့်ပုဂ္ဂိုလ်သည် တစ်ဖက်မှ ယှဉ် ပြိုင်သည့်ပုဂ္ဂိုလ်နှင့် မဲမကွေမ ကွာရှိနေမည်ကို အဆိုပါအုပ်ချုပ် ရေးမှူးက ခန့်မှန်းမိပါသည်။ အ ဆိုပါ အခြေအနေကို လေ့လာ စောင့်ကြည့်နေသည့် အုပ်ချုပ်ရေးမှူးသည် မဲပေးပြီးဖြစ်သည့် အိမ် ထောင်စု လေးငါးစုလောက်မှ နောက်ထပ် အိမ်ထောင်စုဝင်များ ရောက်ရှိလာပြီး ထပ်မံမဲပေးတော့ မည့် အနေအထားကို သိရှိလိုက်ပါ သည်။ အသက်ငယ်ရွယ်သော အုပ်ချုပ်ရေးမှူးသည် အဆိုပါထပ်မံမဲပေးမှူကို မသိဟန်ဆောင်နေ လိုက်လျှင် မိမိလိုလား ဖြစ်စေချင် သူ သေချာပေါက် အနိုင်ရရှိမည်ကို သိရှိသော်လည်း သူ၏အုပ်ချုပ် ရေးမှူးတာဝန်ကို အလေးထားကာ မမှန်ကန်သော နည်းလမ်းဖြင့် အနိုင်ရယူခြင်းကို နှစ်သက်လိုလားမှုမရှိဘဲ အဆိုပါ ထပ်မံမဲပေးကြ မည့် အိမ်ထောင်စုဝင်များအား မဲပေးခြင်းမပြုရန် တားမြစ်လိုက်ပါ သည်။ အဆိုပါ ရွေးချယ်ပွဲတွင် ရပ်ကွက်အုပ်ချုပ်ရေးမှူး လိုလားထောက်ခံသူသည် မဲတစ်မဲသာ လျော့နည်းပြီး ရှုံးနိမ့်ခဲ့ရပါသည်။

နောက်တစ်ဖန် အသက်အ ကြီးဆုံး အုပ်ချုပ်ရေးမှူး၏ ဆောင် ရွက်ချက်ကို ဆက်လက်တင်ပြပါ မည်။ အဆိုပါ စည်ပင်ကော်မတီ ရွေးချယ်ပွဲ၏ နောက်ဆုံး မြို့နယ် အဆင့် ရွေးချယ်ပွဲကို မြို့နယ်ထွေ အုပ်ခန်းမ၌ ဆက်လက်ကျင်းပရာ မြို့နယ်ရွေးချယ်ရေး ကြီးကြပ်ရေး အဖွဲ့နှင့် မြို့ပေါ် ခြောက်ရပ်ကွက် အုပ်ချုပ်ရေးမှူးများက ရှေ့စင်မြင့် ထက်တွင် (ဒိုင်များအဖြစ်) နေရာယူရပါသည်။ ရွေးချယ်ပွဲတွင် မဲများအသီးသီးပေးပြီး၍ စိစစ်ကြေ ညာသောအခါ အဆိုပါ အသက်အကြီးဆုံး အုပ်ချုပ်ရေးမှူး လိုလားထောက်ခံသောအဖွဲ့မှ အနိုင်ရရှိကြောင်း သိလိုက်ရသည့်အ ချိန်တွင် အဆိုပါ အသက်အကြီး ဆုံး ရပ်ကွက် အုပ်ချုပ်ရေးမှူးသည် လူအများ၏ ရှေ့မှောက်စင်မြင့် ထက်မှနေ၍ သူ၏အဖွဲ့သားများ အား လက်မထောင်၍ပြလိုက် သည်ကို အများကမြင်တွေ့လိုက်ရ ပါသည်။ အဆိုပါ အပြုအမူသည် တာဝန်ရှိသူတစ်ဦးအနေဖြင့် တာ ဝန်ရှိသည့်နေရာမှနေပြီး မိမိ၏ ပုဂ္ဂိုလ်ရေးခံစားချက်ကို ရှေ့တန်း တင်ပြုမူလိုက်သည့် အပြုအမူပင် ဖြစ်ပါသည်။

အဆိုပါ အုပ်ချုပ်ရေးမှူး၏ အပြုအမူကြောင့် တစ်ဖက် ရှုံးနိမ့် သောအဖွဲ့မှ တရားဝင်ကန့်ကွက် လိုက်ရာ သက်ဆိုင်ရာမှ ပြန်လည် စိစစ် စစ်ဆေးသောအခါ ဥပဒေ နှင့် ညီညွတ်ခြင်းမရှိသဖြင့် အဆို ပါအုပ်ချုပ်ရေးမှူး လိုလားသော အဖွဲ့မှ ရွေးချယ်ခံထားရသော ဥက္ကဋ္ဌနှင့် အဖွဲ့ဝင်တစ်ဦးတို့ ပယ် ဖျက်ခြင်းခံလိုက်ရပါသည်။

အထက်တင်ပြပါ စာရေးသူ ကြုံတွေ့ခဲ့ရသော ရပ်ကွက်အုပ် ချုပ်ရေးမှူးနှစ်ဦးတို့၏ တာဝန် ထမ်းဆောင်ခဲ့ကြပုံကို လေ့လာ သုံးသပ် ဆန်းစစ်ကြ၍ ယခုပြန် လည်ရွေးချယ်ကြရမည့် ရပ်ကျေး အုပ်ချုပ်ရေးမှူးများကို မှန်မှန် ကန်ကန်ဖြင့် ရွေးချယ်နိုင်ကြပါစေ ရန် အကြံပြုတိုက်တွန်းလိုက်ရပါ သည်။။