ကမ္ဘာကျော် ရုပ်ရှင်မင်းသား လီယိုနာဒိုဒီကာပရီရို၏ ရာသီဥတုပြောင်းလဲမှုအမြင်နှင့် မြန်မာနိုင်ငံအခြေအနေ

(၁)

သည်နေ့ ရွှေလက် အိပ်ရာ နိုးတော့ နေတောင်အတော်မြင့် နေပြီ။ နေ့စဉ်ပြုကျင့်နေကျအ တိုင်း သစ်ပင်၊ ပန်းပင်လေးများ ကို ရေလောင်းသည်။ ငှက်ကလေး များကို အစာကျွေးသည်။ ဆောင်း တွင်းဟု ခေါ်ရမည့်ကာလ ဖြစ် သော်လည်း နံနက်ခင်းမှာနှင်းကို မမြင်ရ။ ချမ်းအေးတဲ့ ဆောင်းအရသာကိုလည်း ရှာမတွေ့။ တစ်ခါ တလေ မိုးကြီး လေကြီးတောင် ကျရောက်လာတတ်သည်။ ထို့ ကြောင့် ရွှေလက်အနေဖြင့် ယခုကာလကို နွေလား၊ မိုး လား၊ ဆောင်းလား ခွဲမရအောင်ဖြစ်မိသည်။ ရွှေလက်ကိုယ်တိုင်လည်း ဆောင်းနံနက်ခင်းမှာ ချွေးဒီဒီးကျနေသည်။ နံနက်ခင်း လုပ်စရာအလုပ်များပြီး တော့ ခေတ္တအနားယူသည်။ သွားတိုက်၊ မျက်နှာသစ်၊ ခြေလက်သန့်စင်သည်။ ချစ်ဇနီးလေး ပြင်ပေးထားသည့် ပဲပြုတ်နှင့် ထမင်းကြော်ပူပူလေးစားသည်။ ပြီးတော့ ကော်ဖီသောက်၊ လက်ဖက်ရည်ကြမ်း သောက်ရင်း အောင်ပင်လယ် လူမှုဝန်းကျင်မဂ္ဂဇင်းများကို ဖတ်ရှုနေမိသည်။ ထိုအချိန်မှာ ရွှေလက်အလုပ်လုပ်သည့် သတင်းစာတိုက် မှာ သတင်းထောက်လုပ်ခဲ့ဖူးသူ က ဖုန်းဆက်လာသည်။

‘‘ဆရာရေ…၊ အခု ဆောင်းတွင်းကြီးကလည်း မိုးတွင်းကြီး ကျနေတာပဲ။ အခုအချိန်ဆို နှင်း တွေကျပြီး ချမ်းနေရမှာကို မိုးတွေ ပဲ ရွာနေတယ်။ အနွေးထည် အ သစ်လေးနဲ့တောင် ရှိုးမထုတ်ရဘူး ဆရာရယ်။ ကျွန်တော့်တစ်သက် ဒီလိုမဖြစ်ဖူးဘူး။ ဒါဆရာပြော ပြောနေတဲ့ ရာသီဥတုပြောင်းလဲ မှုကြောင့် မဟုတ်လား။ အဲဒီအကြောင်း လေး ဆောင်းပါးတစ်ပုဒ် လောက် ရေးပါလားဆရာ’’တဲ့။ ရွှေလက် ဖုန်းထဲမှာတော့ သူ့ကို ရာသီဥတုပြောင်းလဲမှု နှင့်ပတ်သက်ပြီး ပြောဖြစ်သည်။ ဆောင်းပါးတစ်ပုဒ်လည်း ရေးပါဦးမည်ဟု ပြောလိုက်သည်။ သူနှင့်ဖုန်းပြောပြီးချိန်တွင် ရွှေလက်ခေါင်းထဲ ရာ

သီဥတုပြောင်းလဲမှုကြောင့် ထိခိုက် ပျက်စီးမှုများ၊ ဘေးအန္တရာယ်လျော့ပါးရေး ဆောင်ရွက်နေမှုများ စသဖြင့်အကြောင်းအရာများက ကြီးစိုးလာသည်။ ထိုအကြောင်း အရာများနှင့်ပတ်သက်ပြီး ရွှေ လက်ဆောင်းပါးများ ရေးခဲ့ဖူးပါ သည်။ သို့သော် ပြည်သူများက သဘာဝပတ်ဝန်းကျင် ထိန်းသိမ်းရေး၊ ကမ္ဘာကြီးပူနွေးလာမှုနှင့် ရာသီဥတုပြောင်းလဲမှုများကို သိပ်စိတ်မ၀င်စားကြပေ။ ရွှေလက်ကလည်း အကြိမ်ကြိမ်ရေးပြနေမိ သည်။


(၂)

‘‘ကမ္ဘာကြီးကို ညစ်ညမ်းစေတဲ့အရာတွေကို တိုက်ဖျက်နေကြ တဲ့ ကမ္ဘာ့ခေါင်းဆောင်တွေကို အထောက်အကူပြုဖို့၊ မျိုးနွယ်စုငယ်တွေရဲ့ ရပိုင်ခွင့်တွေကို ထောက်ခံတောင်းဆိုပေးဖို့၊ ကမ္ဘာကြီးပူနွေးလာမှုကို အများဆုံးခံ စားနေကြရတဲ့ ဆင်းရဲတဲ့လူသား သန်းပေါင်းများစွာကို ကူညီဖို့၊ ယနေ့ကြုံတွေနေရတဲ့ ရာသီဥတုပြောင်းလဲမှုဖြစ်စဉ်ကို မျိုးနွယ်စု အားလုံးရဲ့ အရေးကြီးဆုံးစိန်ခေါ်မှု တစ်ရပ်အနေနဲ့ ရပ်ဆိုင်းသွားဖို့ လိုပါတယ်’’ဟု ကမ္ဘာကျော်မင်း သားကြီး လီယိုနာဒို ဒီကာပရီရိုက ပြောသည်။ ဒီကာပရီရိုက The Revenant ဇာတ်ကားဖြင့် အော်စကာ ဆုချီးမြှင့်ခံရသည့် အခမ်းအနားမှာ ပြောကြားခဲ့ခြင်း ဖြစ်သည်။ The Revenant ဇာတ်ကားကလည်း လူသားများနှင့် ကမ္ဘာမြေကြားတွင်ရှိသော ဆက်နွှယ်မှုသဘာဝတရားများကို ဖော်ညွှန်းထားသည့် ဇာတ်ကားဖြစ် သည်။ လီယိုနာဒိုဒီကာပရီရိုသည် ထိုစကားများကို သဘာဝပတ်ဝန်း ကျင် ထိန်းသိမ်းရေး အခမ်းအနားများတွင် လိုက်လျောညီထွေပြော သည့် ပုံစံမျိုးဖြင့်ပြောခဲ့ခြင်း မ ဟုတ်ပေ။ သူကိုယ်တိုင်ကလည်း သဘာဝပတ်ဝန်းကျင်ထိန်းသိမ်း ရေးလုပ်ငန်းများတွင် တက်ကြွ စွာပါဝင်ခဲ့သည်။ ရာသီဥတုပြောင်းလဲမှုနှင့်ဆက်နွှယ်သည့် မှတ်တမ်းရုပ်ရှင် များကိုလည်း ရိုက်ကူးခဲ့ သည်။ 

ထို့ပြင် လီယိုနာဒို ဒီကာပရီရိုက ‘‘နှစ်သန်းပေါင်းများစွာက မဟုတ်ခဲ့ရင်တောင်မှ နှစ်ထောင်ပေါင်း များစွာ က စတင်ပြောင်းလဲလာတဲ့ ရာသီဥတုကို အကောင်းဘက် ပြန်လည်ပြုပြင်ပြောင်းလဲဖို့ ကျွန်တော်တို့ ဆောင်ရွက်နေတဲ့ကာလမှာ ဒီရုပ်ရှင်ကို ရာသီဥတုဆိုင်ရာမှတ်တမ်းရုပ်ရှင်တွေနဲ့ တစ်ပြိုင်နက် ရိုက်ကူးတင်ဆက်ရခြင်း ဟာ အမှန်တကယ် ကြောက်ခမန်း လိလိ အတွေ့အကြုံတွေကို ရရှိခဲ့ပါတယ်။ ဂရင်းလန်း (Greenland)က ရေခဲပြင်တွေဟာ တဖြည်း ဖြည်း အရည်ပျော်ကျကုန်တာကို အံ့သြဖွယ်တွေ့ရပါတယ်။ အလားတူ အိန္ဒိယနိုင်ငံမှာလည်း မမျှော်လင့်ထားတဲ့ ရေကြီး ရေလျှံမှုတွေ ကြောင့် လယ်သမားတွေဟာ လယ်မြေတွေ ယူကျုံးမရအောင် ဆုံးရှုံးသွားတာကိုလည်း တွေ့မြင်ခဲ့ရပါတယ်။ ဒါကြောင့် ကမ္ဘာကြီး ကို ပူနွေးစေပြီး ရာသီဥတုပြောင်းလဲမှုကို အဓိကဖန်တီးနေတဲ့ ရုပ်ကြွင်းလောင်စာသုံးစွဲမှုကို စွန့်လွှတ်ပြီး ပြန်ပြည့်မြဲလောင်စာတွေ ကို သုံးစွဲကြပါလို့ တိုက်တွန်းချင် ပါတယ်’’ဟု ပြောကြားခဲ့သည်။

ထိုမျှပင်မကသေး လီယိုနာဒိုဒီကာပရီရိုသည် သဘာဝပတ်ဝန်းကျင်ထိန်းသိမ်းရေးကို ဇောက်ချလုပ်ကိုင်ရန် ရုပ်ရှင်လောကကို ခွဲခွာနှုတ်ဆက်ရမလားလို့ စဉ်းစားနေကြောင်း အင်တာဗျူးတစ်ခုတွင် ပြောခဲ့ဖူးသည်။ သို့သော်လည်း မိတ်ဆွေတစ်ယောက်၏ ‘‘ရုပ်ရှင်သရုပ်ဆောင်အနေနဲ့ သဘာဝပတ်ဝန်းကျင် ထိန်းသိမ်းရေး လုပ် ငန်းတွေကို အကောင်အထည်ဖော်တာ သာမန်လူတစ်ယောက်ထက် ပိုမိုကျယ်ဝန်းတဲ့ အခင်းအကျင်းနဲ့ အသံပို ကျယ်တယ်’’ ဟူသည့်အကြံပြုချက်ကို သူက သဘောကျခဲ့သည်။ သူသည်ဇီဝမျိုးစုံမျိုးကွဲများနှင့် ခြိမ်းခြောက်ခံ နေရသည့် ဂေဟစနစ်ကို ကာကွယ်ရန် ‘လီယိုနာဒိုဒီကာပရီရိုဖောင်ဒေးရှင်း’ ကို ၁၉၈၈ ကတည်းကတည်ထောင်ခဲ့သူဖြစ်သည်။ ထိုဖောင်ဒေးရှင်းမှ တစ်ဆင့်‘ရုပ်ကြွင်း လောင်စာများအပေါ် အမှီအတွယ်ကင်းသော သန့်စင်စွမ်းအင်’ဟူသည့် စာတမ်းတစ်စောင်ကို လည်း ပါရီတွင်ကျင်းပသည့် ကမ္ဘာ့ရာသီဥတုပြောင်းလဲခြင်း ထိပ်သီးညီလာခံသို့ ပေးပို့ခဲ့သည်။ 

ထို့အပြင် သူသည် ပုပ်ရဟန်းမင်းကြီး၏ ဗာတီကန်မြို့တော် တွင် ပုပ်ရဟန်းမင်းကြီး ဖရန်စစ် နှင့် တွေ့ဆုံကာ ရာသီဥတုပြောင်းလဲမှုကို ရပ်တန့်သွားအောင် မည်ကဲ့သို့သော နည်းလမ်းများဖြင့် ဆောင်ရွက်သင့်သည်ကို ဆွေးနွေးခဲ့သည်။ လီယိုနာဒိုဒီကာပရီရို၏ ရာသီဥတုပြောင်းလဲမှုအပေါ် အမြင်နှင့် ဆောင်ရွက်ချက်များကို စတင်ဖတ်မိကတည်းက ကြက်သီးများပင် ထမိခဲ့သည်။ ရွှေလက် ချစ်ခင်နှစ်သက်သည့် ကမ္ဘာကျော်မင်းသားတစ်ဦးက ရာသီဥတုပြောင်းလဲမှု တားဆီးရေး၊ သဘာဝပတ်ဝန်းကျင်ထိန်းသိမ်းရေးများကို တွန်းတွန်းတိုက်တိုက် လုပ်နေကြောင်းသိရတော့ အံ့သြ၀မ်းသာမိသည်။ ရွှေလက်တို့ မြန်မာနိုင်ငံက နာမည်ကျော် ရုပ်ရှင်သရုပ် ဆောင်များလည်း ထိုကဲ့သို့ လုပ်ဆောင်ကြမည်ဆိုလျှင် ဘယ် လောက်ကောင်း လိုက်မလဲဟု ပင် စိတ်ကူးယဉ်လိုက်မိသေးသည်။

(၃)

 

ကမ္ဘာ့ရာသီဥတုပြောင်းလဲ ခြင်းကို ၁၉၈၀ က စတင်ခံစားခဲ့ပြီး မြန်မာနိုင်ငံတွင်တော့ ၁၉၇၈ က တည်းက စတင်ခံစားခဲ့ရကြောင်း မှတ်သားခဲ့ရသည်။ ၁၉၈၀ မှ ၁၉၉၈ ကာလများသည် မြန်မာနိုင်ငံအတွက် ပြင်းထန်သည့် ရာသီဥတုပြောင်းလဲမှုကာလများ ဖြစ်သည်။ သို့သော် ရွှေလက်တို့ မြန်မာပြည်သူများ ဘာမျှမသိခဲ့ကြ ပါ။ ထိုကာလတွင် ကမ္ဘာ့ရာသီဥ တု ပြောင်းလဲမှုကြောင့် ကမ္ဘာ့နိုင် ငံများတွင် မုန်တိုင်းတိုက်၊ ရေကြီး၊ ငလျင်လှုပ်၊ မြေပြို၊ အပူချိန် ပြင်းထန်စသဖြင့် သဘာဝဘေး အန္တရာယ်များ လွန်လွန်ကဲကဲ ဖြစ်နေသည်။ လူများသိန်းသောင်း ချီ သေဆုံးခဲ့ကြသည်။ ထိုအချိန်ထိ မြန်မာနိုင်ငံတွင် ရာသီဥတု ပြောင်းလဲမှုနှင့်ပတ်သက်ပြီး ထူး ထူးခြားခြား ဖြစ်စဉ်များ မဖြစ်ခဲ့ ဟု ယူဆရသည်။ မြန်မာနိုင်ငံတွင် ကမ္ဘာကြီးပူနွေးလာမှုနှင့် ရာသီဥ တုပြောင်းလဲမှုအပါအ၀င် သဘာဝပတ်ဝန်းကျင်ထိန်းသိမ်းရေးအ ကြောင်း ပြောဆိုမှုများ မရှိသ လောက် နည်းခဲ့သည်။

၂၀၀၈ တွင်တော့ နာဂစ်မုန်တိုင်းက မြန်မာနိုင်ငံတွင် သဘာဝပတ်ဝန်းကျင်ပျက်စီးနေပြီး ရာသီဥတု ပြောင်းလဲနေပြီဖြစ် ကြောင်း သက်သေပြလိုက်သည်။ မြန်မာပြည်သူ တစ်သိန်းလေး သောင်းခန့် သေဆုံးခဲ့ပြီး ဘ၀ ပေါင်းများစွာလည်း အိုးမဲ့၊ အိမ်မဲ့၊အနာဂတ်မဲ့ ခဲ့ရသည်။ ထိုအခါမှ မြန်မာနိုင်ငံတွင် သဘာဝပတ် ၀န်းကျင် ပျက်စီးမှုကြောင့် ရာသီဥတုပြောင်းလဲနေပြီဟု ပညာရှင် များ၊ အဖွဲ့အစည်းများက ပြော

ဆိုပြီး ထိန်းသိမ်းရေးလုပ်ငန်းများ လုပ်ဆောင်ရန် တိုက်တွန်းခဲ့ကြသည်။ ထိုအချိန်မှစပြီး မြန်မာနိုင်ငံ၏ ရာသီဥတုပြောင်းလဲမှုသည် သိသိသာသာ လွန်လွန်ကဲကဲ ဖြစ်လာခဲ့သည်။ မြန်မာနိုင်ငံသည် ပြင်းထန်သည့် ရာသီဥတုဒဏ်ကိုတိုက်ရိုက် အဆိုးဆုံး ခံစားရသော ကမ္ဘာ့နိုင်ငံများအနက် ဒုတိယနေရာတွင် ရပ်တည်နေခဲ့ ရသည်။ သို့သော်လည်း မြန်မာနိုင်ငံ ရာသီဥတုပြောင်းလဲမှုနှင့်ပတ် သက်ပြီး လုပ်ဆောင်ချက်များ သည် အားရစရာမရှိခဲ့ပေ။ နိုင်ငံ တော်အစိုးရကလည်း ရာသီဥတုပြောင်းလဲမှု တိုက်ဖျက်ရေးအတွက် ကမ္ဘာ့နိုင်ငံများနှင့်အတူ သဘောတူလက်မှတ်ထိုးသည်။ ဆွေးနွေး ဟောပြောပွဲများ၊ ပြပွဲပြိုင်ပွဲများ ကျင်းပသည်။ စီမံချက်များရေးဆွဲသည်။ ထိုသို့လုပ်ဆောင်နေရင်း မြန်မာနိုင်ငံတွင် မိုးများပြီး  ရေကြီးရေလျှံ ဖြစ်သည်။ အပူချိန်လွန်ကဲပြီး သောက်သုံးရေပြတ်လပ် မှုဖြစ်သည်။ ထိုသို့ဖြင့် မြန်မာနိုင်ငံတွင် ရာသီဥတုဖောက်ပြန်ပြောင်းလဲမှုများသည် သိသိသာသာ လွန်လွန်ကဲကဲ ဖြစ်ပွားနေတော့သည်။
 

 
 
လက်ရှိအစိုးရအဖွဲ့ သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီးဌာန ပြည်ထောင်စုဝန်ကြီးကတော့ ပြင်းထန်သည့် ရာသီဥတုပြောင်းလဲ မှုပုံစံကို တုံ့ပြန်နိုင်ရန် မြန်မာရာသီဥတုပြောင်းလဲမှုအစီအစဉ်ကို အီးယူ၊ ကုလသမဂ္ဂအဖွဲ့အစည်း များ၏အကူအညီဖြင့် ၂၀၁၃ မှ စတင်ဆောင်ရွက်ခဲ့ကြောင်း၊ ရာသီဥတု ပြောင်းလဲမှုကို ရင်ဆိုင်တုံ့ပြန်ရန်နှင့် စဉ်ဆက်မပြတ်ဖွံ့ဖြိုးမှုကို အထောက်အကူပြုဖော်ဆောင်နိုင်မည့် လမ်းညွှန်၊ မူဘောင်အဖြစ် မြန်မာနိုင်ငံအမျိုး သားအဆင့် ရာသီဥတု ပြောင်းလဲမှု ဆိုင်ရာ မူဝါဒ၊ မဟာဗျူဟာနှင့် လုပ်ငန်းအစီအစဉ်များကို ရေးဆွဲ ခဲ့ပြီး အချောသပ်လုပ်ငန်းများ လုပ်ဆောင်နေကြောင်း ပြီးခဲ့သည့် အောက်တိုဘာ ၂၆ ရက်တွင် ပြောကြားခဲ့သည်။ မြန်မာနိုင်ငံသည် ခေတ်အဆက်ဆက်ကတည်းက ကောင်းမွန်ထူးခြားသည့် စီမံချက်များ၊ မူဝါဒများ၊ မဟာဗျူဟာများကို ရေးဆွဲခဲ့ပါသည်။ သို့သော်  မြန်မာနိုင်ငံအတွက်တော့ သိပ်ထူးခြားကောင်းမွန်မှု မရှိခဲ့ပေ။ ထို့ကြောင့် မြန်မာနိုင်ငံအမျိုးသားအဆင့် ရာသီဥတုပြောင်းလဲမှု ဆိုင်ရာ မူဝါဒ၊ မဟာဗျူဟာနှင့် လုပ်ငန်းအစီအစဉ်များကို ရေးဆွဲထုတ်ပြန်ပြီးလျှင်လည်း ထိထိရောက်ရောက်လိုက်ပါဆောင်ရွက်ရန် လိုပါသည်။ သို့မှသာ ရာသီဥတုပြောင်းလဲမှုကို တိုက်ဖျက်နိုင်ပြီးသဘာဝဘေးအန္တရာယ်များလည်းလျော့ပါးသက်သာလာမည် ဖြစ်သည်။  

 

 
(ဖော်ပြပါ ဆောင်းပါးသည် စာရေးသူ၏ အာဘော်သာဖြစ်ပါသည်)