မွေးရာပါ နှုတ်ခမ်းကွဲ၊ အာခေါင်ကွဲကလေးငယ်များ စောစီးစွာ ကုသရန်လိုအပ်

မွေးရာပါ နှုတ်ခမ်းကွဲ၊ အာခေါင် ကွဲ ကလေးငယ်မျာကို ၎င်းတို့၏ ဘ၀တစ်လျှောက်လုံး သာမန်လူ ကဲ့သို့ ဖြတ်သန်းနိုင်ရန် အရွယ် ငယ်ချိန်တွင် စောစီးစွာကုသရန် လိုအပ်ကြောင်း ရန်ကုန်ပြည်သူ့ ဆေးရုံကြီး၊ မျက်နှာမေးရိုးနှင့် ခံ တွင်းဌာန ပါမောက္ခ ဌာနမှူး ဒေါက်တာမိုးသူဇာက ပြောသည်။


‘‘ကလေးကခွဲစိတ်ပြီးရင် စားနိုင်သောက်နိုင်တယ်။ ပြုံးနိုင်တယ်။ ခွဲထားတဲ့အခါကျတော့ အနာရွတ် က နည်းနည်းလေးတော့ ရှိတယ် ပေါ့။ အနာရွတ်ကလည်း ကြာရင် ပျောက်သွားမယ်။ သာမန်လူတစ် ယောက်လိုမျိုးပေါ့။ စကားလည်း ပြောနိုင်မယ်။ အချိန်မီသာ ခွဲမယ် ဆိုရင်။ စောစောခွဲနိုင်လေ စော စော ကောင်းလေပဲ’’ဟု ၎င်းက ပြောသည်။

ထို့ကြောင့် မွေးရာပါ နှုတ် ခမ်းကွဲ၊ အာခေါင်ကွဲ ကလေးငယ် များအတွက် ကုသမှုခံယူရန် အ ကောင်းဆုံးအရွယ်သည် သုံးလမှခြောက်လကြားဖြစ်ပြီး ပေါင်ချိန် အားဖြင့် ၁၀ ပေါင်ပြည့်ရမည်ဖြစ် သည်။ ထို့ပြင် သွေးအားကောင်း ရန်လည်း လိုအပ်သည်။

ထိုကဲ့သို့ စောစီးစွာခွဲစိတ်ကု သခြင်းဖြင့် ကလေးငယ်သည် အစားစားနိုင်ခြင်း၊ စကားပြောနိုင် ခြင်းအပြင် ပတ်ဝန်းကျင်တွင် လှောင်ပြောင်ခံရမှုမှ ကင်းဝေးခြင်း နှင့် အချို့မိဘများတွင် စွန့်ပစ်မှု များရှိတတ်သဖြင့် အဆိုပါ စွန့်ပစ်မှုများ ကင်းဝေးခြင်းစသည့် အကျိုးကျေးဇူးများရှိလာသည်။

နှုတ်ခမ်းကွဲ၊ အာခေါင်ကွဲ ဆိုသည် မွေးရာပါနှုတ်ခမ်း(သို့မ ဟုတ်) အာခေါင်တွင်သော်လည်း ကောင်း၊ နှစ်ခုစလုံးတွင်သော်လည်း ကောင်း အက်ကွဲကြောင်းရှိနေ ခြင်းဖြစ်သည်။ ယင်းကဲ့သို့ ကလေးငယ်များ မွေးဖွားနိုင်ခြေသည် ကလေး ၈၀၀ တွင် တစ်ဦးနှုန်းဖြစ်ပြီး အာရှတိုက်နှင့် အိန္ဒိယ၊ အမေရိကန်မျိုးနွယ်စုတို့၌ ပိုမိုအဖြစ်များသည်။

ယင်းရောဂါသည် မျိုးရိုး လိုက်ခြင်း၊ ကိုယ်ဝန်ဆောင်စဉ် မိခင်က အရက်၊ ဆေးလိပ်၊ မူးယစ်ဆေးသုံးစွဲခြင်း၊ ကိုယ်ဝန်ဆောင်စဉ် မိခင်၌ ဗိုင်းရပ်စ်ပိုး၊ ဓာတုပစ္စည်းများ၊ ပိုးသတ်ဆေး၊ ခဲ ဆိပ်သင့်ခြင်း၊ သတ္တုအဆိပ်သင့် ခြင်းစသည်တို့ကြောင့် အာခေါင် ကွဲ၊ နှုတ်ခမ်းကွဲကလေးငယ်များ မွေးဖွားလာနိုင်သည်။ ယင်းချို့ ယွင်းချက်များကြောင့် ကလေး ငယ်များတွင် နောက်ဆက်တွဲဆိုး ကျိုးအဖြစ် စကားမပြောနိုင်ခြင်း နှင့် အကြားအာရုံထိခိုက်၍ နားမ ကြားသည်အထိ ဖြစ်နိုင်ကြောင်း ဆရာဝန်ကြီးများက ပြောသည်။ 

More in News Section