ခရီးသည်အား ဓားထောက်လုသူ နှစ်ဦးကို အငှားယာဉ်နံပါတ်မှ ခြေရာခံဖမ်းမိ

ရဲဝင်းထွန်းနှင့် မီကိုအား သက်သေခံပစ္စည်းများနှင့်အတူတွေ့ရစဉ် (ဓာတ်ပုံ − Yangon Police)

အငှားယာဉ်စီးနင်းသည့် အမျိုးသမီးတစ်ဦးထံမှ ရွှေထည်ပစ္စည်း၊ ဖုန်းနှင့် ငွေများ အပါအ၀င် စုစုပေါင်းကျပ်သိန်း ၅၀ ကျော်ဖိုး လုယက်သူနှစ်ဦးကို နှစ်လခန့်အကြာတွင် ဖမ်းမိခဲ့ကြောင်း ရန်ကုန်တိုင်းရဲတပ်ဖွဲ့မှူးရုံးမှ ရဲအရာရှိတစ်ဦးကပြောကြားသည်။

လုယက်ခံရသူ အမျိုးသမီး သည် အောက်တိုဘာဒုတိယပတ်၊ နံနက်အစောပိုင်းက လှိုင်မြို့နယ် ဘာတာမှတ်တိုင်မှ လသာမြို့နယ် သံဈေးသို့သွားရန် အငှားယာဉ်တစ်စီး ငှားရမ်းစီးနင်းခဲ့ပြီး ယာဉ်ပေါ်တွင် ယာဉ်မောင်းအပါအ၀င် အခြားအမျိုးသမီးတစ်ဦးပါ လိုက်ပါလာကြောင်း ၎င်းကဆက်လက် ရှင်းပြသည်။


ဒဂုံမြို့နယ် အမှတ်(၂) အခြေခံပညာအထက်တန်းကျောင်းရှေ့အရောက်တွင် ယာဉ်ကို ရပ်တန့်ကာ ခရီးသည်အမျိုးသမီးထံ မှ ရွှေဆွဲကြိုးတစ်ကုံး၊ လော့ကတ် သီးတစ်ခု၊ စိန်လက်စွပ်နှင့် ရွှေ လက်စွပ်တစ်ကွင်းစီ၊ လက်ကိုင် ဖုန်း အပါအ၀င် ကျပ်ငါးသိန်းကိုဓားထောက် လုယက်ခဲ့ကြောင်း ရဲအရာရှိကပြောကြားသည်။

ထို့နောက် ခရီးသည်အမျိုး သမီးကို လမ်းမတော်မြို့နယ် ဆေးတက္ကသိုလ်(၁)ဘေးရှိ လမ်းသွယ်အတွင်း ကားပေါ်မှ ဆင်း ခိုင်းကာ မောင်းနှင်ထွက်ပြေးခဲ့ ကြောင်း ရဲအရာရှိက ဆက်လက် ပြောကြားသည်။

 ခရီးသည်အမျိုးသမီးထံမှ ကျပ်သိန်း ၅၀ ကျော် လုယက် သူသည် လှည်းကူးမြို့နယ် တိုးချဲ့ရပ်ကွက်နေ အသက်(၃၂) နှစ်အရွယ် ရဲဝင်းထွန်းဆိုသူဖြစ်ပြီး ၎င်းနှင့်အတူ လုယက်မှုကျူးလွန်ရာတွင် ပါဝင်သည့် အမျိုးသမီး သည် ဒဂုံမြို့သစ်တောင်ပိုင်း (၅၆)ရပ်ကွက်နေ (၂၆)နှစ်အရွယ် မီကိုဖြစ်ကြောင်း ဒဂုံမြို့နယ်ရဲတပ်ဖွဲ့မှူးရုံးမှ ရဲအရာရှိတစ်ဦးကပြော သည်။

 လုယက်ခံရသည့် အမျိုး သမီး ငှားရမ်းစီးနင်းသည့် အငှား ယာဉ်နံပါတ်မှတစ်ဆင့် စုံစမ်းရာ အဆိုပါယာဉ်သည် ဗဟန်းမြို့ နယ် မင်းလမ်းရှိ ပစ်တိုင်းထောင် အငှားယာဉ်ဂိတ်တွင် ဂိတ်ထိုး သည်ကိုသိရပြီး ထိုမှတစ်ဆင့် လုယက်သူများကို စုံစမ်းခဲ့ကြောင်း ၎င်းကပြောသည်။

 လုယက်မှုကျူးလွန်သည့် ရဲဝင်းထွန်းကို လှိုင်သာယာမြို့ နယ် (၁၂)ရပ်ကွက်ရှိ ၎င်း၏ ဦးလေးတော်စပ်သူ နေအိမ်၌ ဒီဇင်ဘာလဆန်းတွင် ဖမ်းမိခဲ့ပြီး မီကိုအား မင်္ဂလာဒုံမြို့နယ်မှ ဖမ်းဆီး မိခဲ့ကြောင်း ရဲအရာရှိက ပြော သည်။

ဖမ်းမိသူနှစ်ဦးသည် အငှား ယာဉ် အကြို၊ အပို့လုပ်စဉ် ရင်းနှီး ခဲ့ပြီး အောက်တိုဘာ ၈ ရက် ည၁၂ နာရီတွင် ရဲဝင်းထွန်းက မမီ ကိုအား ဖုန်းဆက်ခေါ်၍ အငှား ယာဉ်ဖြင့် ခရီးသည်များကို ပို့ ဆောင်ပေးခဲ့သည်။

ရဲဝင်းထွန်းနှင့် မီကိုတို့နှစ်ဦးကို ဒဂုံမြို့မရဲစခန်းက လုယက်မှုပုဒ်မ ၃၉၂ ဖြင့် အမှုဖွင့်ကာ အခြားပြစ်မှုကျူးလွန်သူများ ရှိ၊ မရှိ ဆက်လက် စစ်ဆေးနေကြောင်း ဒဂုံမြို့မရဲစခန်းမှ ရဲအရာရှိတစ်ဦး ကပြောသည်။