ခိုင်မာသည့် အာမခံချက်ရှိမှသာ ပြည်ပသို့ အိမ်အကူတရားဝင်စေလွှတ်ခွင့်ပြုမည်

 ခိုင်မာသည့် အာ မခံချက်ရှိမှသာ ပြည်ပသို့ အိမ် အကူလုပ်သားတရားဝင်စေလွှတ် ခွင့်ပြုမည်ဖြစ်ကြောင်း အလုပ်သမား၊ လူဝင်မှုကြီးကြပ်ရေးနှင့်ပြည်သူအင်အားဝန်ကြီးဌာန အမြဲတမ်းအတွင်းဝန် ဦးမျိုးအောင်ကပြောသည်။

‘‘တရားဝင်ဖြစ်အောင် ကြိုး စားဆောင်ရွက်နေတယ်။ ညှိနှိုင်း ဆွေးနွေးမှုတွေ လုပ်နေတယ်။ တို့ က ခိုင်မာစေချင်တာ၊ ဒီဟာက ပြဿနာတက်လွန်းတယ်။ ပြီးပြီး ရော လွှတ်လိုက်ရင် ပြဿနာတက်မယ်။ ဘယ်လိုကာကွယ်စောင့် ရှောက်မှာလဲ၊ ဘယ်လိုတာဝန်ယူ မှာလဲ’’ဟု ဒီဇင်ဘာ ၆ ရက်က ပြု လုပ်သည့် လူ့စွမ်းအားဖွံ့ဖြိုးမှု အညွှန်းကိန်းများ အလုပ်ရုံဆွေး နွေးပွဲတွင် မီဒီယာများက အိမ်အ ကူလုပ်သားများ ပြည်ပသို့ တရား ၀င်စေလွှတ်ခွင့်နှင့် ပတ်သက်၍ မေးမြန်းမှုကို ၎င်းက ပြန်လည်ဖြေကြားသည်။


အိမ်အကူအလုပ်သမားများ အတွက် နိုင်ငံအချို့က လာရောက်ဆွေးနွေးမှုများနေပြီး တရားဝင်စေလွှတ်နိုင်မည့် အချိန်ကိုမူ ပြောဆိုနိုင်ခြင်းမရှိသေးကြောင်း ဦးမျိုးအောင်က ပြောသည်။

မြန်မာအိမ်အကူ အလုပ်သမားများသည် စင်ကာပူ၊ ထိုင်း၊ဟောင်ကောင်နှင့် မကာအိုနိုင်ငံတို့သို့ တရားမ၀င်သွားရောက်လုပ်ကိုင်နေသည်။

 ထို့အပြင် ပြည်ပသို့ အိမ်အ ကူအလုပ်တရားဝင်စေလွှတ်ပါ က စင်ကာပူနိုင်ငံကို ဦးစားပေး မည်ဟု ပြည်ပအလုပ်အကိုင်ရှာ ဖွေရေးအေဂျင်စီမှ တာဝန်ရှိသူ အချို့က ပြောကြားသည်။

မြန်မာနိုင်ငံက စင်ကာပူနှင့် ဟောင်ကောင်သို့ အိမ်အကူသွားရောက်လုပ်ကိုင်ခြင်းကို ၂၀၁၃ ၌ စမ်းသပ်ခွင့်ပြုခဲ့ပြီး ၂၀၁၄ တွင် ယင်းလုပ်သားစေလွှတ်မှုအပေါ် ဝေဖန်ခံရသောကြောင့် လက်ရှိအထိ ရပ်ဆိုင်းထားသည်။

ပြည်ပသို့ အိမ်အကူများ တရားမ၀င်သွားရောက်နေသဖြင့် တိုင်းပြည်ဘဏ္ဍာရေးအတွက် အခွန်ဆုံးရှုံးမှုများရှိနေပြီး ပြဿနာဖြစ်ပါက ဖြေရှင်းရာတွင် အခက်အခဲများရှိသောကြောင့် တရားဝင်စေလွှတ်ခွင့်ပြုသင့်ကြောင်း ပြည်ပအလုပ်အကိုင်ရှာဖွေရေးအေဂျင်စီတွဲဖက်အတွင်းရေးမှူး ဦးကျော်ဇောက ပြောသည်။

More in News Section