၁၇ နှစ်ကြာ ပိတ်ထားသော အင်းစိန်ဂျီတီအိုင်ကျောင်း ပြန်လည်ဖွင့်လှစ်

ဂျီတီအိုင်ကျောင်းရှိ စာသင်ခန်းတစ်ခုကို ယမန်နေ့က တွေ့ရစဉ်(ဓာတ်ပုံ − နစ်ကီ)

၁၇ နှစ်ကြာ ပိတ်ထား သော အင်းစိန်ဂျီတီအိုင် (အစိုးရ စက်မှုလက်မှုသိပ္ပံ-အင်းစိန်) ကို ဒီဇင်ဘာ ၁ ရက်တွင် ပြန်လည်ဖွင့် လှစ်ခဲ့ပြီး သုံးနှစ်သင်တန်းများ ဖွင့်လှစ်သင်ကြားမည်ဖြစ်သည်။

၁၂၂  နှစ် သက်တမ်းရှိ အေဂျီတီအိုင် အဆောက်အအုံကို ပညာရေးဝန်ကြီးဌာနက ပြန်လည်ပြုပြင်ကာ သင်တန်းများဖွင့်လှစ်ပေးပြီး ယခုပညာသင်နှစ်တွင် အဆိုပါကျောင်းသို့ ကျောင်းသား


၂၂၃ ဦးနှင့် ကျောင်းသူ ၄၇ ဦးတက်ရောက်ခွင့်ရထားသည်။

 ‘‘လျှောက်ထားသူဦးရေ ၂,၆၂၇ ဦးထဲမှ ကျောင်းတက်ဖို့ပြန် ရွေးချယ်ခံရတဲ့သူ ၂၇၀ ဦးရှိပါ တယ်။ စာစသင်နေပြီ။ ကျောင်းအ တွက် လိုအပ်တာတွေကိုလည်းအ ခု ဆက်တိုက်လုပ်နေတယ်’’ ဟု အင်းစိန်ဂျီတီအိုင် ကျောင်းအုပ် ကြီး ဦးမြတ်ကိုက ပြောသည်။

ဒီဇင်ဘာ ၅ ရက်အထိ အင်း စိန်ဂျီတီအိုင်အဆောက်အအုံ၏ အင်းစိန်လမ်းမဘက်အခြမ်း စာ သင်ဆောင်များကို ပြင်ဆင်မွမ်းမံ ထားပြီး ယင်းအဆောင်များတွင် စာသင်ကြားနေပြီဖြစ်သည်။ ပြန်လည်ဖွင့်လှစ်သော အင်းစိန် ဂျီတီအိုင်ကျောင်းတွင် စာသင်ခန်းငါးခန်း၊ စာကြည့်တိုက်၊ ဘာသာရပ် အလိုက်ဓာတ် ခွဲခန်းလေးခန်း၊မြို့ပြအင်ဂျင်နီယာ အလုပ်ရုံ၊Drawing Room နှစ်ခန်း၊ ဆရာနားနေခန်း၊ကျောင်း သားနားနေခန်းနှင့် ရုံးခန်းများပါဝင်သည်။

 မြို့ပြအင်ဂျင်နီယာ၊ အီလက်ထရွန်နစ် အင်ဂျင်နီယာ၊ လျှပ်စစ်စွမ်းအား အင်ဂျင်နီယာ၊ စက်မှုအင်ဂျင်နီယာ၊ သုတနည်းပညာဘာသာရပ် ငါးခုဖွင့်လှစ်မည်ဖြစ်ပြီး သုံးနှစ်သင်တန်းပြီးဆုံးပါက ဒီပလိုမာပေးအပ်မည်ဖြစ်သည်။ထို့အပြင် သတ်မှတ်အရည်အချင်းနှင့် ကိုက်ညီပါက နည်းပညာတက္ကသိုလ်တတိယနှစ်သို့ ပေါင်းကူးတက်ရောက်ခွင့်ပြုမည်ဖြစ်သည်။

အင်းစိန်ဂျီတီအိုင်ဝင်ခွင့်အ တွက် တက္ကသိုလ်စာမေးပွဲ၌ သင်္ချာ၊ ရူပဗေဒ၊ ဓာတုဗေဒဘာ သာရပ်များ ပါဝင်သော ဘာသာ တွဲဖြင့် အောင်မြင်သူများကို အောက်တိုဘာ ၁၉ ရက်မှ နိုဝင် ဘာ ၁၀ ရက်အထိ လျှောက်ထား ခွင့်ပြုခဲ့သည်။ ယင်းတို့အနက် အင်္ဂလိပ်စာနှင့် သင်္ချာဘာသာရပ် နှစ်ခုပေါင်း ရမှတ်အမြင့်ဆုံးရသူများကို ဦးစားပေးလက်ခံခဲ့သည်။

အင်းစိန်ဂျီတီအိုင်ကျောင်း သည် မြန်မာနိုင်ငံ၏ ပထမဆုံး စက်မှုလက်မှုပညာသင် ကျောင်း ဖြစ်ပြီး ကျောင်းအဆောက်အအုံ သည် ၁၂၂ နှစ်သက်တမ်းရှိသည်။ အဆိုပါကျောင်းကို ၂၀၀၀ ပြည့်နှစ် တွင် စတင်ပိတ်ထားရာ ၂၀၁၆ ၌ ရန်ကုန်မြို့တော် စည်ပင် သာယာရေးကော်မတီက ပညာ ရေးဝန်ကြီးဌာနသို့ ပြန်လည်လွှဲ ပြောင်းပေးခဲ့သည်။

Top News