လေထုညစ်ညမ်းမှုကြောင့် ကလေးငယ် ၁၇ သန်းကျော် ဦးနှောက်ဖွံ့ဖြိုးမှု ပြဿနာများ ရင်ဆိုင်နေရ

လေထု ညစ်ညမ်းမှုနှင့် ဆက်စပ်ပြီး ကမ္ဘာပေါ်တွင် ကလေးငယ် ၁၇ သန်းကျော်မျှ ဦးနှောက် ဖွံ့ဖြိုးမှု ပြဿနာများ ရင်ဆိုင်နေရကြောင်း ကုလသမဂ္ဂက သတိပေးခဲ့သည်။

ကုလသမဂ္ဂ၏ မိခင်နှင့် ကလေးများဆိုင်ရာ အေဂျင်စီဖြစ်သော ယူနီဆက်ဖ်က အဆိပ်အတောက် ပါဝင်သော လေထုကို ရှူရှိုက်ရသည့်အခါ ကလေးငယ်များ၏ ဦးနှောက် ဖွံ့ဖြိုးမှုကို ထိခိုက် အန္တရာယ် ဖြစ်လာစေကြောင်း သတိပေးခဲ့သည်။

အရှေ့တောင်အာရှ နိုင်ငံများတွင် တစ်နှစ်အောက် ကလေးဦးရေ ၁၂ သန်းကျော်မျှ အဆိုပါ ပြဿနာနှင့် ရင်ဆိုင်နေရနိုင်ပြီး အခြေအနေ အဆိုးဆုံး ဒေသဟု ယူနီဆက်ဖ်က သတ်မှတ်ထားသည်။ အရှေ့အာရှနှင့် ပစိဖိတ် ရပ်ဝန်းတို့တွင် နောက်ထပ် ကလေးငယ် ၄ သန်းမျှ လေထုညစ်ညမ်းမှုဒဏ် ခံနေရသည်ဟု ဆိုသည်။

ယူနီဆက်ဖ်၏ အဆိုအရ ညစ်ညမ်းလေထုကို ရှူရှိုက်ရသည့်အခါ ကလေးများ၏ နုနယ်သော ဦးနှောက်တစ်ရှူးများကို ထိခိုက် ယိုယွင်းစေပြီး အစဉ်တစိုက် ဖွံ့ဖြိုးမှုကို အနှောင့်အယှက် ဖြစ်စေကြောင်း သိရသည်။

အကျိုးဆက် အနေဖြင့် ကလေးများ၏ နှုတ်မှု၊ လက်မှု ထိုးထွင်းသိမြင်နိုင်စွမ်းများ၊ မှတ်ဉာဏ်များတွင် ဖွံ့ဖြိုးမှု အားနည်းစေပြီး ကျောင်းတက်သည့် အရွယ်တွင် အတန်းထဲ၌ ရမှတ်များ လျော့နည်းကျဆင်းနိုင်ခြင်း၊ အခြားသော အမူအကျင့်ဆိုင်ရာ ပြဿနာများထံ ဦးတည်သွားနိုင်ခြင်း အစရှိသည့် နောက်ဆက်တွဲ ဆိုးကျိုးများပါ ပေါ်လာနိုင်ကြောင်း ယူနီဆက်ဖ်၏ ပညာရှင်များက သတိပေးခဲ့သည်။ ထို့အပြင် ငယ်စဉ်ဘဝက ထိတွေ့မိသော အဆိုပါ အခြေအနေသည် တစ်ဘဝလုံးစာ သက်ရောက်နိုင်သည်ဟုလည်း ဆိုသည်။

လူနေဧရိယာများတွင် လေသန့်စင်မှု စနစ်များ မြှင့်တင်ရန်၊ ပြင်ပသို့ ထွက်ခွာသည့်အခါ လေသန့်စင်သည့် မျက်နှာဖုံးများ တပ်ဆင်ရန်၊ လေထုညစ်ညမ်းနေသော ဒေသများသို့ ကလေးများကို တတ်နိုင်သမျှ ခေါ်ဆောင်မသွားရန် ယူနီဆက်ဖ်က အကြံပြုထားသည်။

Ref: AFP

Top News