‘ဝ’အဖွဲ့နှင့် ယူနန်အစိုးရကြား ဘိန်းအစားထိုးသီးနှံစိုက်ပျိုးရေးပူးပေါင်းရန် လက်မှတ်ရေးထိုးခြင်း ပြည်နယ်အစိုးရက ချုပ်ဆို၍မရဟု ယာယီရဲမှူးချုပ်ပြော

 ‘ဝ’လက်နက်ကိုင် အဖွဲ့ (UWSA) နှင့် တရုတ်နိုင်ငံ ယူနန်ပြည်နယ် အစိုးရအကြား ဘိန်းအစားထိုး သီးနှံစိုက်ပျိုးရေး ပူးပေါင်းလုပ်ဆောင်ရန် သဘော တူလက်မှတ်ရေးထိုးခဲ့သည့်ကိစ္စ တွင် ယင်းကဲ့သို့ ချုပ်ဆို၍မရဟု မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့တပ်ဖွဲ့မှူး ယာယီရဲမှူးချုပ်မြင့်အောင်က ပြောသည်။

မြန်မာ-တရုတ် နယ်စပ် အခြေပြု ‘ဝ’လက်နက်ကိုင်အဖွဲ့ (UWSA) နှင့် တရုတ်နိုင်ငံ ယူနန် ပြည်နယ်အစိုးရအကြား လက် မှတ်ရေးထိုးခြင်း အခမ်းအနားကို ဒီဇင်ဘာ ၂ ရက်က UWSA ဌာန ချုပ် ပန်ဆန်း၌ ကျင်းပခဲ့သည်။

အဆိုပါကိစ္စနှင့်ပတ်သက်၍ အစိုးရက မည်ကဲ့သို့ မှတ်ချက်ပြု လိုကြောင်း  မေးမြန်းမှုအပေါ် ‘‘ပြည်နယ်အစိုးရတွေက ဒီလို MoU တွေ ချုပ်လို့မရပါဘူး။ အဆင့်ဆင့်တင်ပြပြီးတော့မှပဲ ချုပ်လို့ရမယ်ဆိုတာ ကျွန်တော် အတိအလင်းပြောပြခဲ့ပြီးဖြစ်ပါတယ်’’ဟု ယာယီရဲမှူးချုပ်မြင့် အောင်က ပြန်လည်ဖြေကြားသည်။

ထို့အပြင် ‘‘အစားထိုးဖွံ့ဖြိုး ရေးလုပ်မယ်ဆိုရင် သူတို့နိုင်ငံအ နေနဲ့ ကျွန်တော်တို့နိုင်ငံအစိုးရကို ကမ်းလှမ်းပြီးတော့မှ အဆင့်ဆင့် လုပ်ငန်းစဉ်တွေအတိုင်း ဆောင် ရွက်ရမှာ ဖြစ်ပါတယ်’’ဟု ၎င်းက ဆက်လက်ပြောကြားသည်။

မြန်မာ-တရုတ် နှစ်နိုင်ငံအ ဖွဲ့များနှင့် ရှမ်းပြည်နယ်မြောက် ပိုင်းဒေသများရှိ လုံခြုံရေးစိတ်ချရ သည့် ဒေသများ၌ လာမည့် ၂၀၁၈တွင် အစားထိုးဖွံ့ဖြိုးမှုလုပ်ငန်း များ ကွင်းဆင်းဆောင်ရွက်နိုင်ရေး သဘောတူညီမှု ရရှိထားကြောင်း ယာယီရဲမှူးချုပ်မြင့်အောင်က ဆိုသည်။

UWSA သည် အစိုးရနှင့် ၂၅ နှစ်ကျော် အပစ်ရပ်စဲရေးဆောင် ရွက်ထားသည့် လက်နက်ကိုင်အ ဖွဲ့ဖြစ်ပြီး အခြားလက်နက်ကိုင် ခြောက်ဖွဲ့နှင့်အတူ မြောက်ပိုင်း လက်နက်ကိုင်ခုနစ်ဖွဲ့ဟူ၍ စုဖွဲ့ ကာ NCA လက်မှတ်မထိုးဘဲ နိုင်ငံရေးဆွေးနွေးရန် ကြိုးစားနေ သောအဖွဲ့ဖြစ်သည်။

‘ဝ’ဒေသသည် ကိုယ်ပိုင်အုပ်ချုပ်ခွင့်ရတိုင်းအဖြစ်သာ တည်ရှိနေခြင်းကြောင့် ရှမ်းပြည်နယ်အစိုးရအဖွဲ့ (သို့မဟုတ်) ပြည်နယ်အစိုးရအဖွဲ့အဖြစ်သာ ဘိန်းစိုက်ပျိုးရေးသဘောတူစာချုပ် လက်မှတ်ရေးထိုးခြင်းသည်  နည်းလမ်းကျကြောင်း ထောက်ပြဝေဖန်မှုများ ရှိနေသည်။

Top News