မြန်မာနှင့် ဘင်္ဂလားဒေ့ရ်ှလူငယ်များသည် အနာဂတ်ငြိမ်းချမ်းရေး၏မျှော်လင့်ချက်များဟု ပုပ်ရဟန်းမင်းကြီးပြောကြား

နိုဝင်ဘာ ၂၉ရက်က ကျိုက္ကဆံကွင်း၌ ပြုလုပ်သောလူထုမစ္ဆားတရားပူဇော်ပွဲတွင် ပုပ်ရဟန်းမင်းကြီးကို တွေ့ရစဉ် (ဓာတ်ပုံ − ဂျေမောင်မောင်(အမရပူရ))

မြန်မာနှင့် ဘင်္ဂလားဒေ့ရ်ှမှ လူငယ် လူရွယ်များသည် ငြိမ်းချမ်းသော အနာဂတ်ကို ဆောင်ယူရန် မျှော်လင့်ချက် အလားအလာအတွက် အရင်းအမြစ်များဖြစ်ကြောင်း ပုပ်ရဟန်းမင်းကြီး ဖရန်စစ်က ပြောကြားသည်။

ထုံးတမ်းစဉ်လာများနှင့်အ ညီ ပုပ်ရဟန်းမင်းကြီးက ဝတ်ပြုသူများနှင့် စုံညီတွေ့ဆုံသည့် အခမ်းအနား၌ ယခုကဲ့သို့ ပြောဆိုခြင်းဖြစ်သည်။ ဒီဇင်ဘာ ၆ ရက်က ဗာတီကန်နန်းတော်တွင် ဝတ်ပြုသူ ၈,၀၀၀ ခန့်နှင့် တွေ့ဆုံရာ ပုပ်ရဟန်းမင်းကြီးက ၎င်း၏အာရှ ခရီးစဉ်နှင့်ပတ်သက်၍ မှတ်ချက် ပေးသည်။

‘‘အဲဒီ လူငယ်လူရွယ်တွေရဲ့ မျက်နှာမှာ ပျော်ရွှင်မှုတွေ ပြည့်နှက်နေတယ်။ ကိုယ်တော်ဟာ အာရှရဲ့ အနာဂတ်ကို မြင်တွေ့ခဲ့ တယ်။ လက်နက်ခဲယမ်းတွေ တည်ဆောက်နေသူတွေနဲ့ မဆိုင် ဘဲ ညီရင်းအစ်ကို စိတ်ဓာတ်မွေး မြူထားသူတွေနဲ့သာ သက်ဆိုင် တဲ့ အနာဂတ်မျိုးဖြစ်တယ်’’ဟု ပုပ်ရဟန်းမင်းကြီးက ဆိုသည်။

ရိုမန်ကက်သလစ် ခရစ်ယာန်ဘာသာရေး၏ အထွတ်အ ခေါင်သာသနာပိုင် ပုဂ္ဂိုလ်ဖြစ် သော ပုပ်ရဟန်းမင်းကြီးသည် နိုဝင်ဘာ ၂၇ ရက်မှ ဒီဇင်ဘာ ၂ ရက်ထိ မြန်မာနှင့် ဘင်္ဂလားဒေ့ရှ် နှစ်နိုင်ငံသို့ အလည်အပတ်ခရီးစဉ် သွားရောက်ခဲ့သည်။ ပုပ်ရဟန်းမင်းကြီး ဖရန်စစ်သည် မြန်မာ နိုင်ငံသို့ လာရောက်သည့် ပထမ ဆုံးသော ပုပ်ရဟန်းမင်းအဖြစ် လည်း သမိုင်းဝင်ခဲ့သည်။

ဗာတီကန်တွင် ဝတ်ပြုသူများကို တွေ့ဆုံပြီး ဆုံးမစကား မိန့်ကြားရာ၌ ပုပ်ရဟန်းမင်းကြီး က မကြာသေးမီက ခရီးစဉ်နှင့် ပတ် သက်၍ အတွေးအမြင်များကို မျှဝေလိုကြောင်း ပြောဆိုခဲ့သည်။ ၎င်းက မြန်မာနိုင်ငံနှင့် ပတ်သက်၍ ‘‘ခရစ်တော်၊ ကျောင်းတော် တို့နဲ့ နီးကပ်မှုဟာ ပဋိပက္ခတွေ၊ ဖိနှိပ်မှုတွေကြောင့် ထိခိုက်နာ ကျင်ရသူတွေကို လွတ်လပ်ခြင်းနဲ့ ငြိမ်းချမ်းခြင်းဆိုတဲ့ အခြေအနေသစ်တစ်ခုဆီ တဖြည်းဖြည်း ရောက်ရှိစေဖို့ ကိုယ်တော် မျှော်လင့်ပါတယ်’’ ဟုပြောကြားသည်။

နိုဝင်ဘာ ၂၉ ရက်က မြန်မာနိုင်ငံမှ ဗုဒ္ဓဘာသာဝင် ရဟန်း တော်များနှင့်တွေ့ဆုံခဲ့ခြင်းသည် သက်တမ်းကြာညောင်းခဲ့ပြီဖြစ် သည့် ဗုဒ္ဓဘာသာ၏ သက်ဝင်ယုံကြည်မှု ထုံးတမ်းအစဉ်အလာများ ကို ရိုမန်ကက်သလစ်ကျောင်း တော်က လေးစားမှုထားရှိသည့် ပြယုဂ်တစ်ခုဟု ပုပ်ရဟန်းမင်းကြီး က ဆိုသည်။ ထို့အပြင် ခရစ်ယာန်များနှင့် ဗုဒ္ဓဘာသာဝင်များ အတူတကွ ပူးပေါင်းကာ လူအများအနေဖြင့် ဘုရားသခင်နှင့် ပတ်ဝန်းကျင်အသိုက်အဝန်းကို ချစ်ခင်မေတ္တာထားနိုင်ရေး ဆောင်ရွက်ကြရန်၊ ရက်စက်ကြမ်းကြုတ်မှု မှန်သမျှကို ငြင်းပယ်ပြီး ဆိုးယုတ်မှုများကို ကောင်းမှုဖြင့် တွန်းလှန်နိုင်ရန် ယုံကြည်ကြောင်းလည်း ၎င်းက ပြောကြားသည်။

ဘင်္ဂလားဒေ့ရ်ှနှင့် ပတ်သက် ၍မူ ‘‘ကမ္ဘာပေါ်တွင် လူဦးရေ သိပ်သည်းမှု အများဆုံး နိုင်ငံတစ်ခု ဖြစ်နေပေမယ့် အစုအပြုံလိုက် ရွှေ့ပြောင်းလာခဲ့သည့် ဘင်္ဂါလီ ဒုက္ခသည်များကို လက်ခံကူညီ ပေးနေတဲ့အတွက် ကိုယ်တော်အ နေနဲ့ ဘင်္ဂလားဒေ့ရ်ှနဲ့အတူ ရပ် တည်ကြောင်း အသိအမှတ်ပြုလို ပါတယ်’’ဟု ပုပ်ရဟန်းမင်းကြီးက ပြောကြားခဲ့သည်။

ပုပ်ရဟန်းမင်းကြီးသည် မြန် မာနိုင်ငံခရီးစဉ်အတွင်း အငြင်း ပွားဖွယ် ဖြစ်လာနိုင်သည့် ရိုဟင်ဂျာဆိုသော ဝေါဟာရကို ရှောင်လွှဲခဲ့သော်လည်း ဘင်္ဂလားဒေ့ရ်ှသို့ ရောက်ရှိချိန်နှင့် ဗာတီကန်တွင် ခရီးစဉ်အကြောင်း မိန့်ကြားချိန်၌ ယင်းစကားလုံးကိုသုံးနှုန်းခဲ့သည်။ 

—Ref: Catholic News

More in News Section

Top News