ဦးပိုင်၊ ထူး၊ တရုတ်ကုမ္ပဏီတို့ပူးပေါင်းဆောင်ရွက်မည့် ရေနံချက်စက်ရုံစီမံကိန်း အပြီးရပ်ဆိုင်းရန် တနင်္သာရီတိုင်းအစိုးရညွှန်ကြား

တနင်္သာရီတိုင်း လောင်းလုံးမြို့နယ်တွင် မြန်မာ့စီးပွားရေး ဦးပိုင်လီမိတက်၊ ထူးကုမ္ပဏီနှင့် တရုတ်ကုမ္ပဏီတို့ ပူးပေါင်းဆောင်ရွက်မည့် ရေနံချက်စက်ရုံစီမံကိန်း ကို တိုင်းအစိုးရက အပြီးရပ်ဆိုင်း ကြောင်း တနင်္သာရီတိုင်းရင်းနှီး မြှုပ်နှံမှုကော်မရှင်ရုံး တိုင်းဦးစီးမှူး ဒေါက်တာထွန်းထွန်းက ပြော သည်။ 

အဆိုပါစီမံကိန်းသည် တိုင်း ဒေသကြီးအစိုးရအဖွဲ့က လုပ်ငန်း လုပ်ကိုင်ခွင့်ယာယီရပ်ဆိုင်းထား သည့် စီမံကိန်းလေးခုအနက် တစ် ခုဖြစ်ပြီး ရင်းနှီးမြှုပ်နှံမှုကော်မရှင် ထံသို့ ခွင့်ပြုမိန့်လိုင်စင်ကို နိုဝင် ဘာလအကုန်တွင် ပြန်လည်အပ် နှံခဲ့သည်ဟု ပြောသည်။ 

‘‘ဒေသခံ NGO တွေ ကန့် ကွက်နေကြတဲ့ စီမံကိန်းလည်းဖြစ် တယ်။ ပူးပေါင်းလုပ်ဆောင်မယ့် တရုတ်ကုမ္ပဏီဘက်ကလည်း မလုပ်တော့ဘူးဆိုပြီး ခွင့်ပြုမိန့် လာပြန်အပ်သွားတာပါ’’ဟု ၎င်း က ဆက်ပြောသည်။ 

အဆိုပါစီမံကိန်းကို မြန်မာ ဘက်မှ တပ်မတော်ပိုင် မြန်မာ့စီး ပွားရေးဦးပိုင်လီမိတက်က မြေရှင်အဖြစ် ဆောင်ရွက်ပြီး ထူးကုမ္ပဏီနှင့် တရုတ်ကုမ္ပဏီတို့ အကျိုးတူပူးပေါင်းဆောင်ရွက်ခြင်းဖြစ်သည်။ ရင်းနှီးမြှုပ်နှံမှုပမာဏ ကန်ဒေါ်လာ ၂ ဒသမ ၆ ဘီလီယံဖြစ်ပြီး ၂၀၁၆ မတ် ၂၆ ရက်တွင် ရင်းနှီးမြှုပ်နှံမှုကော်မရှင်ထံက ခွင့်ပြုမိန့် ရခဲ့သည်။ 

တိုင်းအစိုးရက ယာယီရပ် ဆိုင်းခဲ့သည့် လုပ်ငန်းလေးခုတွင် သတ္တုတူးဖော်ရေးလုပ်ငန်း၊ ဟို တယ်လုပ်ငန်း၊ ရေနံချက်စက်ရုံ နှင့် ဆီအုန်းစိုက်ပျိုးမည့် လုပ်ငန်း များပါဝင်ကြောင်း တနင်္သာရီတိုင်း ဒေသကြီးစီမံကိန်းနှင့် ဘဏ္ဍာရေး ဝန်ကြီး ဦးဖြိုးဝင်းထွန်းက ပြော သည်။  ၎င်းတို့အနက် ဟိန္ဒားသတ္တု တူးဖော်ရေးလုပ်ငန်းကို တိုင်းအ စိုးရက ပြန်လည်ခွင့်ပြုပြီး ဆီအုန်းစိုက်ပျိုးရေးလုပ်ငန်းအချို့ကိုလည်း ခွင့်ပြုရန်ရှိသည်ဟု ဒေါက်တာထွန်းထွန်းက ပြော သည်။ ဟိုတယ်လုပ်ငန်းသည် နယ်စပ်နှင့် နီးနေသဖြင့် တိုင်းအစိုးရ က ခွင့်ပြုလိုခြင်းမရှိကြောင်း ၎င်း က ပြောသည်။ 

သတ္တုတူးဖော်ရေးစီမံကိန်း ခွင့်ပြုရာတွင် အပိုင်း(က) ကိုသာ ယာယီခွင့်ပြုပြီး ကျန်အပိုင်းကို သဘာဝပတ်ဝန်းကျင်နှင့် လူမှုစီးပွားထိခိုက်နစ်နာမှုအစီရင်ခံစာ များ ပြန်လည် တင်ပြခိုင်းထား သည်ဟု ၎င်းက ပြောသည်။ 

ယခုရပ်ဆိုင်းခံရသော လုပ် ငန်းအများစုသည် ယခင်အစိုးရ လက်ထက်က ခွင့်ပြုခဲ့သည့် စီမံ ကိန်းများဖြစ်သည်။ 

Top News