ပြည်ပငါးနိုင်ငံမှာ သွားရောက်ပြသမယ့် ‘ထာဝရအမေ’ဇာတ်ကား

 ယနေ့(ဒီဇင်ဘာ ၈ ရက်) တွင် စတင်ရုံတင်ပြသနေသော ထာဝရအမေ ဇာတ်ကားကို ကျပ် သိန်းသုံးထောင်ကျော် အကုန် အကျခံ ရိုက်ကူးထားပြီး မြန်မာ နိုင်ငံအပြင် အခြားပြည်ပငါးနိုင်ငံ သို့ သွားရောက်ပြသမည်ဖြစ် ကြောင်း ဒါရိုက်တာ စင်ရော် မောင်မောင်က ပြောကြားသည်။

‘‘ဒီကားဟာ ငွေရေးကြေး ရေးတော့မသိဘူး။ အနုပညာအရ အမေ့ရဲ့ချစ်ခြင်းမေတ္တာတရား တွေကို ပေါ်လွင်အောင်ရိုက်ဖို့၊ ဒီကားကြီးက ကမ္ဘာတည်သရွေ့ ကျွန်တော်တို့ မရှိလည်း ရှိနေဖို့ ကျွန်တော် ကတိပေးပြီး ရိုက်ခဲ့ တာပါ။ လိုလေသေးမရှိ ဆရာ ကြီး ဒေါက်တာခင်မောင်ဝင်းက ပံ့ပိုးပေးတယ်။ လိုတာအကုန် ထုတ်ပေးတယ်။ တစ်ချက်မှ ကျွန်တော့်ကို မမေးခဲ့ဘူး။ ဒီလို ရဲရဲတောက် ပရိုဂျူဆာနဲ့ ရိုက်လို့ လည်း ဒီလိုအဆင့်ရောက်လာတာ ပေါ့’’ဟု ၎င်းကပြောသည်။

ထာဝရအမေ ရုပ်ရှင်ဇာတ် ကားကို မြန်မာနိုင်ငံအပြင် စင် ကာပူ၊ အမေရိကန်၊ ဗြိတိန်၊ ထိုင်းနှင့် အိန္ဒိယနိုင်ငံတို့တွင်ပါ ပြသမည်ဖြစ်သည်။

၁၉၅၅၊ ၁၉၇၅၊ ၂၀၁၇ နောက်ခံခေတ်ကာလ သုံးခုနှင့် မျိုးဆက်သုံးခုအတွက် အချိန် သုံးနှစ်ယူ၍  ပြင်ဆင်ခဲ့ရပြီး ဇာတ် ကားအတွက် လိုအပ်သောနေ ရာများကို ဆက်တင်များပြုလုပ် ရိုက်ကူးခဲ့သည်။

ထာဝရအမေဇာတ်ကားသာ မအောင်မြင်ပါက အနုပညာ လောကထဲမှ ထွက်ခွာမည်ဟု ယင်းဇာတ်ကား ဝတ္ထုရေးသားသူ ပါမောက္ခဒေါက်တာ ခင်မောင် ဝင်းအား စိန်ခေါ်ပြီး ရိုက်ကူးခဲ့ခြင်း ဖြစ်သလို ဆရာကြီးကျေးဇူး ကြောင့် ၁၂ နှစ်ကြာဝေးကွာနေ သော ၎င်း၏ဇနီးဟောင်းနှင့် သား တို့ကို ပြန်တွေ့ရသဖြင့် အမှတ် တရဖြစ်သည်ဟု ဒါရိုက်တာ စင်ရော်မောင်မောင်က ပြော သည်။

ထာဝရအမေဇာတ်ကား သည် ပါမောက္ခဒေါက်တာ ခင်မောင်ဝင်း (အသည်း)၏ ဖြစ် ရပ်မှန် ဘဝဇာတ်လမ်းဖြစ်သည်။

 

Top News