မူဆယ် ၁၀၅ မိုင် သစ်သီးကွင်းကြေးတိုးမြှင့်မှု ဝေဖန်မှုများရှိနေ၍ နှစ်ဆသာ ကောက်ခံမည်

မူဆယ် ၁၀၅ မိုင် ကုန်သွယ်ရေးဇုန်သို့ ရောက်ရှိလာသော ကုန်ကားကြီးများ

 မူဆယ် ၁၀၅ မိုင်ရှိ သစ် သီးရောင်းကွင်းမှ ကွင်းကြေးကို သုံးဆမှ ငါးဆအထိ တိုးမြှင့် ကောက်ခံရာမှ ဝေဖန်မှုများထွက် ပေါ်ခဲ့ရာ ဒီဇင်ဘာ ၆ ရက်ကစ၍ ကွင်းကြေးများ ပြန်လည်လျှော့ချ ခဲ့သည်။

၁၀၅ မိုင်တွင် သစ်သီးအ ရောင်းအဝယ်လုပ်သည့် သစ်သီး အရောင်းကွင်းပိုင်ရှင် အရှေ့ မြောက်တံခါးအများပိုင်ကုမ္ပဏီ က နိုဝင်ဘာ ၁၁ ရက်က စပြီး သစ်သီးကားအမျိုးအစားအလိုက် ကွင်းကြေးများတိုးမြှင့်ကောက်ခံ ခဲ့သည်။

ကုမ္ပဏီနှင့် သစ်သီးပွဲရုံများ ဒီဇင်ဘာ ၅ ရက်တွင် အစည်းအ ဝေးပြုလုပ်ပြီး ကွင်းကြေးကို ယခင်ကောက်ခံသည့်နှုန်းထားထက် နှစ်ဆသာတိုးမြှင့်ကောက်ခံရန် လျှော့ချခဲ့ကြောင်း ကုမ္ပဏီပြောရေးဆိုခွင့်ရှိသူက ပြောသည်။

‘‘ပွဲရုံတွေအားလုံးရဲ့ အခြေ အနေအရ၊ သဘောတူညီချက်အ ရ လုပ်ပေးလိုက်တာပေါ့နော်။ အ ရင်နှစ်က ကောက်ခံတဲ့ဈေးနှုန်းရဲ့ နှစ်ဆပဲပေါ့။ ကားအမျိုးအစားအ လိုက် အားလုံးကို အချိုးညီ ချပေး လိုက်တာပေါ့’’ဟု ၎င်းက ပြော ကြားသည်။

ကွင်းကြေးများကို ယခင်က ၁၂ ဘီးတစ်စီးလျှင် ယွမ် ၁၀၀ (ကျပ်နှစ်သောင်းခန့်) ကောက်ခံ ခဲ့ရာမှ ယွမ် ၃၀၀ (ကျပ်ခြောက် သောင်းခန့်)၊ ဒိုင်နာကားတစ်စီး လျှင် ယခင်က ယွမ် ၄၀ (ကျပ်ရှစ်ထောင်ခန့်)ကောက်ခံခဲ့ရာမှ ယွမ် ၁၅၀ (ကျပ်သုံးသောင်းခန့်)အထိ နိုဝင်ဘာ ၁၁ ရက်က တိုးမြှင့် ကောက်ခံခဲ့သည်။

ဒီဇင်ဘာ ၆ ရက်တွင်မူ ၁၂ ဘီးကားတစ်စီးလျှင် ယွမ် ၂၀၀ (ကျပ်လေးသောင်းခန့်)၊ ခြောက် ဘီးကားတစ်စီးလျှင် ယွမ် ၁၅၀ (ကျပ်သုံးသောင်းခန့်)၊ ဒိုင်နာကားတစ်စီးလျှင် ယွမ် ၈၀ (ကျပ်တစ် သောင်းခြောက်ထောင်ခန့်)၊ ဟိုင်းလတ်တစ်စီးလျှင် ယွမ် ၄၀(ကျပ် ရှစ်ထောင်ခန့်) စသည့် နှုန်းထားများအတိုင်းသာ ကွင်းကြေး ကောက်ခံတော့မည် ဖြစ်သည်။

အရှေ့မြောက်တံခါးအများ ပိုင်ကုမ္ပဏီက တောင်သူများထံမှ တိုက်ရိုက်မကောက်ဘဲ ၎င်းတို့ ကွင်းတွင် အရောင်းအဝယ်လုပ် သည့် ပွဲရုံများထံမှ ကောက်ခံခြင်း ဖြစ်သော်လည်း ပွဲရုံများက တောင်သူများထံမှတစ်ဆင့်  ပြန်လည် ကောက်ခံနေကြောင်း သစ်သီး စိုက်တောင်သူများက ပြောသည်။

ထို့ကြောင့်  မြို့နယ်အလိုက်  သစ်သီးစိုက် တောင်သူများ၏ လက်မှတ်များစုပြီး ကွင်းကြေး တိုးမြှင့်ခြင်းကို ကန့်ကွက်ကြောင်း အစိုးရသို့ တင်ပြရန်စီစဉ်နေသည်ဟု စစ်ကိုင်းတိုင်းမှ ဖရဲ၊ သခွားစိုက်ပျိုးသူ ဦးသစ္စာက ပြောသည်။

ယခုကဲ့သို့ ကွင်းကြေးများ လျှော့ချသော်လည်း အစိုးရ သို့ တင်ပြမည့် အစီအစဉ်ကို ဆက်လက် လုပ်ဆောင်မည်ဖြစ်ပြီး ကွင်းကြေးလျှော့ချခြင်းကိုမူ လက်ခံကြိုဆိုကြောင်း ၎င်းက ပြောသည်။

‘‘ဖြစ်နိုင်ရင် အရင်နှုန်းထား အတိုင်း ကောက်တာ ပိုအဆင်ပြေ တာပေါ့။ ဒါပေမဲ့လို့ မလျှော့တာ နဲ့စာရင် ဒီလောက်လေးလျှော့ပေး တာ ကျွန်တော့်ရဲ့သဘောအရဆို ရင် လက်ခံကြိုဆိုတယ်ပေါ့။ နှစ် ဖက်စလုံး အဆင်ပြေမယ့် Win- Win ဖြစ်စေချင်တာပေါ့။ တင်စရာရှိတာတော့ ဆက်တင်သွားမယ်။ ဒါမှလည်း Official(တရားဝင်)ဖြစ် သွားမှာပေါ့နော်’’ဟု ဦးသစ္စာက ပြောသည်။