နေဝင်ရှုခင်းကြည့်နိုင်သည့် ပုဂံဘုရား အဆူ ၅၀ ခန့်တွင် သံပန်းတံခါးများ တပ်ဆင်မည်

(ဓာတ်ပုံ - စိုင်းဇော်)

ပုဂံဒေသရှိ နေဝင်ချိန်ရှုခင်းများကို တက်ရောက်ကြည့်ရှုနိုင်သည့် ဘုရားအဆူ ၅၀ ခန့်တွင် ဘုရားပေါ်သို့ တက်ရောက်နိုင်သော လှေကားများထိပ်၌ ၂၀၁၈ ဇန်နဝါရီကစ၍ သံပန်းတံခါးများ တပ်ဆင်မည်ဖြစ်ကြောင်း ရှေးဟောင်းသုတေသနနှင့် အမျိုးသားပြတိုက်ဦးစီးဌာန (ပုဂံ) ညွှန်ကြားရေးမှူး ဦးအောင်အောင်ကျော်ကပြောသည်။

‘‘အပေါ်တက်လို့ရတဲ့နေရာ တွေမှာ အတတ်နိုင်ဆုံး မတက် အောင်လို့ သံတံခါးတပ်ပြီး ကာ ထားမယ့်သဘောပါ။ ဘေးကနေ၊ ပတ်ပတ်လည်ကြီးကနေ ကာသွားမှာမဟုတ်ပါဘူး။ လှေကားရှိတဲ့ တံခါးတွေမှာဆိုရင် သံတံခါးတပ်ပြီး သော့ခတ်ထားလိုက်ရင် တက်လို့မရတော့ဘူးပေါ့။ အလွယ်တကူတက်လို့မရအောင် ဆောင်ရွက်တဲ့သဘောမျိုးပါ’’ဟု ၎င်းက သံပန်းတံခါးများ တပ်ဆင်မည့်အနေ အထားကို ရှင်းပြသည်။


နှစ်ပေါင်းရာချီသက်တမ်းရှိ သည့် ပုဂံဘုရားများသည် သဘာဝဘေးဒဏ်ကို အကြိမ်ကြိမ်ခံစားခဲ့ ရ၍ ရေရှည်တည်တံ့မှုရှိစေရေး ထိန်းသိမ်းစောင့်ရှောက်ရန် ရည်ရွယ်၍ ယခုကဲ့သို့ စီစဉ်ရကြောင်း အဆိုပါပုဂ္ဂိုလ်ကပြောသည်။

၂၀၁၆ နှင့် ၂၀၁၇ တို့တွင် ပုဂံဘုရားများပေါ်သို့ တက်ရောက်ကြည့်ရှုရာမှ ပြုတ်ကျခဲ့သည့် ဖြစ်စဉ်လေးကြိမ်ရှိပြီး တစ်ဦးသေဆုံး၍ ယခုကဲ့သို့ ဆောင်ရွက်ခြင်းဖြစ်ကြောင်း ၎င်းကပြောသည်။

 ရှေးဟောင်းသုတေသနနှင့် အမျိုးသားပြတိုက်ဦးစီးဌာနက ဒီဇင်ဘာလဆန်းမှ စတင်ကာ ပုဂံဘုရားများပေါ်သို့ တက်ရောက်ကြည့်ရှုခြင်းမပြုရန် မေတ္တာရပ်ခံမှုများ ပြုလုပ်နေသည်။

လက်ရှိတွင် နေဝင်ချိန်တက်ရောက်ကြည့်ရှုနိုင်သည့် ဘုရားများ စာရင်းကောက်ယူနေပြီး အနည်းဆုံး ဘုရား ၅၀ မှ ၈၀ ခန့်အထိကို အပေါ်သို့ မတက်စေရန် သံပန်းတံခါးများ တပ်ဆင်ပိတ် ထားမည်ဖြစ်ကြောင်း ဦးအောင်အောင်ကျော်ကပြောသည်။

‘‘အကုန်လုံးပိတ်ပစ်တာမျိုး ကတော့ မဖြစ်သင့်ဘူး။ ယဉ်ကျေးမှုရော သမိုင်းကြောင်းပါ မထိခိုက်နိုင်တဲ့ ဘုရားလေးတွေ၊ အုတ်ကျောင်းလေးတွေကိုတော့ ဖွင့် ထားပေးသင့်တယ်။ ယဉ်ကျေးမှုနဲ့ ခရီးသွားဆိုတာ နည်းနည်းတော့ မျှပြီးလုပ်ရမယ်လေ။ အဲဒီကြားလေးထဲကတော့ သွားသင့်တယ်လို့ မြင်ပါတယ်’’ဟု ပုဂံဟိုတယ်ဇုန် ဧည့်လမ်းညွှန်အသင်းနာယက ဦးဇော်ဝင်းချိုကအကြံပြုသည်။

ယခင်က ပုဂံဒေသတွင် နေ ဝင်ချိန်ကြည့်ရှုရန် ဘုရားငါးဆူကို တက်ရောက်ခွင့် ပေးသော်လည်း ၂၀၁၆ ဩဂုတ်အတွင်း ဖြစ်ပွားသည့် ငလျင်ကြောင့် စေတီများ ထိခိုက်မှုရှိသဖြင့် ရွှေဆံတော်၊တောင်ဂူနီနှင့် မြောက်ဂူနီဘုရား တို့၌သာ နေဝင်ချိန်ကြည့်ရှုရန် ခွင့်ပြုထားခဲ့သည်။

‘‘ဒီလို တားမြစ်မယ်ဆိုရင် တခြားဘယ်နေရာတွေမှာ အစားထိုးကြည့်ခွင့်ရမလဲ။ အဲဒီနေရာတွေကကော တကယ့်နေဝင်ချိန်ကို သာယာလှပတဲ့၊ ကြည့်ခွင့်ရတဲ့ နေရာလား၊ လုံလောက်သလား ဆိုတာ အဖြေရှာသင့်ပါတယ်။ ပုဂံမှာ ကြံ့ခိုင်တဲ့ဘုရားတွေ အများ ကြီးရှိပါသေးတယ်။ အဲဒီဘုရား တွေကို သတ်မှတ်ပေးပြီး အချိန်အကန့်အသတ်နဲ့၊ လူဦးရေအကန့်အသတ်နဲ့၊ စည်းမျဉ်းစည်းကမ်း တွေနဲ့အညီ တက်ရောက်ခွင့်ပြု သင့်ပါတယ်’’ဟု Nature Dream ခရီးသွားလုပ်ငန်း မန်နေဂျင်း ဒါရိုက်တာ ဒေါ်စံပယ်အောင်က ပြောသည်။