စစ်အစိုးရလက်ထက် မွန်ပြည်နယ်ရှိ အစိုးရပိုင်ဆီဆိုင်များ ပုဂ္ဂလိကသို့ ရောင်းချရာတွင် မြေငှားခနှုန်းနည်း၍ ပြန်လည်စိစစ်မည်

၂၀၁၀ ပြည့်နှစ် (စစ် အစိုးရလက်ထက်)က မွန်ပြည် နယ်ရှိ အစိုးရပိုင်စက်သုံးဆီဆိုင် များကို ပုဂ္ဂလိကသို့ ရောင်းချရာ တွင် မြေငှားခနှုန်းနည်းသဖြင့် နစ် နာသည့် ငွေများပြန်လည်ရရှိရန် ဆောင်ရွက်မည်ဖြစ်ကြောင်း မွန် ပြည်နယ် လျှပ်စစ်၊ စွမ်းအင်နှင့် စက်မှုဝန်ကြီး ဦးမင်းထင်အောင် ဟန်က ပြည်နယ်လွှတ်တော်သို့ တင်ပြသည်။

မွန်ပြည်နယ်တွင် အစိုးရ စက်သုံးဆီဆိုင် ၁၇ ဆိုင်ရှိပြီး ၂၀၁၀ တွင် ပုဂ္ဂလိကသို့ အပြီးအပြတ် ရောင်းချခဲ့ကြောင်း၊ ထိုသို့ရောင်းချ ရာတွင် မြေငှားခကို ဒေသအတွင်း ဖွံ့ဖြိုးမှုမရှိသေးသည့် မြေပေါက် ဈေးနှုန်း၏ ၁၀ ရာခိုင်နှုန်းသာ သတ်မှတ်ခဲ့၍ အဆိုပါစက်သုံးဆီဆိုင်များကို ပြန်လည်သိမ်းယူ ထိန်းသိမ်းရန် အစီအစဉ်ရှိ၊ မရှိ ဒီဇင်ဘာ ၁၁ ရက်က မွန်ပြည်နယ် လွှတ်တော် အစည်းအဝေးတွင် ပေါင်မြို့နယ် ပြည်နယ်လွှတ် တော်ကိုယ်စားလှယ် ဦးဇော်ဇော် ထူးက မေးမြန်းသည်။

 ပုဂ္ဂလိကသို့ လွှဲပြောင်း ရောင်းချခဲ့သည့် စက်သုံးဆီဆိုင် များကို ပြန်လည်ပြင်ဆင်ခြင်းနှင့် ပြန်လည်သိမ်းယူခြင်းများပြုလုပ် ရန် အစီအစဉ်မရှိဘဲ ယခင်ရောင်း ချခဲ့သည့် ဈေးနှုန်းနည်းပါး၍ နိုင်ငံတော်က နစ်နာမှုမရှိစေရန် စိစစ်သုံးသပ်နေကြောင်း ဦးမင်းထင်အောင်ဟန်က လွှတ်တော်တွင် ဖြေကြားသည်။

‘‘ဒီကိစ္စက  နိုင်ငံတော်က တရားဝင်လုပ်ထားတဲ့ ကိစ္စဖြစ်တဲ့ အတွက် ကျွန်တော်တို့အစိုးရရဲ့မူ အရ ပြန်သိမ်းတာကို မလုပ်ဘူး။ နစ်နာထားတဲ့ တန်ဖိုးငွေ ပြန်ရ အောင် နိုင်ငံတော်က ဗဟိုကော် မရှင်ဖွဲ့ပြီး စုံစမ်းဖို့အတွက် ဆောင် ရွက်လျက်ရှိပါတယ်’’ဟု ၎င်းက ပြောသည်။ ထိုစက်သုံးဆီဆိုင်များကို မြေငှားရမ်းမှုသည် BOT စနစ်ဖြင့် ငှားရမ်းထားခြင်း မဟုတ်၍ နိုင်ငံတော်က နစ်နာပြီး ယင်းပြဿနာကို ဖြေရှင်းရန် ပြည်ထောင်စု အစိုးရအဖွဲ့က စိစစ်သုံးသပ်နေ ကြောင်း ၀န်ကြီးက ဆိုသည်။

မြန်မာနိုင်ငံတွင် အစိုးရပိုင် စက်သုံးဆီဆိုင် ၂၄၆ ဆိုင်ရှိပြီး ၂၀၁၀ မတ်လက ပုဂ္ဂလိကသို့ လွှဲ ပြောင်းဆောင်ရွက်ခွင့်ပြုရန်နှင့် ဌာနဆိုင်ရာသို့ ဆက်လက်ရောင်း ချပေးရမည့် အရောင်းဆိုင်များ ထားရန်  ပုဂ္ဂလိကကဏ္ဍသို့ စက် သုံးဆီတင်သွင်းဖြန့်ဖြူးရောင်းချ ရေး စွမ်းအင်ဝန်ကြီးဌာနက စီမံချက်ရေးဆွဲခဲ့သည်။

နိုင်ငံပိုင်စက်သုံးဆီဆိုင်အား လုံးကို ပုဂ္ဂလိကပိုင် ပြုလုပ်ရန် ပုဂ္ဂလိကပိုင်ပြုလုပ်ရေး ကော်မရှင်က နေ့စဉ်ထုတ်သတင်းစာတွင် ကြော်ငြာထည့်ကာ အဆိုပြုလွှာခေါ်ခဲ့သည်။ ၂၀၁၀ မတ်လ ၁၅ ရက်ကစ၍ ပုဂ္ဂလိက လုပ်ငန်းရှင် ကုမ္ပဏီအဖွဲ့အစည်းများသို့ ပထမအကြိမ် ၁၅၅ ဆိုင်၊ ဒုတိယ အကြိမ် ဆိုင် ၈၀ နှင့် တတိယအ ကြိမ် ၁၁ ဆိုင်လွှဲပြောင်းရောင်းချ ခဲ့ကြောင်း ၂၀၁၇ စက်တင်ဘာ ၂၀ ရက်က ပြုလုပ်သည့် မွန်ပြည်နယ် လွှတ်တော်သတ္တမအစည်းအဝေး တွင် ဦးမင်းထင်အောင်ဟန်၏ လွှတ်တော်သို့ တင်ပြချက်၌ ဖော်ပြထားသည်။

More in Business Section