စက်စဲကမ်းခြေကို ပြည်နယ်အစိုးရ စီမံခန့်ခွဲမှုအောက်တွင် ထားရှိရန် လွှတ်တော် အမတ်များတင်ပြ

 မွန်ပြည်နယ် စက်စဲ ကမ်းခြေကို ပြည်နယ်အစိုးရအဖွဲ့ ၏ စီမံခန့်ခွဲမှုအောက်တွင်ထားရှိ ရန် ပြည်နယ်လွှတ်တော်ကိုယ်စား လှယ်များက ဒီဇင်ဘာ ၁၁ ရက် လွှတ်တော်အစည်းအဝေးတွင် တင်ပြခဲ့သည်။

မွန်ပြည်နယ်  လွှတ်တော် သဘာဝပတ်ဝန်းကျင်ထိန်းသိမ်း ကာကွယ်စောင့်ကြည့်ရေးကော် မတီက ဒီဇင်ဘာ ၉ ရက်၌ စက်စဲ ကမ်းခြေနှင့် ပတ်သက်သည့် အစီ ရင်ခံစာထုတ်ပြန်ခဲ့ပြီး ဒီဇင်ဘာ ၁၁ ရက်အစည်းအဝေးတွင် လွှတ်တော်ကိုယ်စားလှယ်များက အထက်ပါအတိုင်း တင်ပြသည်။

စက်စဲကမ်းခြေတွင် စီးပွား ဖြစ် လုပ်ကိုင်နေသည့် လုပ်ငန်း ရှင်များကြောင့် ပြည်နယ်အစိုးရ အဖွဲ့က ၀င်ငွေရရှိမှုနည်းနေသဖြင့် ထိုကမ်းခြေကို ပြည်နယ်အစိုးရအ ဖွဲ့က တိုက်ရိုက်ကိုင်တွယ်ပြီး ၎င်း တို့၏ လက်အောက်တွင် စီမံခန့် ခွဲရန် ပြည်နယ်လွှတ်တော်ကိုယ်စားလှယ် ငါးဦးက လွှတ်တော်တွင် တင်ပြခဲ့သည်။

‘‘စက်စဲကမ်းခြေမှာ အတင်း အဓမ္မ အခွန်ကောက်မှ မဟုတ်ဘဲ ရသင့်ရထိုက်တဲ့ ၀င်ငွေအခွင့် လမ်းများရရှိဖို့လည်း လိုအပ်ပါ တယ်။ စက်စဲကမ်းခြေမှာ လက်ဝါး ကြီးအုပ်ပြီး စီးပွားရှာနေတဲ့ လူတွေရှိတဲ့အတွက် ဒေသခံပြည်သူတွေ စားဝတ်နေရေး ခက်ခဲနေတာ ရှိ တယ်။ ဒီကိစ္စကို စီမံခန့်ခွဲသင့်တာ မွန်ပြည်နယ်အစိုးရအဖွဲ့မှ ဖြစ်ပါ တယ်’’ဟု သထုံမြို့နယ် ပြည်နယ် လွှတ်တော်ကိုယ်စားလှယ် ဒေါ် ခိုင်ခိုင်လဲ့က ပြောသည်။

ထိုအစီရင်ခံစာကို ဖွဲ့စည်းပုံ အခြေခံဥပဒေပုဒ်မ ၁၇၅ ပုဒ်မခွဲ (စ)အရ ပြည်နယ်လွှတ်တော်တွင် မှတ်တမ်းတင်ထားရှိပြီး ပြည်နယ် အစိုးရအဖွဲ့က ဆောင်ရွက်နိုင်ရန် ထိုအစီရင်ခံစာကို ပေးပို့မည် ဖြစ်ကြောင်း ပြည်နယ်လွှတ်တော် ဥက္ကဋ္ဌ ဒေါ်တင်အိက လွှတ်တော် တွင် ကြေညာခဲ့သည်။