၃၅ နှစ်အတွင်း ပထမဆုံးအကြိမ်အဖြစ် ဆော်ဒီတွင် ရုပ်ရှင်ရုံများ ဖွင့်လှစ်ခွင့်ပေး

၃၅ နှစ်မျှ ကာလအတွင်း ဆော်ဒီအာရေးဘီးယားတွင် ရုပ်ရှင်ရုံများ ပထမဆုံးအကြိမ် ဖွင့်လှစ်ခွင့် ပေးသွားမည်ဟု သိရှိရသည်။

လာမည့်နှစ်၊ မတ်လတွင် ဆော်ဒီ၌ ပထမအသုတ် ရုပ်ရှင်ရုံများ ပြန်လည်ဖွင့်လှစ်ရန် စီစဉ်ထားပြီး ၁၂ နှစ်တာ ကာလအတွင်း ရုပ်ရှင်ရုံ ၂၀၀၀ မျှထိ နိုင်ငံအနှံ့ ဖြန့်ကျက် ဖွင့်လှစ်သွားမည်ဟု ဆိုသည်။ ယခုအခါ ဆော်ဒီအစိုးရ အာဏာပိုင်များက ရုပ်ရှင်ရုံ လုပ်ငန်း လိုင်စင်များကို ပြန်လည် ချထားပေးရန် စိစစ်လျက် ရှိသည်။

ဆော်ဒီ ယဉ်ကျေးမှုဝန်ကြီး အော်ဝက်ဒ် အေလော်ဝက်ဒ်က “ဘုရင့်နိုင်ငံတော်အတွင်းမှာ ယဉ်ကျေးမှုဆိုင်ရာ စီးပွားရေး ကဏ္ဍအတွက် အရေးပါတဲ့ အပြောင်းအလဲတစ်ခု ဖြစ်လာစေမယ့် ဆုံးဖြတ်ချက်ပါ။ ရုပ်ရှင်ရုံတွေ ဖွင့်လှစ်ခွင့် ပေးလိုက်တာက နိုင်ငံရဲ့ စီးပွားရေး ဖွံ့ဖြိုးမှုအတွက် ထိရောက်တဲ့ တွန်းအားမျိုး ဖြစ်လာနိုင်ပါတယ်။ ပြီးတော့ အလုပ်အကိုင် နေရာသစ်တွေနဲ့ လေ့ကျင့်ရေးဆိုင်ရာ အခွင့်အလမ်းသစ်တွေ ဖန်တီးနိုင်ဖို့၊ နိုင်ငံရဲ့ ဖျော်ဖြေရေးဆိုင်ရာ ရွေးချယ်ခွင့်တွေ တိုးပွားလာဖို့ အကျိုးဖြစ်စေမှာပါ”ဟု ပြောကြားခဲ့သည်။

ဘာသာရေးအရ တင်းကျပ်သော စည်းမျဉ်းများ သတ်မှတ်ခဲ့သည့် နိုင်ငံတွင် အပြောင်းအလဲများ လျင်မြန်စွာ ဖြစ်နေခြင်းအပေါ် စိုးရိမ်သည့် ရှေးရိုးစွဲဝါဒီအချို့ ရှိနေသော်လည်း ယခုကိစ္စအပေါ် ဆော်ဒီပြည်သူ အများစုက ထောက်ခံ ကြိုဆိုခဲ့ကြသည်။

ဆော်ဒီတွင် တန်ခိုးထွားလာသည့် အိမ်ရှေ့မင်းသား မိုဟာမက် ဘင်ဆယ်လ်မန်က ၎င်းအနေဖြင့် အစွန်းရောက် ဝါဒကို အဆုံးစွန် တိုက်ဖျက်ပြီး အလယ်အလတ် လမ်းစဉ် ပိုဆန်သည့် အစ္စလာမ်မစ် ဘာသာရေး စံနှုန်းများကို ခိုင်မာအောင် လုပ်ဆောင်သွားမည်ဟု ကြွေးကြော်ခဲ့ပြီး လက်တွေ့ကျသည့် ဖြေလျှော့ ပြောင်းလဲမှုများ လုပ်ဆောင်လာခဲ့သည်။ ယခုအခါ ဆော်ဒီတွင် အမျိုးသမီးများ ပထမဆုံးအကြိမ် ကားမောင်းခွင့် ရလာသလို အားကစားပွဲများကို ဝင်ရောက်ကြည့်ရှုရန်လည်း ခွင့်ပြုချက် ပေးသွားမည် ဖြစ်သည်။

ဆော်ဒီတွင် ရုပ်ရှင်ရုံများ ဖွင့်ခွင့် ပေးလိုက်သော်လည်း ဆင်ဆာကဏ္ဍနှင့် ပတ်သက်၍မူ ကြပ်ကြပ်မတ်မတ် ဆက်လက် ကိုင်တွယ်ဖွယ် ရှိနေသည်။ ဆော်ဒီ အစိုးရသည် ဒေသတွင်းရှိ ရုပ်ရှင်လုပ်ငန်း ကုမ္ပဏီများကို နိုင်ငံခြား ဇာတ်ကားများ၌ အာရပ် စာတန်းထိုးခွင့်ပေးရန်၊ ဝတ်လစ်စားလစ်နှင့် လိင်ပိုင်းဆိုင်ရာ ဇာတ်ဝင်ခန်းများကို ဖြတ်တောက်ပြသရန် တိတိကျကျ ညွှန်ကြားသွားဖွယ် ရှိနေကြောင်းလည်း သိရသည်။

Ref: CNN