ဂျေရုဆလင်မြို့ အငြင်းအခုံများကြောင့် ပိုမိုနက်ရှိုင်းလာမည့် အမေရိကန်နှင့် နိုင်ငံတကာ ဆက်ဆံရေးအက်ကြောင်းများ

EPA, REUTERS

ဒီဇင်ဘာ ၆ ရက် တွင် အမေရိကန် သမ္မတ ဒေါ်နယ် ထရန့်က ဂျေရုဆလင်ကို အစ္စရေး နိုင်ငံ၏ မြို့တော်အဖြစ် အသိ အမှတ်ပြုကြောင်း တရားဝင် ထုတ်ပြန်ကြေညာသည်။ အများ မျှော်လင့်ထားသည့်အတိုင်း ယင်း ကြေညာ
ချက်နှင့် ပတ်သက်၍ နောက်ဆက်တွဲ ရိုက်ခတ်မှုများ ပြင်းပြင်းထန်ထန် ပေါ်ပေါက် လာခဲ့ပြီး အမေရိကန်နှင့် မဟာမိတ် နိုင်ငံများကြား၌လည်း အငြင်းပွားစရာများ နက်နက်ရှိုင်းရှိုင်း ဖြစ် တည်လာခဲ့သည်။


အိမ်ဖြူတော်တွင် ၎င်း၏ ဆုံးဖြတ်ချက်ကို ကြေညာထုတ်ပြန်ခဲ့ ရာ၌ ထရန့်က ‘‘ဂျေရုဆလင်ကို အစ္စရေးရဲ့ မြို့တော်အဖြစ် အသိအမှတ်ပြုလိုက်ခြင်းဟာ လက်ရှိ ဖြစ်တည်နေတဲ့ အရှိတရားတစ်ခုကို အသိအမှတ်ပြုခြင်းသာ
ဖြစ်တယ်။ ပြီးတော့ မှန်ကန်တဲ့ လုပ်ဆောင်မှုတစ်ခုလည်း ဖြစ်ပါတယ်’’ဟု ပြောကြားသွားသည်။ ထို့အပြင် ဂျေရုဆလင်သည် အစ္စရေး၏ မြို့တော်အဖြစ် အမေရိကန်က တရားဝင်အသိအမှတ်ပြုခြင်းသည်  အစ္စရေးနှင့်
ပါလက်စတိုင်းတို့ကြား ငြိမ်းချမ်းရေးဆွေးနွေးမှု လုပ်ငန်း စဉ်ကို ပိုမိုမြန်ဆန်စွာ အကောင် အထည် ပေါ်လာစေမည့်တွန်းအား တစ်ရပ်ဟုလည်း ထရန့်က မှတ် ချက်ပေးသွားခဲ့သည်။

ထိုကြေညာချက် ထွက်ပေါ် လာအပြီးတွင် အမေရိကန်၏ မဟာမိတ်များအပါအဝင် အာရပ်နိုင်ငံအများအပြားက ကန့်ကွက်ချက်များ အသီးသီးထုတ်ပြန်ကြ သည်။ အမေရိကန်၏ အရင်းနှီးဆုံးလက်တွဲဖော် ဥရောပသမဂ္ဂကလည်း ထရန့်၏ ရပ်တည်မှုမှာ စိုးရိမ်စရာဖြစ်ပြီး အရှေ့အလယ်ပိုင်းဒေသ ငြိမ်းချမ်းရေးဆွေးနွေး မှုများကို နောက်ကြောင်းပြန်လှည့်သွားစေနိုင်ကြောင်း ဝေဖန်ခဲ့ သည်။ ကုလသမဂ္ဂလုံခြုံရေး ကောင်စီက ယင်းကိစ္စနှင့် ပတ်သက်၍
ချက်ချင်းလိုလို အရေးပေါ်အစည်းအဝေး ခေါ်ယူတိုင်ပင်ခဲ့ သည်။ ဂျေရုဆလင်ကို အစ္စရေးနှင့်အပြိုင် ပိုင်ဆိုင်ခွင့် အငြင်းပွား နေသည့် ပါလက်စတိုင်းက အမေရိကန်နှင့် ပတ်သက်၍ တုံ့ပြန်မှုများတူးတူးခါးခါး ပြုလုပ်လာသည်။
အာရပ်နိုင်ငံ အများအပြားက အမေရိကန်သည် ကမ္ဘာ့ငြိမ်းချမ်း ရေးတွင် ကြားဝင်ညှိနှိုင်းရပ်တည် နေသည့် စံပြုနိုင်ငံတစ်ခုအဖြစ် ဆက်လက်ရပ်တည်နေဦးမည်ဟု မယုံကြည်တော့ကြောင်း ကြေညာခဲ့ကြသည်။

ဂျေရုဆလင်၏ သမိုင်း ကြောင်းနောက်ခံမှာ ရှုပ်ထွေးမှု များ ကျယ်ပြန့်စွာ တည်ရှိနေသည်။ ၁၉၄၈ တွင် အစ္စရေးနိုင်ငံစတင် ထူထောင်ချိန်ကတည်းက ဂျေရုဆလင်ကို ၎င်းတို့၏ မြို့တော်အဖြစ်သတ်မှတ်နိုင်ရန် မျှော်လင့်ခဲ့ကြသည်။ ၁၉၆၇ က ဖြစ်ပွားသည့် ကမ္ဘာကျော် ခြောက်ရက်စစ်ပွဲကြီး အပြီးတွင် ဂျေရုဆလင်ကို အစ္စရေးက အပြည့်အဝထိန်းချုပ်လာခဲ့ သည်။ ထိုစဉ်ကတည်းက အစ္စရေး သည် ၎င်းတို့ သိမ်းယူထားသည့် နယ်မြေအချို့ကို ညှိနှိုင်းပြီး
ပြန်လည်ပေးအပ်မှု ရှိခဲ့သည့်တိုင် ဂျေရုဆလင်ကိုမူ လုံးဝအထိပါး မခံတော့ချေ။ ထို့အပြင် ဂျေရုဆလင်ကို မြို့တော်အဖြစ် သတ်မှတ်ခွင့် ရရန် ဆယ်စုနှစ်ပေါင်းများစွာ အစဉ်တစိုက် ကြိုးစားလာခဲ့သည်။

ပါလက်စတိုင်းကလည်း ဂျေရုဆလင်သည် ၎င်းတို့ ထူထောင်မည့် အနာဂတ်နိုင်ငံသစ်၏ မြို့တော်အဖြစ် သတ်မှတ်ရန် အရေးဆိုခဲ့သည်။ အမေရိကန်အစိုးရ အဆက်ဆက်အပါအဝင် နိုင်ငံတကာက ဂျေရုဆလင်ကို မည်သည့်
နိုင်ငံ၏ မြို့တော်အဖြစ်မှ မသတ်မှတ်ခဲ့ချေ။ ထို့အပြင် ဂျေရုဆလင်ကို အစ္စရေးက ထိန်းချုပ်ထားသည့် ကိစ္စကိုလည်း ကမ္ဘာ့နိုင်ငံအများ အပြားက အသိအမှတ်မပြုဘဲ အစ္စရေးရော ပါလက်စတိုင်းနှင့်ပါ သက်ဆိုင်သည့် ဘုံနယ်မြေတစ်ခုအနေဖြင့်သာ သဘောထားခဲ့ကြ သည်။ နိုင်ငံတကာသံရုံးများကို လည်း တဲလ်အဗစ်မြို့တွင်သာ အခြေစိုက်ထားရှိစေခဲ့ကြသည်။

ထရန့်သည် ရွေးကောက်ပွဲ ကြိုကာလကတည်းက ဂျူးနိုင်ငံ (အစ္စရေး)နှင့် ဆက်ဆံရေး ပိုမိုမြှင့်တင်ရန် ဘက်ပေါင်းစုံမှ လုပ် ဆောင်မည်ဖြစ်ကြောင်း ကတိပြု ခဲ့သည်။ ထို့ကြောင့်လည်း အမေရိ ကန်သမ္မတအဆက်ဆက်
လက်ရှောင်ခဲ့သည့် ကိစ္စကို အစ္စရေး ဘက် အပြည့်အဝယိမ်းကာ ဂျေရုဆလင်အရေးတွင် ပါဝင်ကိုင်တွယ်ခဲ့ခြင်းဖြစ်သည်။ 

‘‘သမ္မတဖြစ်လာကတည်း က ကမ္ဘာ့အရေးတွေကို မျက်စိဖွင့်ပြီး အတွေးအမြင်သစ်တွေနဲ့ ကိုင်တွယ်မယ်လို့ ကျုပ်ပြောခဲ့ပြီးသားပါ။ ကျုပ်တို့ဟာ မအောင်မြင်ခဲ့တဲ့ ဗျူဟာတွေကိုပဲ အထပ်ထပ်ပြန် သုံးနေလို့ ဘာမှမထူးပါဘူး။ စိန်ခေါ်မှု အဟောင်းတွေကို ချဉ်းကပ်ပုံအသစ်နဲ့ ဖြေရှင်းဖို့ လိုပါတယ်။ လွန်ခဲ့တဲ့ နှစ်ပေါင်း (၂၀) အတွင်းအမေရိကန်သမ္မတအဆက်ဆက်ဟာ သံရုံးကို ဂျေရုဆလင်ဆီ ရွှေ့ပြောင်းဖို့၊ ဂျေရုဆလင်ကို အစ္စရေးရဲ့ မြို့တော်အဖြစ် အသိ
အမှတ်ပြုဖို့ ပျက်ကွက်ခဲ့ကြတယ်။ ကျုပ်ကတော့ ဂျေရုဆလင်ကို အစ္စရေးရဲ့ မြို့တော်အဖြစ် တရားဝင်အသိအမှတအစ္စရေးသမ္မတ ဘန်ဂျမင်နေတန်ညာဟုက အမေရိကန်၏ရပ်တည်ချက်ကို ကြိုဆိုကြောင်း နှင့် အဆိုပါကြေညာ
ချက်သည် သမိုင်းဝင်အချိုးအကွေ့တစ်ခု ဖြစ်လာမည်ဟု ချီးကျူးညွှန်းဆိုခဲ့ သည်။ ထိုအချိန်တွင် အာရပ်နိုင်ငံ အများအပြား၌ ထရန့်နှင့် အစ္စရေး ကို ဆန္ဒပြသည့် လူထုချီတက်မှုများ အုံနှင့်ကျင်းနှင့် ဖြစ်ပေါ်နေခဲ့သည်။ အနောက်
ဘက် ကမ်းခြေဒေသနှင့် ဂါဇာကမ်းမြောင်တို့တွင် ပါလက်စတိုင်းအနွယ်များက အုံကြွလာကြ သည်။ အစ္စရေးအဓိကရုဏ်း နှိမ်နင်းရေးရဲတပ်ဖွဲ့များနှင့် ပါလက်စတိုင်းဆန္ဒပြသူများ ထိပ်တိုက်ထိ တွေ့ရာမှ အသေအပျောက်များပါ
ဖြစ်ပေါ်လာသည်။ ထို့အပြင် ဂါဇာကမ်းမြောင်ဒေသရှိ စစ်သွေးကြွ များက အစ္စရေးကို ဒုံးကျည်ဖြင့် ပစ်ခတ်ပြီး အစ္စရေးလေတပ်ကလက်တုံ့ပြန်ဗုံးကြဲပြီး အရပ်သား များကိုပါ ထိခိုက်ခဲ့သည်။

ထိုကဲ့သို့အခြေအနေများ ဖြစ်ပေါ်လာခြင်းမှာ အထူးအဆန်း မဟုတ်ဟု ဆိုနိုင်သည်။ အစ္စရေးသည် ဂျေရုဆလင်ကို အလုံးစုံ ထိန်းချုပ်ပိုင်ဆိုင်ရေးအတွက် မည်သည့် အခြေအနေကိုမဆို ရင်ဆိုင်မည်သာဖြစ်သည်။ ဂျူးများသည်
အမြင့်မြတ်ဆုံး ဘာသာရေးနယ်မြေတစ် ခုဖြစ်သည့် ဂျေရုဆလင်ကို ကိုယ်ပိုင်နိုင်ငံ၏ မြို့တော်အနေဖြင့် သတ်မှတ်ခွင့်ရရေးအတွက် နှစ်ပေါင်းသုံးထောင်ကျော်မျှ အစဉ်တ စိုက် အားထုတ်ခဲ့ကြသည်။ မျိုးဆက်အဆင့်ဆင့်
လက်ဆင့်ကမ်း သယ်ယူလာသည့် ရည်မှန်းချက် သည် ယခုအခါရုပ်လုံးပေါ်စပြု လာပြီဖြစ်ပြီး ထိုအခြေအနေကို အစ္စရေးက ပျက်သုဉ်းခံမည် မဟုတ်ချေ။

သမိုင်းကို ပြန်လှန်ကြည့်ပါ က ဂျေရုဆလင်၏ ဖြတ်သန်းမှု က စိတ်ဝင်စားစရာ အလွန်ကောင်း သည်။ ယနေ့ခေတ် ဂျေရုဆလင် ဖြစ်လာမည့် ဂီဟွန်ရေပူစမ်း ဒေသလေးတွင် ဘီစီ ၄၅၀၀ ခန့်ကတည်းက လူအများစတင် ခြေချခဲ့
သည်ဟု ယုံကြည်ရသည်။ ဘီစီ ၁၀၁၀ တွင် ဂျူးလူမျိုးများ၏ ပထမဆုံးမြို့တော်အဖြစ် စီးတီးအော့ဖ် ဒေးဗစ် ပေါ်ပေါက်လာသည်။ ယင်းနောက်ပိုင်းတွင် ဂျေရုဆလင်သည် လူ့သမိုင်းတစ်လျှောက် အင်အားအကြီးဆုံးမျိုးနွယ်စုများ၊ အင်ပါ ယာများ၏ ကျူးကျော်သိမ်းပိုက်မှု ကို အကြိမ်ကြိမ်ခံခဲ့ရသည်။ သမိုင်း တွင် သက်တမ်းအရင့်ဆုံး မြို့တစ် မြို့ဖြစ်သည့် ဂျေရုဆလင်သည် ပါရှန်း၊ ရောမ၊ ဘိုင်ဇင်တိုင်း၊ အော်တိုမန်၊ ဂရိစသည့် ရှေးအင်ပါယာ များ၏
လက်အောက်ခံအဖြစ် ဖြတ်သန်းခဲ့ဖူးသည်။ ခေတ်အဆက် ဆက်တွင် ဂျူးလူမျိုးများသည် ၎င်းတို့၏ ဘူမိနက်သန်အဖြစ် သတ် မှတ်ထားသော ဂျေရုဆလင်ကို စွန့်ခွာကာ ကမ္ဘာအနှံ့သို့ ပျံ့နှံ့သွား သည်။

အင်ပါယာအများအပြား၏လက်အောက်ခံ ဖြစ်ခဲ့သည့်နည်း တူ ဘာသာရေး ကိုးကွယ်ယုံကြည် မှု အများအပြားလည်း ဂျေရုဆလင် တွင် အမြစ်တွယ်ခဲ့သည်။ ဂျူးဘာသာရေး၏ အထွတ်အမြတ်နယ်မြေဖြစ်သလို ဘိုင်ဇင်တိုင်းတို့ ဝင် ရောက်ချိန်တွင် ခရစ်ယာန်သာသနာ စည်ပင်လာသည်။ အော်တိုမန်ဘုရင်များနှင့်အတူ မွတ်စလင်များလည်း ဂျေရုဆလင်သို့ အများ အပြား ရောက်ရှိလာခဲ့သည်။ လူ့ သမိုင်းတွင် အကြီးကျယ်ဆုံးဘာသာရေး ပဋိပက္ခဖြစ်သည့် ခရူးဆိတ်စစ်ပွဲများလည်း ဂျေရုဆလင် တွင် ပေါ်ပေါက်ခဲ့ပြန်သည်။ ယခု အခါ အရှေ့ဂျေရုဆလင်နှင့် ဆက်စပ်မြို့ဟောင်းများ၌ ဂျူး၊ အစ္စ လာမ်၊ ခရစ်ယာန်ဘာသာရေး အထိမ်းအမှတ်အများအပြား ကျန်ရှိနေပြီး ယူနက်စကို၏ ကမ္ဘာ့အမွေ အနှစ် နယ်မြေတစ်ခုအဖြစ်လည်း အသိအမှတ်ပြုခံထားရသည်။

စိတ်ဓာတ် ပြင်းထန်လွန်း သော ဂျူးတို့သည် အစ္စရေးနိုင်ငံကို ထူထောင်ပြီးနောက် ဂျေရုဆလင် ကို အရပြန်ယူခဲ့သည်။ ယခုအခါကမ္ဘာ့ဦးဆောင်နိုင်ငံတစ်နိုင်ငံ ဖြစ်သော အမေရိကန်က ဂျေရုဆ လင်ကို အစ္စရေးမြို့တော်အဖြစ် အသိအမှတ်ပြုပေးလိုက်ပြီဖြစ် သောကြောင့် နောက်ထပ်နိုင်ငံ များပါ တဖြည်းဖြည်း ယင်းလမ်းစဉ်ကို လိုက်လာဖွယ်ရှိနေသည်။ အစ္စရေးဝန်ကြီးချုပ် နေတန်ညာ ဟုကမူ ပါလက်စတိုင်းတို့အနေ ဖြင့် ဂျေရုဆလင်ကို စိတ်ကူးယဉ် မနေသင့်ဘဲ အစ္စရေး၏ မြို့တော် အဖြစ် လက်တွေ့ကျကျလက်ခံရန် သာ စဉ်းစားထားသင့်ပြီဟု သတိ ပေးခဲ့သည်။

‘‘ဂျူးပြည်သူတွေနဲ့ ဂျေရုဆ လင်ကြားက နှစ်ပေါင်းထောင်နဲ့ချီ တည်တံ့ခဲ့တဲ့ ဆက်စပ်မှုကို ငြင်းဆန်ဖို့ ကြိုးစားခြင်းဟာ အင်မတန်စက်ဆုပ်ဖို့ကောင်းတဲ့ ကိစ္စမျိုးပဲ။ ဒီဆက်စပ်မှုတွေ အကြောင်းကို သိပ်ကို ကောင်းမွန်တဲ့ စာအုပ်
တစ်အုပ်မှာ ခင်ဗျားတို့ ဖတ်ကြည့်နိုင် တယ်။ အဲဒီစာအုပ်ကို သမ္မာကျမ်းစာလို့ ခေါ်တယ်။ ဂျူးအသိုက်အဝန်းရဲ့ ရွှေ့ပြောင်းအခြေချမှုဆိုင် ရာ သမိုင်းအချက်အလက်တွေကို ခင်ဗျားတို့ လေ့လာနိုင်လိမ့်မယ်။ ဂျေရုဆလင်ဟာ
အစ္စရေးအတွက် က လွဲရင် ဘယ်နိုင်ငံ၊ ဘယ်လူမျိုးရဲ့ မြို့တော်မှ မဖြစ်နိုင်ဘူး’’ဟု နေတန်ညာဟုက ပြောကြားခဲ့ သည်။

၎င်းသည် ပြင်သစ်သမ္မတ မက်ကရွန်နှင့် ယခုကိစ္စကို ဆွေးနွေးပြီးနောက် ဂျေရုဆလင်နှင့် ပတ် သက်၍ အစ္စရေးက လုံးဝလိုက်လျောနောက်တွန့်မည်မဟုတ်ဆို သော သဘောထားကို အတိအ လင်း ကြေညာခဲ့ခြင်းဖြစ်သည်။
ဥရောပသမဂ္ဂက ဂျေရုဆလင် သည် ပါလက်စတိုင်းနှင့် အစ္စရေးတို့၏ ပူးတွဲမြို့တော်ဖြစ်ရမည်ဟု တောင်းဆိုထားသော်လည်း အစ္စရေးက လုံးဝလက်မခံဟု တုံ့ပြန် ထားပြီးဖြစ်သည်။

‘‘ဥရောပသမဂ္ဂကို ကျွန်တော်တို့ လေးစားမှု ရှိပါတယ်။ ဒါပေမဲ့စံနှုန်းနှစ်ခုနဲ့ ပြောဆိုလုပ်ကိုင်နေတာကိုတော့ လက်ခံမှာ မဟုတ်ပါ ဘူး’’ဟု နေတန်ညာဟုက ပြောကြားခဲ့သည်။ ထို့အပြင် ထရန့်၏ ဆုံးဖြတ်ချက်ကို ဝေဖန်ဆန့်ကျင်နေသည့် ဥရောပနိုင်ငံခေါင်း ဆောင်များမှာ သူတော်ကောင်း အယောင်ဆောင်နေသည့် သဘောသာဖြစ်ကြောင်းလည်း အစ္စ ရေးက ရှုတ်ချထားသည်။

အစ္စရေးအတွက် အလွန်အ ရေးပါသည့် အချက်တစ်ခုမှာ အမေရိကန်၏ မားမားမတ်မတ် ကူညီရပ်တည်မှုကို ခိုင်မာစွာ ရရှိနေခြင်း ဖြစ်သည်။ ကုလသမဂ္ဂ လုံခြုံရေးကောင်စီ၏ ဂျေရုဆလင်အရေးအရေးပေါ်အစည်းအဝေး တွင် အမေရိကန်သံအမတ် နစ်ကီဟာလေက အစ္စရေးကို ထိခိုက်စေမည့် ဘက်လိုက်မှုမျိုး နိုင်ငံတကာ က လိုလားနေကြောင်း စွပ်စွဲခဲ့ပြီးအမေရိကန်အနေဖြင့် ကုလသမဂ္ဂ အပါအဝင် မည်သည့်နိုင်ငံတကာ အသိုက်အဝန်းကမျှ အစ္စရေးအ ပေါ် ဖိနှိပ်အနိုင်ကျင့်မှုကို လက် သင့်ခံထားမည် မဟုတ်ကြောင်း သတိပေးသွားသည်။

ဂျေရုဆလင် အရေးသည် လတ်တလော သွေးပူချိန်တွင် ထပေါက်ကွဲပြီး မြန်မြန်ဆန်ဆန် အသံတိတ်သွားမည့် ပြဿနာမျိုးမဟုတ်သည်မှာ သေချာသည်။ ထရန့်၏ ဆုံးဖြတ်ချက်က အမေရိ ကန်နှင့် အစ္စရေးကြား ရင်းနှီးမှုကို ပိုမိုခိုင်မာသွားစေခဲ့သည် မှန်သော် လည်း အမေရိကန်အပေါ် အာရပ် မဟာမိတ်များနှင့် နိုင်ငံတကာ က ယုံကြည်အားကိုးမှု၌ အက်ကြောင်းထင်သွားသည့် ရိုက်ခတ်မှုရှိလာမည်မှာလည်း မြေကြီးလက် ခတ်မလွဲချေ။ ဂျေရုဆလင်ကို အစ္စရေး၏ မြို့တော်အဖြစ် အသိအမှတ်ပြုခဲ့ခြင်းသည် ထရန့်၏ အရင်းအနှီးကြီးမားသည့် အ လောင်းအစားတစ်ခုဖြစ်ခဲ့ပြီး ထိုက်တန်သည့် စွန့်စားမှု ဟုတ်၊ မဟုတ်ဆိုသည်ကိုမူ ၎င်း၏ သမ္မတသက် တမ်း လက်ကျန်ကာလများတွင် စောင့်ကြည့်သွားရမည် ဖြစ်သည်။

—Ref:Independent, CNN