ပညာရေးစုံညီပွဲတော် ကျင်းပရန် ကျောင်းတစ်ကျောင်းလျှင် ကျပ်တစ်သိန်းခွဲမှ ငါးသိန်းအထိ ထုတ်ပေးမည်

ကျောင်းအဆင့် ပညာရေးစုံညီပွဲတော်များ ကျင်းပရန် အခြေခံပညာကျောင်းတစ်ကျောင်းလျှင် ရန်ပုံငွေ ကျပ်တစ်သိန်းခွဲမှ ငါးသိန်းအထိ ပညာရေး ဝန်ကြီးဌာနဘတ်ဂျက်မှ ထုတ်ပေးမည်ဟု အခြေခံပညာဦးစီးဌာန ခေတ္တညွှန်ကြားရေးမှူးချုပ် ဒေါက်တာအောင်နိုင်စိုးက ပြောသည်။

၂၀၁၇-၁၈ ပညာသင်နှစ် ပညာရေးစုံညီ ပွဲတော်များကို တိုင်းဒေသကြီးနှင့် ပြည်နယ် အဆင့်၊ မြို့နယ်အဆင့်၊ ကျောင်း အဆင့်ပွဲတော်များအဖြစ် ကျင်းပ မည်ဖြစ်ရာ စုံညီပွဲတော်အားလုံး အတွက် ပညာရေးဝန်ကြီးဌာန၏ ယခုဘဏ္ဍာနှစ် ဘတ်ဂျက်မှ ကျပ် သန်း ၉,၅၀၀ ကျော် ထုတ်ပေး မည်ဟု အခြေခံပညာ ဦးစီးဌာန က ဒီဇင်ဘာ ၁၃ ရက်တွင် ကြေ ညာထားသည်။

အခြေခံပညာအထက်တန်း ကျောင်းတစ်ကျောင်းလျှင် ကျပ် ငါးသိန်း၊ အထက်တန်းကျောင်းခွဲ နှင့် အလယ်တန်းကျောင်းတစ် ကျောင်းလျှင် ကျပ်သုံးသိန်း၊ အလယ်တန်းကျောင်းခွဲ၊ မူလ တန်းလွန်ကျောင်း၊ မူလတန်း ကျောင်း၊ မူလတန်းကျောင်းခွဲ၊ တွဲဖက်မူလတန်းကျောင်း တစ် ကျောင်းလျှင် ကျပ်တစ်သိန်းခွဲနှုန်း ဖြင့် ကျောင်းအဆင့်အတွက် စုစု ပေါင်းကျပ်သန်း ၈,၃၀၀ ကျော်ကို ပညာရေးဘတ်ဂျက်မှ ထုတ်ပေး ရန် လျာထားသည်ဟု ကြေညာ ချက်တွင် ဖော်ပြထားသည်။

‘‘စုံညီပွဲတော်ကို စည်စည် ကားကားလုပ်ဖို့ ဝန်ကြီးလမ်းညွှန် ချက်လည်းရှိပါတယ်။ ကျောင်း တိုင်းမှာ လုပ်ရမယ်။ ကျောင်း တိုင်း၊ ကျောင်းတိုင်း စုံညီပွဲတော် ကို သူ့ကျောင်းအလိုက် တစ်နိုင် ကျင်းပနိုင်ဖို့ တတ်နိုင်သလောက် ပညာရေးဝန်ကြီးဌာနအနေနဲ့ ပံ့ပိုး ပေးတဲ့သဘောပေါ့။ အဓိကက မိဘ၊ ဆရာ၊ ကျောင်းသား အား လုံးပါဝင်ဖို့ပေါ့’’ဟု ဒေါက်တာ အောင်နိုင်စိုးက ပြောသည်။

ယခင် ပညာသင်နှစ်များက ကျောင်းအဆင့် စုံညီပွဲတော်ကျင်း ပရန် သက်ဆိုင်ရာကျောင်းများက မိမိအစီအစဉ်ဖြင့် ရန်ပုံငွေရှာဖွေ ရပြီး ပညာရေးဝန်ကြီးဌာနက သီး သန့်ရန်ပုံငွေ ထုတ်ပေးခြင်းမရှိခဲ့ပေ။ ပညာရေးစုံညီပွဲတော်တွင် ဆုချီးမြှင့်ရန် အထက်တန်း ကျောင်းတစ်ကျောင်းလျှင် အ နည်းဆုံး ကျပ်ငါးသိန်းခန့် ကုန်ကျ လေ့ရှိပြီး အချို့ကျောင်းများ၌ ငွေကြေးမပြည့်စုံခြင်းကြောင့် စုံ ညီပွဲတော် မကျင်းပနိုင်ကြောင်း ပဲခူးတိုင်းဒေသကြီး အထက(ခွဲ) အေးမွန် ကျောင်းအုပ်ကြီး ဦးအောင်ကျော်သူက ဆိုသည်။

‘‘အရင်က တိုင်းဒေသကြီးနဲ့ မြို့နယ်အဆင့်ပဲ ဘတ်ဂျက်ကနေ ထုတ်ပေးတယ်။ ကျောင်းတွေက ကိုယ့်အစီအစဉ်နဲ့ကိုယ် မိဘတွေ ဆီက အလှူခံတာတို့၊ ကျောင်း ဖွံ့ဖြိုးရေး ရန်ပုံငွေက သုံးရတာတို့ လုပ်ရတယ်။ အခုကတော့ အခြေခံပညာကျောင်းတွေကိုပါ ဘတ်ဂျက်ကနေ ထုတ်ပေးမယ် ဆိုတော့ ဝမ်းသာစရာပေါ့။ မူလ တန်းကျောင်းလေးတွေအတွက် တော့ ဒါက တော်တော်ကြီးကို အထောက်အကူဖြစ်မယ်’’ဟု ဦးအောင်ကျော်သူက ပြောသည်။

တိုင်းဒေသကြီးနှင့် ပြည်နယ် အဆင့်၊ မြို့နယ်အဆင့် ပညာ ရေးစုံညီပွဲတော်များအတွက် ဉာ ဏစွမ်းရည်နှင့် ကာယစွမ်းရည်ဆု များကို ချီးမြှင့်ရန် တိုင်းဒေသကြီး နှင့် ပြည်နယ် အဆင့်အတွက် ကျပ် ၁၆၇ သန်းကျော်၊  မြို့နယ် အဆင့်အတွက် ကျပ်သန်း၁,၀၀၀ ကျော် ထုတ်ပေးမည်ဟု အခြေခံ ပညာဦးစီးဌာန ကြေညာချက် တွင် ဖော်ပြထားသည်။

ပညာရေးစုံညီပွဲတော်များ ကို ၂၀၁၈ ဇန်နဝါရီတွင် ကျင်းပ မည်ဖြစ်ပြီး ပညာရည်ချွန်ဆုပေး ပွဲများ၊ မိဘဆရာ တွေ့ဆုံပွဲများ၊ ပျော်ပွဲရွှင်ပွဲများအပြင် ကာယ စွမ်းရည်ပြသမည့် ပြေးခုန်ပစ် အားကစားပြိုင်ပွဲများ ထည့်သွင်း ကျင်းပမည်ဖြစ်သည်။

More in News Section