မထသလွှဲပြောင်းငွေဖြင့် ကျောင်းကားအစီး ၂၀၀ ကို ဝယ်ယူဟု ရန်ကုန်တိုင်း လမ်းပန်းဆက်သွယ်ရေးဝန်ကြီးပြော

ကိုရီးယားနိုင်ငံ ဟွန်ဒိုင်း ကုမ္ပဏီထုတ် ကျောင်းကားအစီး ၂၀၀ ကို မထသမှ လွှဲပြောင်းရယူ ခဲ့သည့် ကျပ်သိန်းငါးသောင်း ကျော်ဖြင့် ဝယ်ယူထားကြောင်း ရန်ကုန်တိုင်း လျှပ်စစ်၊ စက်မှု လက်မှုနှင့် လမ်းပန်းဆက်သွယ် ရေးဝန်ကြီး ဒေါ်နီလာကျော်က ပြောကြားသည်။

ဒဂုံမြို့နယ် တိုင်းဒေသကြီး လွှတ်တော်ကိုယ်စားလှယ် ဦး ကျော်ဇေယျက ရန်ကုန်တိုင်းအစိုး ရအဖွဲ့က ကြီးကြပ်ဝယ်ယူခဲ့သည့် ကျောင်းကားအစီး ၂၀၀ ကို မည် သည့်ဘဏ္ဍာငွေဖြင့် ထုတ်နုတ် ဝယ်ယူခဲ့ကြောင်း ဒီဇင်ဘာ ၁၅ ရက်က ပြုလုပ်သည့် လွှတ်တော် အစည်းအဝေး၌ မေးမြန်းရာ ဝန် ကြီးက ပြန်လည်ဖြေကြားသည်။

မထသကို ဖျက်သိမ်းကာ ရန်ကုန်တိုင်း ဒေသကြီး သယ်ယူပို့ဆောင်ရေး ကြီးကြပ်ကွပ်ကဲမှုအာဏာပိုင်အဖွဲ့ (YRTA) ကို အသစ်ပြန်လည်ဖွဲ့စည်းခဲ့ရာ မထသထံမှ ရန်ပုံငွေအဖြစ် ကျပ်သိန်းခြောက်သောင်းခန့်နှင့် အမေရိကန် ၁၀၂ ဒသမ ၆၇ ဒေါ်လာကို ရရှိခဲ့ကြောင်း ဒေါ်နီလာကျော်က ပြောသည်။

‘‘အဲဒီအချိန်တုန်းက လွှဲ ပြောင်းရယူခဲ့တဲ့ မြန်မာကျပ်ငွေ သိန်းခြောက်သောင်းကျော်ထဲက ယခင် မထသဝန်ထမ်းတွေကိုလုပ်သက်ဆုကြေးများအဖြစ် သိန်းတစ်သောင်းကျော် ပေးအပ်ပြီးကျန်ငွေကျပ်သိန်းငါးသောင်းကျော်နဲ့ ဝယ်ယူပါတယ်’’ဟု ၎င်းက ဆိုသည်။

သို့သော် ကျောင်းကားအစီး  ၂၀၀ ကုန်ကျငွေသည် ကျပ် ၁၀ ဒသမ ၅ ဘီလီယံဖြစ်သည်။ လိုအပ်သည့် ငွေကျပ် ၅ ဒသမ ၅ ဘီလီယံကို Golden Hand (ရွှေလက်) ကုမ္ပဏီကို ထူထောင် ရာတွင် အစိုးရနှင့် ဖက်စပ်လုပ် ကိုင်သည့် ပုဂ္ဂလိကကုမ္ပဏီတစ်ခု က ထည့်ဝင် လုပ်ကိုင်ထား ကြောင်း ဝန်ကြီးကဆိုသည်။

ထို့အပြင် ၂၀၁၆-၁၇ ဘဏ္ဍာနှစ်တွင် ခွင့်ပြုခဲ့သည့် နောက်ထပ် ဖြည့်စွက်ရန်ပုံငွေ ကျပ် ၇၀ ဘီလီယံ ရင်းနှီးမြှုပ် နှံမှုကို အများပြည်သူ သယ်ယူ ပို့ဆောင်ရေးအတွက် မည်သည့် အများပိုင်ကုမ္ပဏီများတွင် ရင်း နှီးမြှုပ်နှံထားကြောင်းနှင့် ယခင် မထသမှ ယခု YRTA သို့ လွှဲ ပြောင်းယူခဲ့သည့် ရန်ပုံငွေတန်ဖိုး နှင့် ပုံသေပိုင် ပစ္စည်းအမျိုးအစား အလိုက် တန်ဖိုးမည်မျှရှိကြောင်း ကို ဦးကျော်ဇေယျက မေးမြန်းခဲ့သည်။

YBPC တွင် ရင်းနှီးမြှုပ်နှံငွေ ကျပ် ၃၅ ဘီလီယံနှင့် ရန်ကုန်မြို့ ပြ အများပြည်သူ သယ်ယူပို့ ဆောင်ရေး အများပိုင်ကုမ္ပဏီ (YUPT)တွင် ကျပ် ၃၅ ဘီလီယံ စုစုပေါင်း ကျပ် ၇၀ ဘီလီယံထည့်ဝင်ရင်းနှီးမြှုပ်နှံထားကြောင်း ဒေါ်နီလာကျော်က ဆိုသည်။