ဘဝလုံခြုံမှုအတွက် တိုက်ပွဲဝင်ရုန်းကန်နေရဆဲ အိန္ဒိယအမျိုးသမီးများ

Meet to Sleep လှုပ်ရှားမှုတွင် အမျိုးသမီးတစ်ဦး လဲလျောင်းအိပ်စက်နေစဉ် blog.blanknoise.org

ကျောင်းသူ မိန်းမပျိုလေးတစ်ဦးကို အုပ်စု ဖွဲ့ မုဒိမ်းကျင့်သတ်ဖြတ်ခဲ့သည့် စက်ဆုပ်စရာ ရာဇဝတ်မှုကြီး ပေါ်ပေါက်ခဲ့သည် မှာ ငါးနှစ်မျှ ကြာမြင့်ခဲ့ပြီဖြစ်သည်။ သို့ သော် ယခုအချိန်ထိ အိန္ဒိယတွင် အမျိုးသမီးများအပေါ် ရက်စက်စွာ ပြုမူမှု၊ လိင်အကြမ်းဖက်မှု၊ မုဒိမ်းမှုများက ဆက်လက်ခြိမ်းခြောက် နေဆဲဖြစ်သည်။


အမျိုးသမီးများအပေါ် စော်ကားအနိုင်ကျင့်မှုများကို ဆန့်ကျင်တိုက်ဖျက်သည့် လှုပ်ရှားမှု တစ်ခု ကို ပြီးခဲ့သည့် သီတင်းပတ်ကုန်က ဒေလီမြို့တော်တွင် စုပေါင်းလုပ် ဆောင်ခဲ့ကြသည်။ Meet to Sleepဟု အမည်ပေးထားသည့် လှုပ်ရှား မှုသည် အများပြည်သူနှင့် ဆိုင် သော ပတ်ဝန်းကျင်တွင် အိန္ဒိယ အမျိုးသမီးများ၏ ဘဝလုံခြုံရေးကို ပိုမိုမြှင့်တင်ပေးနိုင်ရန် ရည်ရွယ် ထားသည်။

ယင်းလှုပ်ရှားမှုတွင် ပန်းခြံကဲ့ သို့ နေရာများ၌ အမျိုးသမီးများ စုပေါင်းပြီး ခေတ္တမျှ လဲလျောင်းအိပ်စက်ကြသည်။ ရည်ရွယ်ချက်မှာ အမျိုးသမီးများအနေဖြင့် ခုခံနိုင်စွမ်းအနည်းဆုံး အနေအထားတွင် လုံခြုံရေးအတွက် ပိုမိုစောင့် ရှောက်ကူညီမှု လိုအပ်ကြောင်း ထင်ဟပ်စေရန်ဖြစ်သည်။ အိန္ဒိယတွင် လွန်ခဲ့သည့် ငါးနှစ်က ဖြစ်ပွားသည့် ကမ္ဘာကျော် ဒေလီမုဒိမ်းမှု ကြီးအပြီး၌ နိုင်ငံတစ်ဝန်းတွင်မုဒိမ်းမှု ဆန့်ကျင်ရေးဆန္ဒပြလှုပ် ရှားမှုများ ပေါ်ပေါက်လာသည်။ သို့သော်အခြေအနေများမှာ အကောင်းဘက် ဦးတည်မလာသေး ဘဲ စိုးရိမ်ရေမှတ်ကို ကျော်လွန် မြင့်တက်နေဆဲ ဖြစ်သည်။

‘‘ဒေလီမှာ ဖြစ်ခဲ့တဲ့ အခြေအနေကို ကြည့်ရင် မိန်းကလေးဟာ အများပြည်သူ သွားလာလှုပ်ရှား နေတဲ့ ပွင့်ပွင့်လင်းလင်းနေရာ တစ်ခုမှာ စော်ကားသတ်ဖြတ်ခံခဲ့ ရတာပါ။ ဘတ်စ်ကားတစ်စီးပေါ် မှာ ဖြစ်ပါတယ်။ ဘတ်စ်ကားဆို တာက အမျိုးသမီးပေါင်းများစွာ အသုံးပြုနေတဲ့ သယ်ယူပို့ဆောင်ရေး ယန္တရားတစ်ခုဖြစ်ပါတယ်။ ဘယ်လောက်မလုံခြုံသလဲ ဆိုတာကို တွေးကြည့်လို့ ရတယ်။ အခုဆိုရင် ဒီဖြစ်ရပ်ဆိုးပေါ်ပေါက်ခဲ့ တာ ငါးနှစ်ကြာသွားပြီ။ အပြောင်းအလဲက ဘာမှ ထင်ထင်ရှားရှား ရှိမလာသေးဘူး’’ဟု အသက် (၂၆) နှစ်အရွယ် အမျိုးသမီး အခွင့်အရေး လှုပ်ရှားတောင်းဆိုသူ ကရီတီအွမ် ပရာကက်ရ်ှက ပြောကြားခဲ့သည်။

၂၀၁၂  ဒီဇင်ဘာက ပေါ် ပေါက်ခဲ့သည့် ဖြစ်ရပ်ဆိုးတွင် သားကောင်ဖြစ်ခဲ့သော မိန်းကလေး ဂျိုတီဆင်းသည် အမျိုးသားအဖော်တစ်ဦးနှင့်အတူ ဘတ်စ်ကားစီးစဉ်လူခြောက်ဦး၏ မုဒိမ်းကျင့်စော် ကားမှုနှင့် ရက်စက်ကြမ်းကြုတ်စွာ ညှဉ်းပန်းနှိပ်စက်မှုများကို ကြုံတွေ့ခဲ့ရခြင်း ဖြစ်သည်။ သူ၏ မိတ်ဆွေမှာလည်း တိုက်ခိုက်ခံခဲ့ရပြီး မိန်းကလေးမှာ လူမဆန်လွန်း သည့် အပြုအမူကြောင့် ပြင်းထန် စွာရရှိခဲ့သည့် ဒဏ်ရာများဖြင့် ကွယ်လွန်ခဲ့ရှာသည်။

အဆိုပါဖြစ်ရပ်သည် အိန္ဒိယလူ့အသိုက်အဝန်းတွင် အမျိုးသမီးများ၏ လုံခြုံမှု မည်သည့် အတိုင်း အတာထိ အားနည်းနေကြောင်း တစ်ကမ္ဘာလုံးမျက်မြင် သိရှိသွားစေခဲ့သည်။ ထို့အပြင် အမျိုးသမီးအခွင့်အရေးနှင့် ပတ်သက်၍ ပိုမိုမျက်စိပွင့်နားပွင့် ဖြစ်လာပြီး တက် ကြွစွာ ဆန္ဒပြတောင်းဆိုမှုများ ပေါ်ပေါက်လာခဲ့သည်။ သို့သော် မိန်းကလေးငယ်များ၊ အမျိုးသမီးများ အပေါ် လိင်ပိုင်းဆိုင်ရာ စော်ကားတိုက်ခိုက်မှုများမှာ အရှိန်လျော့ မသွားချေ။ ပို၍ပင် ဆိုးရွားမြင့်တက်လာနေသည်ဟု ဆိုနိုင် သည်။အမျိုးသားမှုခင်းမှတ်တမ်း ဗြူရို၏ အဆိုအရ အိန္ဒိယ၏ လုံခြုံမှု အကင်းမဲ့ဆုံး မြို့တစ်မြို့ဟုပင် ဆိုနိုင်သည့် ဒေလီတွင် ၂၀၁၆ အတွင်းစုစုပေါင်း မုဒိမ်းမှု ၁၉၉၆ ခု ဖြစ်ပွားခဲ့ကြောင်း သိရသည်။ ထိုပမာဏသည် ၂၀၁၅ က ဖြစ်ပွားသည့် မုဒိမ်းမှု ၁၈၉၃ ခုထက် ၁၀၀ ကျော် မြင့် တက်လာခြင်း ဖြစ်သည်။ 

အမျိုးသမီး အခွင့်အရေး လှုပ်ရှားသူများက ထင်သာမြင်သာ အရှိဆုံး အပြောင်းအလဲမှာ မိမိတို့၏ လွတ်လပ်ခွင့်နှင့် လုံခြုံရေးတို့ အတွက် အမျိုးသမီးများက ယခင် ကထက် ပွင့်လင်းရဲရင့်စွာ တောင်း ဆိုလာခြင်းဖြစ်ကြောင်း မှတ်ချက် ပေးကြသည်။ ယခင်ကဆိုလျှင် လိင်ပိုင်းဆိုင်ရာ စော်ကားပြုမူခံရ သည့် သားကောင်မိန်းကလေး များက ရှက်ကြောက်မှုဖြင့် နှုတ် ဆိတ်နေသော်လည်း ယခုအခါ သူမတို့၏ အတွေ့အကြုံများကို ပွင့်လင်းစွာ မျှဝေပြီး ရာဇဝတ် သားများကို သတ္တိရှိရှိ ဖော်ထုတ် လာကြသည်။

‘‘လွန်ခဲ့တဲ့ ငါးနှစ်တာအတွင်း အပေါင်းလက္ခဏာအဆန်ဆုံး တိုးတက်လာတာကတော့ အဲဒီအပိုင်းပဲ ဖြစ်လိမ့်မယ်။ အမျိုးသမီးတွေက အရင်လို ရေငုံနှုတ်ပိတ်မနေကြ တော့ဘူး။ သူတို့က တုံ့ပြန်သင့်တဲ့ အခြေအနေကို တုံ့ပြန်ရဲလာပြီ’’ဟု အိန္ဒိယအမျိုးသမီးများ ဖွံ့ဖြိုးတိုး တက်ရေးအဖွဲ့ကြီးမှ ကာဗီတာ ကရစ်ရ်ှနန်က ပြောကြားသည်။

မြို့ကြီးပြကြီးများတွင် အမျိုး သမီးများ၏ လုံခြုံရေးအတွက် ပိုမိုထိရောက်စွာ ကူညီနိုင်ရန် အစိုးရက လုံခြုံရေးကင်မရာများ၊ အရေးပေါ် ဖုန်းလိုင်းများ ဖြည့်တင်းတပ် ဆင်ပေးနေသော်လည်း လက်တွေ့ အခက်အခဲကို အမှန်တကယ်ဖြေရှင်းပေးနိုင်ခြင်း မရှိဟု အမျိုးသမီးအခွင့်အရေး လှုပ်ရှားသူများက ဆိုသည်။ ထို့အပြင် လိင်ပိုင်းဆိုင်ရာ စော်ကားမှု၊ မုဒိမ်းမှုများအ တွက် ပြစ်ဒဏ်ကို ပိုမိုကြီးလေးအောင် မြှင့်တင်သတ်မှတ်ထား သော်လည်း မုဒိမ်းမှုများ တိုးပွားနေဆဲသာ ဖြစ်သည်။

‘‘လက်ရှိအသားသေနေတဲ့ စနစ်အတွက် တော်တော်လေး စိတ်ပျက်မိပါတယ်။ စက်ဆုပ်စရာ ရာဇဝတ်မှုတွေကလည်း ဆက်တိုက်တိုးပွားလာနေတုန်းပဲလေ’’ ဟု ဒေလီရှိ လူမှုသုတေသနစင်တာမှ ရန်ဂျာနာကူမာရီက ဆိုသည်။ 

‘‘အကြမ်းတမ်းအရက်စက် ဆုံး အပြုအမူတွေနဲ့ အနိုင်ကျင့် ခံနေရတဲ့ထဲမှာ အရမ်းငယ်ရွယ်တဲ့ လူမမည်ကလေးတွေတောင် ပါနေကြရှာတယ်’’ဟုလည်း ကူမာရီ က ပြောကြားသည်။

ယခုလအတောအတွင်းတွင် ပင် နိုင်ငံမြောက်ပိုင်း ဟာယာနာ ဒေသ၌ အသက် (၆) နှစ်သာရှိ သေးသော မိန်းကလေးငယ်တစ်ဦးမှာ ကြမ်းကြုတ်ဆိုးရွားလှသည့် လိင်ပိုင်းဆိုင်ရာ စော်ကားခံရမှု ဒဏ်ရာများဖြင့် သေဆုံးနေသည် ကို ရှာဖွေတွေ့ရှိခဲ့သည်။ အဆိုပါ ဖြစ်ရပ်ကို ၂၀၁၂ က ဖြစ်ပွားသည့် ဘတ်စ်ကားပေါ်မှ မုဒိမ်းမှုနှင့် နှိုင်း ယှဉ်မှုများလည်း ရှိနေသည်။

ဒေလီမုဒိမ်းမှုကြီးတွင် သားကောင်ဖြစ်ခဲ့ရှာသူ ကျောင်းသူ မိန်းကလေး၏ မိခင် အေရှာဒေဗီကလည်း လက်ရှိအခြေအနေများ အပေါ် စိတ်ပျက်အားလျော့မိ ကြောင်း ဖွင့်ဟခဲ့သည်။ 

‘‘အမျိုးသမီးတွေ၊ မိန်းကလေးတွေ အခုလည်း မုဒိမ်းကျင့်ခံနေရတုန်း၊ စော်ကားခံနေရတုန်းပဲ။ ဘာတွေများ ပြောင်းလဲသွားလို့ လဲ။ လွန်ခဲ့တဲ့ ငါးနှစ်တုန်းကလိုပဲ လုံခြုံမှု ကင်းမဲ့နေတုန်းပဲလေ’’ဟု သူမက ဝေဖန်ခဲ့သည်။

အမျိုးသမီး အခွင့်အရေး လှုပ်ရှားသူ တစ်ဦးဖြစ်သည့် ဆွာတီ မာလီဝါလ်ကမူ သက်ငယ်မုဒိမ်းမှု ကျူးလွန်ပြီး သေဒဏ်ချမှတ်ခြင်း ခံထားရသူများကို ကာလရှည်ကြာ ချုပ်နှောင်မထားဘဲ အလျင်အမြန် ကြိုးပေးရန် ဦးဆောင် ဆော်ဩလျက် ရှိသည်။ 

‘‘လွန်ခဲ့တဲ့ ငါးနှစ်ကထက် ဘာမှ ကြီးကြီးမားမား ပြောင်းလဲလာ တာ မရှိဘူး။ ဒေလီဟာ မုဒိမ်းမြို့ တော်ကြီး ဖြစ်နေတုန်းပဲ။ လူမမည်ကလေးငယ်တွေ မုဒိမ်းကျင့်ခံနေရ တုန်းပဲ’’ဟု သူက ဆိုသည်။ မာလီဝါလ်က သက်ငယ်မုဒိမ်းမှု ကျူးလွန်သူများကို သေဒဏ်ချမှတ်ထား သည့်အခါ ခြောက်လထက်ပို၍ ချုပ်နှောင်မထားဘဲ ကြိုးပေးရန် လှုပ်ရှားတောင်းဆိုလျက်ရှိသည်။ သူမက ဒေလီတွင် ပျမ်းမျှအားဖြင့် မိန်းကလေးငယ် သုံးဦးနှင့် အမျိုးသမီး ခြောက်ဦးမျှ နေ့စဉ်မုဒိမ်းကျင့်ခံနေရကြောင်း ပြောကြားသည်။

အမျိုးသမီးအခွင့်အရေး လှုပ်ရှားသူများက ဥပဒေကြောင်း အားနည်းချက်များကြောင့် မုဒိမ်းမှုကျူးလွန်သူများ ထွက်ပေါက်ရသွားနိုင် သည့် ယိုပေါက်များ အတွက်လည်း စိုးရိမ်နေသည်။ ယခုနှစ် အစော ပိုင်းက ဘောလိဝုဒ် ရုပ်ရှင်ဒါရိုက်တာ တစ်ဦးကို မုဒိမ်းမှုဖြင့် စွဲချက်တင်ခဲ့သော်လည်း သက်သေ မခိုင်လုံဟု တရားရုံးက ဆုံးဖြတ်ခဲ့သည့်ကိစ္စမျိုးအတွက် အငြင်းအခုံများ လည်း ပေါ်ပေါက်လာသည်။

‘‘၂၀၁၂ စလို့ ကျွန်မတို့ ရုန်း ကန် တိုက်ပွဲဝင်လာကြတယ်။ ထိရောက်မှုတွေလည်း ရှိခဲ့တယ်။ ဒါပေမဲ့ ပတ်ဝန်းကျင်မှာ ဖြစ်ပျက် နေတာတွေကို မျက်ကွယ်ပြုပြီး ကျေနပ်အောင်ပွဲခံနေလို့ မရပါဘူး။ ကျွန်မတို့ ရှေ့ဆက်တိုက်ပွဲ ဝင်နေရဦးမှာ ဖြစ်ပါတယ်’’ဟု အိန္ဒိယအမျိုးသမီးများ ဖွံ့ဖြိုးတိုးတက်ရေးအဖွဲ့ကြီးမှ ကရစ်ရ်ှနန် က သတိပေး ပြောဆိုသွားသည်။

—Ref: VoA, BBC


blog.blanknoise.org


blog.blanknoise.org