ပြည်ပခရီးသွားများ ဆောင်ရန် ရှောင်ရန် လက်စွဲစာအုပ် အခမဲ့ ဝေပေးမည်

မြန်မာနိုင်ငံသို့ လာရောက်လည်ပတ်သည့် ပြည်ပခရီးသွားများအား ဆောင်ရန်၊ ရှောင်ရန် လက်စွဲစာအုပ် ရှစ်ထောင်ခန့် ယခုနှစ်အတွင်း အခမဲ့ ဝေငှပေးမည်ဟု ဟိုတယ်နှင့်ခရီးသွားလာရေး ဝန်ကြီးဌာန ဒုတိယ ညွှန်ကြားရေးမှူး ဦးမြင့်ထွေးက ပြောကြားသည်။
 

ပြည်ပခရီးသွားဧည့်သည် ဝင်ထွက်မှုရှိသည့် လေဆိပ်တိုင်း တွင် ဆောင်ရန်၊ ရှောင်ရန် စာအုပ်ဝေငှရန် စီစဉ်ထားသည်။ စာအုပ်တွင် ခရီးသွား နယ်မြေများ၊ မြို့တော်များ၊ သဘာဝအခြေပြု ခရီးသွားဒေသများနှင့် ပျူရှေးဟောင်းမြို့တော် တည်ရှိရာ နေရာများကို မြေပုံနှင့်တကွ ညွှန်းဆိုထားသည်။

 ထို့အပြင် ပြည်ပခရီးသွား များအတွက် မြန်မာနိုင်ငံတွင် နေထိုင်စဉ် ဆောင်ရန်၊ ရှောင်ရန် အချက်အလက်များကို ကာတွန်း ရုပ်ပုံများနှင့် တွဲဖက်၍ အင်္ဂလိပ် ဘာသာဖြင့် ရေးသားဖော်ပြထား သည်။ ‘‘ဆောင်ရန်၊ ရှောင်ရန် အ ကုန်လုံးကိုတော့  ဖော်ပြထားနိုင် ခြင်း မရှိဘူး။ အရေးကြီးတဲ့အချက်အလက်တွေကိုပဲ ဖော်ပြထားနိုင် တယ်’’ ဟု မြန်မာနိုင်ငံ တာဝန်သိ ခရီးသွားလုပ်ငန်းအဖွဲ့ (MRTI) ဥက္ကဋ္ဌ ဦးညွန့်ဝင်းနိုင်က ပြောကြားသည်။

အဆိုပါစာအုပ်ကို လေဆိပ် များတွင် သာမကဘဲ Dosanddontsfortourists.com အပါအ ဝင် ဝက်ဘ်ဆိုက်ငါးခုတွင် အခမဲ့ ဒေါင်းလုတ် ရယူနိုင်ကြောင်း Tourism Transparency အဖွဲ့မှ Ms. Andrea Valentin ကပြော သည်။

ပြည်ပခရီးသွားများအတွက် အခမဲ့ဖြန့်ဝေသည့် စာအုပ်တွင် အသုံးများသော မြန်မာစကားလုံး များ၊ မြန်မာနိုင်ငံ၏ ရိုးရာပွဲတော် များနှင့် အရေးပေါ်ဖုန်းနံပါတ်များ လည်း ဖော်ပြထားသည်။ အဆိုပါစာအုပ်ကို ဟိုတယ်နှင့် ခရီးသွား လာရေး ဝန်ကြီးဌာန၊ Hanns Seidel ဖောင်ဒေးရှင်း၊ အပြည် ပြည်ဆိုင်ရာ ကုန်သွယ်မှုစင်တာ နှင့် Tourism Transparency အဖွဲ့ တို့က ပူးပေါင်းစီစဉ်ထားသည်။