ပြင်းထန်သော ရင်ပူရင်ဆာဖြစ်ခြင်းကြောင့် လည်ပင်းနှင့် ဦးခေါင်းကင်ဆာ ဖြစ်ပွားနိုင်

အမေရိကန်နိုင်ငံသား သက်ကြီးရွယ်အို သန်းပေါင်းများစွာသည် အစာအိမ်ထဲ၌ အက်စစ်ဓာတ် ပြန်ဆန်တက်ခြင်းကြောင့်ဖြစ်သော ရင်ပူရင်ဆာဒဏ်ကို ခံစားနေရပြီး ၎င်းတို့သည် လည်ပင်းနှင့် ဦးခေါင်းကင်ဆာဖြစ်နိုင်သည့် အန္တရာယ်များကြောင်း လေ့လာမှုအ သစ်တစ်ခုက ဖော်ပြသည်။

အမေရိကန်နိုင်ငံသား အသက်(၆၅)နှစ်အရွယ် လူ ၂၈,၀၀၀ ခန့်သည် လည်ပင်းနှင့် ဦးခေါင်းကင်ဆာဖြစ်နိုင်သည့် အန္တရာယ်မြင့် မားနေကြောင်း သုတေသီများကပြောသည်။


ရင်ပူရင်ဆာဖြစ်ခြင်းကြောင့် အသံအိုးကင်ဆာဖြစ်နိုင်ခြေ သုံး ဆပိုမြင့်မားပြီး ဦးခေါင်းကင်ဆာဖြစ်ပွားနိုင်ခြေ ၄၀ ရာခိုင်နှုန်း ပိုမြင့်မားကြောင်း သုတေသီများကပြောသည်။

ဦးခေါင်း၊ အသက်ရှူလမ်းကြောင်းနှင့် ဆက်စပ်သည့် လည် ပင်းနှင့် အစာခြေဖျက်မှုလမ်းကြောင်းအပေါ်ပိုင်းတွင် ကင်ဆာရောဂါ ဖြစ်ပွားမှုကြောင့် ကမ္ဘာတစ်ဝန်း တစ်နှစ်လျှင် သေဆုံးသူ ၃၆၀,၀၀၀ ခန့်ရှိကြောင်း သုတေသီများကပြောသည်။

ယခုလေ့လာမှုကို ဦးခေါင်းနှင့် လည်ပင်းခွဲစိတ်ကုသရေးဆိုင်ရာ TAMA ဂျာနယ်တွင် ဖော်ပြထားပြီး နယူးအော်လင်းပြည်နယ်မှ ဒေါက်တာအဒ်ဝပ်က ဦးဆောင်ပြုလုပ်ခဲ့သည်။

အစာအိမ်ထဲမှ ပြန်ဆန်ထွက်လာသော အရာများသည် ပါးစပ် နှင့် အစာအိမ်ကြားရှိ အစာပြွန်အထိ မြင့်တက်ရောက်လာနိုင်သည်။ ယင်းအခြေအနေတွင် ရင်ပူရင်ဆာဖြစ်ခြင်း ခံစားရသည်။

သုတေသီများက အသက်ရှူလမ်းကြောင်းနှင့် အစာခြေဖျက်မှု လမ်းကြောင်းအပေါ်ပိုင်း ကင်ဆာဖြစ်ပွားဖူးသူ တစ်သောင်းကျော် ကို လေ့လာခဲ့ခြင်းဖြစ်သည်။

ယခုလေ့လာမှုအတွင်း ဆေးလိပ်သောက်ခြင်းနှင့် အရက် သောက်သော အလေ့အထများကို ထည့်သွင်းတွက်ချက်ထားခြင်း မရှိဟု သုတေသီများကပြောသည်။

ယင်းအလေ့အထနှစ်ခုစလုံးက ဦးခေါင်းနှင့် လည်ပင်းကင်ဆာ ဖြစ်နိုင်သည့် အန္တရာယ်မြင့်တက်စေသည်။

—Ref: UPI