မသန်စွမ်းသူများ အမျိုးသားအဆင့်အစည်းအဝေး နေပြည်တော်တွင် ပထမအကြိမ်ကျင်းပမည်

 ဒုတိယသမ္မတတစ်ဦး ပါဝင်မည့် မသန်စွမ်းသူများအမျိုး သားအဆင့် ကော်မတီအစည်းအ ဝေးကို ပထမဆုံးအကြိမ် ကျင်းပ မည်ဖြစ်ကြောင်း လူမှုဝန်ထမ်း ဦးစီးဌာန ညွှန်ကြားရေးမှူးချုပ် ဒေါက်တာစန်းစန်းအေးက ပြော ကြားသည်။

ယင်းကော်မတီအစည်းအ ဝေးကို ဒီဇင်ဘာ ၂၈ ရက်တွင် နေပြည်တော်၌ ကျင်းပမည်ဖြစ် သည်။ ကော်မတီအစည်းအဝေး လုပ်ပြီးမှသာ မသန်စွမ်းသူများအ တွက် အသိအမှတ်ပြုသက်သေခံ ကတ်ပြားများထုတ်ပေးခြင်း၊ လ စဉ် ထောက်ပံ့ကြေးပေးခြင်းများဆောင်ရွက်နိုင်မည် ဖြစ်ကြောင်း ဒေါက်တာစန်းစန်းအေးက ပြော သည်။

‘‘ဒါက အစိုးရအဖွဲ့ချည်းပဲ ခေါ်လို့မရဘူး။ မသန်စွမ်းသူများ အသင်းအဖွဲ့တွေနဲ့ အတူတူဆွေး နွေးပြီး သူတို့အသံတွေပြည့်ပြည့် စုံစုံပါအောင် လုပ်သွားမယ်’’ဟု ၎င်းက ဆိုသည်။

မသန်စွမ်းသူများ အမျိုးသား အဆင့်ကော်မတီကို ပြီးခဲ့သည့် စက်တင်ဘာက ဒုတိယသမ္မတ တစ်ဦးအပါအဝင် လူမှုဝန်ထမ်း၊ ကယ်ဆယ်ရေးနှင့် ပြန်လည်နေ ရာချထားရေးဝန်ကြီးဌာန၊ မြန်မာ နိုင်ငံမသန်စွမ်းသူများအသင်းချုပ် နှင့် မသန်စွမ်းကိုယ်စားလှယ်များ၊ မြန်မာနိုင်ငံအမျိုးသားလူ့အခွင့်အ ရေးကော်မရှင်တို့ဖြင့် ဖွဲ့စည်း ထားသည်။  

အမှန်တကယ် မသန်စွမ်းသူ ဖြစ်ကြောင်းကို ပြန်လည်စိစစ်ပြီး အသိအမှတ်ပြုသက်သေခံကတ် ပြားများထုတ်ပေးခြင်း၊ လစဉ်မ သန်စွမ်းသူ လူကြီးတစ်ဦးလျှင် ကျပ်တစ်သောင်းနှုန်းနှင့် ကလေး တစ်ဦးလျှင် ကျပ်တစ်သောင်းခွဲ နှုန်း ထောက်ပံ့ခြင်းတို့ကို ၂၀၁၈ မှသာ စတင် အကောင်အထည် ဖော်နိုင်မည်ဖြစ်ကြောင်း ဒေါက် တာစန်းစန်းအေးက ပြောသည်။

‘‘မသန်စွမ်းသူတွေအတွက် အဲဒီကော်မတီက အရမ်းအရေး ကြီးတယ်။ ဖွဲ့လိုက်တာက လွယ် လွယ်လေးပါ။ ဖွဲ့ပြီးရင် ဘယ်လို လုပ်ငန်းမျိုးတွေကို ဦးစားပေးလုပ် မလဲဆိုတာ အရေးကြီးပါတယ်’’ ဟု မြန်မာနိုင်ငံ မသန်စွမ်းသူများ အသင်းချုပ်ဥက္ကဋ္ဌ ဦးအောင်ကို မြင့်က သုံးသပ်ပြောကြားသည်။

မသန်စွမ်းသူများအတွက် ရုပ်မြင်သံကြား၊ သတင်းထုတ်ပြန် ရေးအစီအစဉ်များ ဆောင်ရွက် ခြင်း၊ အမျိုးသမီးများနှင့် ကလေးသူငယ်များကို ထိရောက်စွာ အကာအကွယ်ပေးရန် စီမံဆောင် ရွက်ခြင်း စသည့် အချက်များအပါ အဝင် ဦးစားပေး ဆောင်ရွက်ရ မည့် လုပ်ငန်းစဉ် ၁၁ ရပ်ကို မြန် မာနိုင်ငံ မသန်စွမ်းသူများအသင်း ချုပ်က ကနဦးအကြံပြုတိုက်တွန်း ထားမှုများရှိသည်။

၂၀၁၄ မြန်မာနိုင်ငံလူဦးရေ နှင့် အိမ်အကြောင်းအရာ သန်း ခေါင်စာရင်းဖော်ပြချက်အရ မြန် မာနိုင်ငံတွင် မသန်စွမ်းဦးရေ ၂ ဒသမ ၃ သန်းခန့်ရှိသည်။ မသန် စွမ်းအမျိုးအစားကို အမြင်အာရုံ၊ အကြားအာရုံ၊ ကိုယ်လက်အင်္ဂါ မသန်စွမ်း စသည်ဖြင့် အမျိုးအစား လေးမျိုးခွဲခြားထားသည်။