ကျိုင်းတုံတွင် အမျိုးသမီးတစ်ဦးကိုသတ်၍ မီးရှို့အလောင်းဖျောက်ခဲ့မှု အသတ်ခံရသူ၏ချစ်သူ အကူအညီဖြင့် ဖော်ထုတ်နိုင်

ပုဂ္ဂိုလ်ရေး မကျေနပ်ချက်ကြောင့် သတ်ဖြတ်ခြင်းဖြစ်ကြောင်း ကျူးလွန်သူထွက်ဆို
ဓာတ်ပုံ − ကျိုင်းတုံခရိုင်ရဲတပ်ဖွဲ့

ကျိုင်းတုံမြို့တွင် ဖြစ်ပွားခဲ့သော အသက် (၁၈)နှစ်အရွယ် ခန့် အမျိုးသမီးတစ်ဦးကိုသတ်၍ မီးရှို့အလောင်းဖျောက်ခဲ့သူနှစ်ဦး အား သေဆုံးသူ၏ချစ်သူ အကူ အညီဖြင့် ဖော်ထုတ်ဖမ်းဆီးနိုင်ခဲ့ ကြောင်း ရဲတပ်ဖွဲ့က ပြောသည်။

ရှမ်းပြည်နယ် အရှေ့ပိုင်း ကျိုင်းတုံမြို့နယ်မှ ကျိုင်းတုံ- လွိုင်မွေသွားလမ်း မိုင်တိုင် ၈ မိုင် ၄ ဖာလုံခန့်တွင် မီးရှို့ခံထားရ သော အမျိုးသမီးရုပ်အလောင်း တစ်လောင်း ဒီဇင်ဘာ ၂၂ ရက် က တွေ့ခဲ့ပြီး အသတ်ခံရသူ မည် သူဖြစ်သည်ကို ရဲတပ်ဖွဲ့က စုံစမ်းနေစဉ် ယင်းသတင်းသည် လူမှုကွန်ရက်၌ ပျံ့နှံ့ခဲ့ကာ ပြည်သူများကြား အထိတ်တလန့်ဖြစ်ခဲ့ သည် ထို့နောက် အသက် (၁၉)နှစ်အရွယ် လူငယ်တစ်ဦးက ရဲစခန်း သို့ လာရောက်၍ သေဆုံးသူသည်သူ၏ ချစ်သူမိန်းကလေးဖြစ်နိုင် ကြောင်း သတင်းပေးရာ ကျူးလွန်သူနှစ်ဦးကို ဒီဇင်ဘာ ၂၅ ရက်တွင် ဖမ်းဆီးခဲ့ကြောင်း ကျိုင်းတုံခရိုင် ရဲတပ်ဖွဲ့မှ ရဲအရာရှိတစ်ဦးက ပြောသည်။

‘‘လက်စွပ်တစ်ကွင်းကနေ ဒီအမှုကို ဖော်ထုတ်လိုက်ရတာ ပေါ့။ မီးလောင်သူရဲ့ လက်သူ ကြွယ်မှာ အသည်းပုံနဲ့ လက်စွပ် လေး ကျန်ခဲ့တယ်။ ဒါကို ကောင် လေး (သေဆုံးသူ၏ ချစ်သူ) က ဖေ့စ်ဘွတ်ခ်မှာတွေ့တော့ ရဲစခန်းကိုလာပြီး သူနဲ့ သူ့ရည်းစားချစ်သူ သက်တမ်း တစ်နှစ်ပြည့်မှာ အတူ တူဝတ်ခဲ့ကြတဲ့ လက်စွပ်လို့ ပြော လို့ ကွင်းဆက်ကို ဖော်လိုက်နိုင် တာ’’ဟု အထက်ပါရဲအရာရှိက ပြောသည်။

သေဆုံးသူနှင့် ၎င်း၏ ချစ်သူတို့သည် ဒီဇင်ဘာ ၂၀ ရက် နေ့လယ်က နောက်ဆုံးတွေ့ခဲ့ပြီး အမျိုးသမီးသည် ကျိုင်းတုံမြို့ ရပ်ကွက် (၄)ရှိ ဆွေမျိုးနီးစပ်တော် သူတစ်ဦး၏ အိမ်တွင် ငါးကင်စားမည်ဟု ပြောဆိုကာ ငါးကင်သွား ဝယ်ရန် ထွက်ခွာခဲ့ကြောင်း ရဲတပ်ဖွဲ့ထံ ထွက်ဆိုခဲ့သည်။ ထို့ကြောင့်ရဲတပ်ဖွဲ့က ငါးကင်ဆိုင်ကို သွားရောက်စုံစမ်းပြီး ထိုဆိုင်ကတစ်ဆင့် ယင်းအမျိုးသမီးသွားရောက် သည့် နေအိမ်အား စစ်ဆေးရာ အဆိုပါ အိမ်မှ အသက် (၄၂)နှစ်အရွယ် စိုးလွင်ကို ဖမ်းဆီးခဲ့ခြင်း ဖြစ်သည်။

‘‘ကောင်မလေးသွားတဲ့ လမ်းကြောင်းတစ်လျှောက်ကို စစ်ဆေး တဲ့အခါ စိုးလွင်ရဲ့အိမ်မှာ လမ်း ကြောင်း ပျောက်နေတယ်။ ဒါ ကြောင့် စိုးလွင်ကိုပဲ လိုက်လံရှာ ဖွေပြီး စစ်ဆေးတဲ့အခါ သူကျူး လွန်ခဲ့ကြောင်း ဝန်ခံတယ်’’ဟု အ ထက်ပါရဲအရာရှိက ပြောသည်။

စိုးလွင်၏ အမျိုးသမီးနှင့် သေဆုံးသူ အမျိုးသမီးသည် လွန်ခဲ့ သော နှစ်များစွာကပင် ဆွေမျိုး သားချင်းကဲ့သို့ နီးစပ်သော ဆက် ဆံရေးရှိပြီး ပုဂ္ဂိုလ်ရေးဆိုင်ရာ မကျေနပ်ချက်များကြောင့် သတ် ခဲ့ခြင်းဖြစ်သည်ဟု လတ်တလော ထွက်ဆိုထားကြောင်း ရဲတပ်ဖွဲ့က ဆိုသည်။ လူသတ်မီးရှို့ခဲ့သည့် ဖြစ်စဉ်တွင် စိုးလွင်နှင့်အတူ အ ခြားအမျိုးသားတစ်ဦးပါ ပါဝင်ခဲ့ ပြီး လက်ရှိတွင် ကျူးလွန်နှစ်ဦး စလုံးကို ရဲတပ်ဖွဲ့က ဖမ်းဆီးထား သည်။ အဆိုပါအမှုကို ရာဇသတ် ကြီး ဥပဒေပုဒ်မ-၃၀၂/၂၀၁(လူသတ်မှုနှင့် လူသတ်အလောင်း ဖျောက်ဖျက်မှု)တို့ဖြင့် ကျိုင်းတုံ မြို့ရဲစခန်းတွင် အမှုဖွင့်စစ်ဆေး နေကြောင်း ရှမ်းပြည်နယ်ရဲတပ် ဖွဲ့၊ ဒုတိယပြည်နယ် တပ်ဖွဲ့မှူး (ကျိုင်းတုံ) ရဲမှူးကြီး မင်းအောင် က ပြောသည်။

More in News Section