၁၇ လအတွင်း ပညာရေးဝန်ထမ်း ၈၀၀ ကျော်ကို ပြစ်ဒဏ်ချမှတ်အရေးယူခဲ့ဟုဆို

ဒီချုပ်အစိုးရ တက်လာပြီးနောက် ၂၀၁၆ ဧပြီမှ ၂၀၁၇ ဩဂုတ်အထိ ၁၇ လအတွင်း ပညာရေးဝန်ထမ်း ၈၀၀ ကျော်ကို ၀န်ထမ်းစည်းကမ်း ဆိုင်ရာ ပြစ်ဒဏ်ချမှတ်အရေးယူခဲ့ ကြောင်း ပညာရေးဝန်ကြီးဌာနက ဒီဇင်ဘာ ၂၃ ရက်တွင် ကြေညာ သည်။

ဝန်ထမ်းကျင့်ဝတ်ပျက်ယွင်း မှု၊ စည်းကမ်းဖောက်ဖျက်မှုနှင့်တာဝန်ပျက်ကွက်မှုတို့ကြောင့် စာဖြင့် သတိပေးခံရသူ ၅၂၅ ဦး၊ နှစ်တိုး လစာရပ်ဆိုင်းခံရသူ ၃၈ ဦး၊ရာထူးတိုးရပ်ဆိုင်းခံရသူ လေးဦး၊ ရာထူး အဆင့်လျှော့ချခံရသူ ၂၃ ဦး၊ ရာ ထူးမှ ထုတ်ပယ်ခံရသူ ၁၆၆ ဦး၊ ၀န်ထမ်းအဖြစ်မှ ထုတ်ပယ်ခံရသူ ၈၅ ဦး၊ တာဝန်မှယာယီရပ်ဆိုင်းခံ ရသူသုံးဦး၊ စုစုပေါင်း ၈၄၄ ဦးရှိ ကြောင်း ၀န်ကြီးဌာနက ကြေညာ သည်။

‘‘ကျောင်းသားမိဘနဲ့ ပြည်သူ လူထုတိုင်ကြားမှုကြောင့် အရေး ယူဆောင်ရွက်ခဲ့ရာမှာ ၂၀၁၇ ဧပြီ ကနေ နိုဝင်ဘာအထိ ရှစ်လအ တွင်းမှာကို ရာထူးကထုတ်ပယ်ခဲ့ တဲ့ဝန်ထမ်း ၅၆ ဦးရှိပါတယ်။ လူ မှုရေးပြဿနာတွေ၊ ဒါတွေသည် ကျွန်တော်တို့ လုံးဝခွင့်မလွှတ်ဘူး။ ပြီးရင် အမှုရပ်ဆိုင်း ခိုင်းတာတို့၊ အမှုရုပ်သိမ်းတာတို့ကို တော် တော်များများ လုပ်ကြတယ်။ မ ညှာပါနဲ့။ ပြည်သူ့မျက်နှာကိုကြည့် ပါ’’ ဟု ပညာရေးဝန်ကြီးဌာနပြည်ထောင်စုဝန်ကြီး ဒေါက်တာမျိုး သိမ်းကြီးက ဒီဇင်ဘာ ၈ ရက်မှ၁၀ရက်အထိ နေပြည်တော်တွင်ပြု လုပ်သည့် အခြေခံပညာရေးကဏ္ဍ နှီးနှောဖလှယ်ပွဲ၌ပြောကြားသည်။

ပညာရေးဝန်ကြီးဌာနကိုဌာန ၁၁ ခုဖြင့်ဖွဲ့စည်းထားရာ ၀န်ထမ်း စည်းကမ်းဆိုင်ရာ အရေးယူအပြစ် ပေးမှုများတွင် အခြေခံပညာဦးစီး ဌာနမှ အမှုထမ်း၊ အရာထမ်းအ များဆုံးပါဝင်ပြီး ၇၃၄ ဦးရှိသည်။ အဆင့်မြင့်ပညာဦးစီးဌာနက ဒုတိ ယနေရာတွင်ရှိပြီး ၁၇ လအတွင်း အရာထမ်း၊ အမှုထမ်း ၆၈ ဦးအရေးယူအပြစ်ပေးခံရသည်။

ပွင့်လင်းမြင်သာမှုရှိစွာ ငွေ ကြေးရှင်းတမ်း မထုတ်ပြန်ခြင်း၊ ပ ညာရေးရန်ပုံငွေများ အလွဲသုံးစား ပြုခြင်း၊ ဌာနဆိုင်ရာညွှန်ကြားချက် မလိုက်နာခြင်းနှင့် လူမှုရေးပြဿ နာများဖြစ်ပွားခြင်းကြောင့် ၀န် ထမ်းများကို အရေးယူအပြစ်ပေးမှု များ ဆောင်ရွက်နေကြောင်းဒေါက်တာမျိုးသိမ်းကြီးက အခြေခံပညာ ကဏ္ဍ နှီးနှောဖလှယ်ပွဲတွင် ပြော ကြားသည်။

ပညာရေးဝန်ကြီးဌာနအနေ ဖြင့် ၀န်ထမ်းစည်းကမ်းဆိုင်ရာပြစ်ဒဏ်ချမှတ်ခံရသည့် စာရင်းကို အစိုးရအဆက်ဆက်ပထမဆုံးတရားဝင်ကြေညာခြင်းဖြစ်သည်။

‘‘အရင်တုန်းကလိုလျစ်လျူရှုမထားဘူး။ ၀န်ထမ်းတွေစည်းမျဉ်း စည်းကမ်းနဲ့မညီရင် အရေးယူခံရ မယ်လို့ သတိပေးတဲ့အနေနဲ့ ထုတ် ပြောတာဖြစ်မှာပေါ့။ အရေးယူ တာကောင်းပါတယ်။ ဒါပေမဲ့ အ ရေးယူတဲ့အကြောင်းရင်း ခိုင်လုံဖို့ လိုတယ်။ မှားယွင်းစွာအရေးယူမှု တွေ အရင်အစိုးရလက်ထက်မှာ ကတည်းကရှိခဲ့တယ်။ အခုလည်း ငါန်းဇွန်မှာ ပညာရေးမှူးရုံးဝန် ထမ်းက အလွဲသုံးစားလုပ်သွားလို့ မြို့နယ်ပညာရေးမှူးနဲ့ ဒုမြို့နယ် ပညာရေးမှူးကို Double Punish- ment ပေးတယ်ဆိုရမယ့် ရာထူး တစ်ဆင့်နိမ့်ကို လျှော့ချတယ်။ ငွေ လည်း စိုက်လျော်စေတယ်။ ဆရာကြီး၊ ဆရာမကြီးက စီမံခန့်ခွဲမှုအား နည်းလို့ ရာထူးကလျှော့ချတယ်ဆို ပေမယ့် ဒီငွေကို သူတို့အလွဲသုံးစား လုပ်တယ်လို့ စစ်ဆေးတွေ့ရှိမှသာ စိုက်လျော်ခိုင်းရမယ်။ ဘာအ ကြောင်းကြောင့်၊ ဘယ်ဥပဒေပုဒ်မ ကြောင့် ငွေစိုက်လျော်ခိုင်းလဲဆို တာ မေးခွန်းထုတ်စရာဖြစ်လာ တယ်။ အဲဒီတော့ အရေးယူတဲ့ကိစ္စ တိုင်းက မမှန်ဘူးလို့ပြောစရာဖြစ် လာတယ်’’ ဟု မြန်မာနိုင်ငံလုံးဆိုင် ရာ ဆရာ၊ ဆရာမများအဖွဲ့ချုပ်အ တွင်းရေးမှူး ဒေါက်တာဇော်မျိုး လှိုင်က မှတ်ချက်ပြုသည်။

ပညာရေးဝန်ကြီး ဌာန အောက်တွင် အရာထမ်း၊အမှုထမ်း၄၉၀,၀၀၀ ကျော်ရှိသည်။