အခြေခံပညာရေးဝန်ထမ်းများ၏ ရာထူးတိုးနေရာ ခြောက်မျိုးအတွက် ရေးဖြေစာမေးပွဲဖြေရမည်

၂၀၁၈-၁၉ ပညာသင်နှစ် ရာထူး တိုးအပြောင်းအရွှေ့ဆောင်ရွက်ရာတွင် ရာထူးတိုးနေရာ ခြောက်မျိုးအတွက် ရေးဖြေစာမေးပွဲဖြေ ဆိုရမည်ဖြစ်ပြီး စာမေးပွဲအောင် မြင်မှသာ တန်းစီဇယားအတိုင်း ရာထူးတိုးမြှင့်ခန့်ထားမည်ဟု အ ခြေခံပညာဦးစီးဌာနက ဒီဇင်ဘာ ၂၀ ရက်၌ ကြေညာသည်။

အလယ်တန်းကျောင်းအုပ်၊ ဒုတိယမြို့နယ်ပညာရေးမှူး၊ ဦးစီး အရာရှိ (ပညာရှင်)၊ ဦးစီးအရာရှိ (ရုံးဝန်ထမ်း)၊ ဦးစီးအရာရှိ (ကွန် ပျူတာ)၊ လက်ထောက်အင်ဂျင်နီ ယာ စသည့်ရာထူးများသည် ပြန် တမ်းဝင်အရာရှိ ပညာရှင်အဆင့် (၄) ရာထူးများဖြစ်ခြင်းကြောင့် လာမည့် ရာထူးတိုးခန့်ထားမှုက စကာ ရေးဖြေစာမေးပွဲ စစ်ဆေး ခြင်းဖြစ်သည်။

‘‘ကျန်တဲ့ ရာထူးတိုးတွေက တော့ ပုံမှန်အတိုင်း လုပ်သက်နဲ့ တန်းစီဇယားဆွဲတာပေါ့။ ပညာ ရှင်အဆင့် (၄) ရာထူးတွေအတွက် ကတော့ နိုင်ငံ့ဝန်ထမ်းဥပဒေအရ ကို ရေးဖြေစာမေးပွဲဖြေရမယ့် သဘောပေါ့’’ဟု အခြေခံပညာ ဦးစီးဌာန ခေတ္တညွှန်ကြားရေးမှူး ချုပ် ဒေါက်တာအောင်နိုင်စိုးက ပြောကြားသည်။

ပညာရှင်အဆင့်(၄) ရာထူး တိုးမြှင့်ခန့်ထားရာတွင် ရေးဖြေ စာမေးပွဲ၌ သတ်မှတ်ရမှတ်ရရှိ အောင်မြင်မှသာ ရေးဖြေစာမေးပွဲ ရမှတ်နှင့် လုပ်သက်ရမှတ်ပေါင်း ၍ တန်းစီဇယားရေးဆွဲကာ ရာထူး တိုးမြှင့်ခန့်ထားမည်ဖြစ်သည်။

ရာထူးတိုးစာမေးပွဲ ဝင် ရောက်ဖြေဆိုရန် လျှောက်လွှာ များကို မြို့နယ်ပညာရေးမှူးရုံးများ မှ အခမဲ့ရယူကာ ဒီဇင်ဘာ၂၀ ရက်မှ ၂၀၁၈ ဇန်နဝါရီ ၂ ရက်အထိ လျှောက်ထားရမည်ဖြစ်ပြီး ရေးဖြေစာမေးပွဲကို ဇန်နဝါရီ ၂၇ ရက်တွင် စစ်ဆေးမည်ဖြစ်ကြောင်း အခြေခံ ပညာဦးစီးဌာနက ကြေညာထား သည်။

ရေးဖြေစာမေးပွဲတွင် စီမံ၊ ဘဏ္ဍာ၊ ပညာ၊ အိုင်စီတီ၊ အင်္ဂလိပ်စာနှင့်သက်ဆိုင်သည့် အကြောင်း အရာများပါဝင်သော နှစ်နာရီ မေးခွန်း ဖြေဆိုရမည်ဖြစ်သည်။