မည်သူမျှ အနိုင်မရနိုင်သော စစ်ပွဲတစ်ပွဲ

ဆော်ဒီဦးဆောင်သောအဖွဲ့၏ လေကြောင်းတိုက်ခိုက်မှုကြောင့် ပျက်စီးသွားသော အဆောက်အအုံအနီး ဟိုသီသူပုန်များကို တွေ့ရစဉ် Mohammed HUWAIS / AFP

ဒီဇင်ဘာ လဆန်းပိုင်းက သမ္မတဟောင်း အလီအဗ္ဗဒူလာဆာလေးသတ်ဖြတ်ခံရခြင်း ကြောင့် ယီမင်နိုင်ငံ၏ ဝမ်းနည်းစရာဖြစ်နေသည့် အခြေအနေသည် ပို၍ဆိုးရွားခဲ့သည်။ ဆာလေး သည် ရှီးဟိုက်ဦးဆောင်သော ဘာသာရေးနှင့် နိုင်ငံရေးအဖွဲ့ ဟိုသီနှင့်များမကြာမီက ကွဲသွားခဲ့သော မဟာမိတ်ဖွဲ့မှု အပါအဝင် ကျယ်ပြန့်သော ပြည်တွင်းနိုင်ငံရေး ကွန်ရက်တစ်ခုနှင့်အတူ ယီမင်နိုင်ငံ တွင် အရေးပါသော နိုင်ငံရေးဇာတ်ကောင်တစ်ဦးအဖြစ် ဆယ်စုနှစ် သုံးစုကြာရပ်တည်ခဲ့သည်။ ဆာလေး၏ အုပ်ချုပ်မှုကို ဆန့်ကျင် သော ဆန္ဒပြပွဲများအပြီး ၂၀၁၂ နှစ်ဆန်းတွင် ဆာလေးရာထူးမှ ဖြုတ်ချခံရပြီးနောက် ယီမင်နိုင်ငံသည် ပြည်တွင်း မတည်ငြိမ်မှုကြောင့် အခက်ကြုံခဲ့ပြီး ၂၀၁၄ တွင် မြို့တော်ဆာနားကို ဟိုသီတို့သိမ်းပိုက်မှုဖြင့် အဆုံးသတ်ပြီးနောက်ပိုင်း တစ်နိုင်ငံလုံးကို သိမ်းပိုက်ရန် ကြိုး ပမ်းနေသည်။


ယင်းကာလအတွင်း ဆာ လေးသည် တရားဝင်ခေါင်းစဉ်စွဲ ကိုင်ထားခြင်း မရှိသော်လည်း နိုင်ငံရေးသြဇာလွှမ်းမိုးမှု အတိုင်း အတာတစ်ခုအထိ ကိုင်စွဲထားခဲ့ပြီး သုံးနှစ်ကြာ ပြည်တွင်းစစ်အဆုံး သတ်ရေး အထောက်အကူဖြစ်စေ မည့် သဘောတူညီချက်မှုတစ်ရပ် အတွက် အကျိုးဆောင်ပေးရန် ဆော်ဒီနှင့် ဆာလေးစတင်ဆွေးနွေးခဲ့သည်ဟု သတင်းထွက်ခဲ့ သည်။ ဆာလေးသတ်ဖြတ်ခံရခြင်း နှင့်အတူ ယင်းမဟာဗျူဟာသည် ပြိုလဲခဲ့ပြီး ယခုအခါ ယီမင်နိုင်ငံတွင်းရှိ ၎င်း၏မဟာမိတ်ဟောင်း များသည် ၎င်းတို့ကိုယ်တိုင် နိုင်ငံရေးအရ ညီညွတ်အောင် လုပ် ဆောင်မည်လား (သို့မဟုတ်) အလားအလာရှိသော သဘောတူညီမှု ရယူမည့်သူအနေဖြင့် ဆာလေး၏ နေရာကို ဝင်ယူမည့်သူနှင့် ပတ်သက်ပြီး မရှင်းမလင်းဖြစ်နေ သည်။

ဆာလေးသေဆုံးမှုကို တုံ့ပြန် မှုအတွင်း သမ္မတအဗ္ဗဒူ-ရာဘူ မန်ဆောဟာဒီနှင့် ဆာလေး၏ သားများအနက် တစ်ဦးဖြစ်သည့် အာမက်အလီဆာလေးတို့က ယီ မင်နိုင်ငံ လူဦးရေ၏ ၁၀ ရာခိုင်နှုန်း အောက်သာရှိသော ယခုခေါင်း ဆောင်နေသည့် ဟိုသီအဖွဲ့ကို လက်စားချေပြီး နိုင်ငံအတွင်းမှ မောင်းထုတ်မည်ဟု ကြွေးကြော်ထားသည်။ သို့သော် ယင်းကဲ့သို့အ စီအစဉ်တစ်ရပ်အတွက် ၎င်းတို့ ထောက်ခံမှု စုဆောင်းနိုင်စွမ်း သည် သံသယများနေသည်။

ယင်းနိုင်ငံရေးအခြေအနေ သည် အရှုပ်တော်ပုံတစ်ခု ဖြစ် သည်။ ကံမကောင်းသည်မှာ ယင်းအခြေအနေများကြောင့် လူသား ချင်းစာနာထောက်ထားရေး အိပ်မက်ဆိုးသည် တစ်နေ့ထက်တစ်နေ့ မှောင်မိုက်လာနေသည်။

နိုဝင်ဘာက ဆော်ဒီအာရေး ဗီးယား၏ မြို့တော် ရီးယာ့ဒ်အနီး သို့ ဟိုသီတို့က ဒုံးကျည်ဖြင့် တိုက် ခိုက်ရန် ကြိုးပမ်းမှုအပြီးတွင် ဆော်ဒီတို့က ဟိုသီတို့ ထိန်းချုပ်ထား သော ဆိပ်ကမ်းများကို ပိတ်ဆို့ ထားမှု တိုးမြှင့်တင်းကျပ်ခဲ့သည်။ ယင်းအတွက်ကြောင့် အစားအစာ၊လောင်စာနှင့် ဆေးဝါးပြတ်လပ်မှု များ ပိုများခဲ့သည်။ ယီမင်နိုင်ငံ သည် ၎င်းတို့အစားအစာများ၏ ၉၀ ရာခိုင်နှုန်းကို ရေကြောင်းမှ အများဆုံးတင်သွင်းသည်။ ကုလ သမဂ္ဂ၏ နောက်ဆုံးခန့်မှန်းချက် များအရ ယီမင်နိုင်ငံ၏ ၂၇ သန်း သော ပြည်သူများအနက် ၁၇ သန်း ခန့်သည် ယခုအခါအစားအစာ မဖူလုံဖြစ်နေကြောင်း သိရ သည်။ ယီမင်နိုင်ငံသား သန်း ၂၀ ကျော်သည် အရေးပေါ် အကူ အညီလိုအပ်နေသည်။

ထိုအတောအတွင်း ယခုနှစ် နှစ်ဆန်းပိုင်းက နိုင်ငံတကာကြက် ခြေနီအဖွဲ့၏ ခန့်မှန်းချက်များတွင် ယီမင်နိုင်ငံ၌ ၂၀၁၇ နှစ်ကုန်တွင် ကာလဝမ်းရောဂါ ဖြစ်ပွားသူတစ် သန်းခန့်အထိ များလာနိုင်သည် ဟုဆိုသည်။ ယီမင်နိုင်ငံတွင် ကာ လဝမ်းရောဂါတစ်ခုတည်းသာ မ ဟုတ်ဘဲ ဆုံဆို့နာရောဂါနှင့် ငှက် ဖျားရောဂါ ဖြစ်ပွားမှုနှုန်းလည်း မြင့်တက်လာနေသည်။ ပြင်ပမှ ကြီး ကြီးမားမား အကူအညီမရပါက ယင်းနိုင်ငံ၏ ဖရိုဖရဲ ကျန်းမာရေး စောင့်ရှောက်မှု စနစ်က ယခုအ တိုင်းအတာမျိုး ပြဿနာကို နိုင် နင်းအာင် ဖြေရှင်းနိုင်မည်မဟုတ် ဆိုသည်မှာ ရှင်းနေသည်။

လုံခြုံရေး မျက်မှာစာတွင် လည်း ဟိုသီတို့က ရီးယာ့ဒ်မြို့အ နီးရှိ ပစ်မှတ်နှစ်ခုကို ဒုံးကျည်ဖြင့် ပစ်ခတ်ခဲ့ခြင်း၊ ယူအေအီးနိုင်ငံရှိ အရေးကြီးအခြေခံ အဆောက်အ အုံများကို ပစ်မှတ်ထားရန် ခြိမ်း ခြောက်ခြင်းများကြောင့် လုံခြုံရေး အန္တရာယ်သည် အဆင့်သစ်တစ်ခု သို့ မြင့်တက်လာသည်။ ဥရောပ နှင့် အာရှကြား ရေကြောင်း ကုန် သွယ်မှုများစွာ ဖြတ်သန်းရာ ယင်း ကမ်းမြောင်အတွက် ယခုပဋိပက္ခ ကြောင့် မရှောင်လွှဲနိုင်သော အန္တရာယ်ရှိနေသည်ကို လေ့လာ သူများ စိုးရိမ်နေသည်။

စိုးရိမ်စရာသည် ယင်းမျှ သာမဟုတ်ဘဲ အီရတ်နှင့် ဆီးရီးယားနှစ်နိုင်ငံလုံးရှိ အဓိကမြို့များ မှ အိုင်အက်စ်အဖွဲ့ကို တိုက်ထုတ်ခြင်းမှနေ၍ ယီမင်သည် အစွန်း ရောက်များ၏ လှိုင်းအသစ်များ ထွက်ပေါ်လာနိုင်သည့် အနာဂတ်စစ်ဆင်ရေး အခြေစိုက်စခန်းတစ် ခု ဖြစ်လာနိုင်ခြေရှိနေသည်။ ယင်းနိုင်ငံထဲတွင် အိုင်အက်စ်နှင့် အယ်လ်ကိုင်ဒါကွန်ရက်များရှိနှင့် ပြီးဖြစ်ရာ အန္တရာယ်အလွန်ကြီးသော အနေအထားတစ်ရပ်ဖြစ်နေ သည်။

ဟိုသီတို့ကို ပြန်တိုက်ထုတ် ကာ ယီမင်နယ်စပ်ကို လုံခြုံအောင် ဆောင်ရွက်ရန် ကြိုးပမ်းနေသည့် ဆော်ဒီဦးဆောင်သော ညွန့်ပေါင်း အဖွဲ့၏ အစီအစဉ်ကို ကူညီလို သည့် ဆန္ဒကို အမေရိကန်က ဟန် ချက်ညီစေရန် ကြိုးစားနေသည်။

ဒီဇင်ဘာလဆန်းက သမ္မတ ထရန့်သည် အစားအစာ၊ လောင် စာ၊ ရေနှင့်ဆေးဝါးများ အလွန်အ မင် လိုအပ်နေသည့် ယီမင်ပြည်သူ များဆီသို့ ယင်းအကူအညီများ လုံးဝရောက်ရှိနိုင်ရေး ထရန့်၏ အစိုးရက ဆော်ဒီအာရေးဗီးယား ခေါင်းဆောင်ပိုင်းကို တိုက်တွန်းခဲ့ သည်။ ယင်းမှာ အမေရိကန်၏ ထောက်ခံမှု အခြေအနေအချို့ရှိ နေကြောင်း ဆော်ဒီတို့ကို သတိ ပေးခြင်းဖြစ်သည်။

ယီမင်နိုင်ငံသို့ ဝင်လာသော လူသားချင်းစာနာ ထောက်ထား ရေး အကူအညီများအပေါ် ကန့် သတ်ထိန်းချုပ်ထားခြင်းများကို ဖြေလျှော့ပေးရန် ရည်ရွယ် ကြောင်း ဆော်ဒီဘက်က ကြေညာ ထားသော်လည်း ယင်းအစီအစဉ် က စီးပွားရေးနှင့် လူသားချင်း စာ နာထောက်ထားရေးဆိုင်ရာ အကူ အညီများ စီးဝင်မှုအပေါ် မည်သို့ အကျိုးသက်ရောက်စေမည် ဆို သည်ကို သိရှိရန်အချိန်စောလွန်း နေသေးသည်။ မည်သည့်အခြေအနေတွင်မဆို မြေပြင်အခြေအ နေမှာ ယင်းပြဿနာဖြေလျှော့စေရေး အထောက်အကူဖြစ်စေမည့် အခြားနည်းလမ်းများကို အမေရိကန်မူဝါဒရေးဆွဲသူများက အသုံးကျကျ 

စဉ်းစားစေရန်ဖြစ်လာသည်။

ပထမဆုံးအနေဖြင့် အမေရိ ကန်မူဝါဒရေးဆွဲသူများက ယီမင် နိုင်ငံတွင်း၌ ဆော်ဒီက လေ ကြောင်းတိုက်ခိုက်မှုများ ရပ်တန့် ရန် သဘောတူပြီး ဟိုသီတို့က ယီမင်နယ်စပ်ပြင်ပသို့ ဒုံးကျည် တိုက်ခိုက်မှု မှန်သမျှရပ်တန့်ရန် သ ဘောတူသည့် အခြေအနေတစ် ရပ်ကို ဖန်တီးနိုင်ရမည်ဖြစ်သည်။ ယင်းကဲ့သို့သော သဘောတူညီမှု သည် အကူအညီများစွာ လိုအပ် နေသော အလှမ်းဝေးသည့် ဒေသ များသို့ ဆိပ်ကမ်းများမှ လူသား ချင်းစာနာထောက်ထားရေးနှင့် စီး ပွားရေးအကူအညီများ စီးဝင်လာ အောင် ကူညီပေးနိုင်မည့် ခြေလှမ်း တစ်ခုဖြစ်နိုင်ပြီး စစ်မက်ဒဏ်ခံ ယီ မင်နိုင်ငံသားများအတွက် စိတ်ပိုင်းသက်သာရာရမှု အတိုင်းအတာ တစ်ခုအထိ ပေးနိုင်မည်ဖြစ်သည်။

ယင်းကဲ့သို့ သဘောတူညီမှု တစ်ခုရနိုင်လျှင် အထူးသဖြင့် အဓိ က လူနေထိုင်ရာ ဒေသများနှင့် အ ရေးကြီးသော အခြေခံအဆောက် အအုံများရှိရာ ဒေသများ အပါအ ဝင် ပြည်တွင်းအပစ်အခတ် ရပ်စဲ မှုများစွာအတွက် ညှိနှိုင်းရေး တံခါး ပွင့်သွားနိုင်သည်။

ဒုတိယအနေဖြင့် စီးပွားရေး နှင့် ဆေးဘက်ဆိုင်ရာ အကူအညီ များ အရေးတကြီး လိုအပ်နေ သော ယီမင်အတွက် အိုမန်ကိုအ ကူအညီပေးရေး လေယာဉ်များ ဆင်းသက်ရာ နေရာတစ်ခုအဖြစ် စဉ်းစားရန်လည်း ဖြစ်လာနိုင် သည်။

အိုမန်၏ မူစကတ်နှင့် ဆာ လာလာလေိဆပ်တို့သည် ဆာနား နိုင်ငံတကာလေဆိပ်မှ သုံးနာရီကြာလေယာဉ်စီးရုံဖြင့် ရောက်ရှိနိုင်ပြီး ဆော်ဒီနှင့် ဟိုသီကိုယ်စားလှယ်များ ယင်းလေကြောင်းခရီး များကို စုံစမ်းစစ်ဆေးခွင့်လည်း ရလာနိုင်သည်။

ယင်းအခြေအနေကြောင့် ယီ မင်နိုင်ငံတွင်းသို့ တရားမဝင် ကုန် ပစ္စည်းများ (သို့မဟုတ်) လက်နက် များ မှောင်ခိုသွင်းနေသည်ဆို သော ဆော်ဒီတို့၏ စိုးရိမ်မှုများကို ဖြေလျှော့ရန် အထောက်အကူပြု မည်ဖြစ်သည်။

တတိယအနေဖြင့် အမေရိ ကန်အရာရှိများက အဓိကမဟာ မိတ်များနှင့် ပူးပေါင်းကာဒေသ ဆိုင်ရာ ညီလာခံတစ်ရပ်ကျင်းပ ရေး ဆောင်ရွက်နိုင်မည်ဖြစ်ကာ ယင်းပဋိပက္ခကို ဖြေရှင်းရေး နည်း လမ်းများ ဆွေးနွေးနိုင်မည်ဖြစ် သည်။

ဆွေးနွေးရေးအတွက် အဆို ပြုချက်အချို့တွင် စစ်ခင်းနေသူ များ အားလုံးပါဝင်သော ဆွေးနွေး မှုအတွက် အခြေခံချက်အသစ်တစ်ခုကို ဖော်ထုတ်ရေး၊ ယီမင် နိုင်ငံ၏ ဘဏ်စနစ်ကို အသက် သွင်းရေး ချက်ချင်းအရေးယူ ဆောင်ရွက်ရေး၊ ငွေကြေးပြောင်တလင်းခါနေသော စီးပွားရေးစနစ် သို့ ငွေများထည့်သွင်းရေး၊ ဟိုသီတို့၏ ရေရှည်စိုးရိမ်မှုများအတွက်စိတ်ကျေနပ်စေမည့် လမ်းပြမြေပုံ တစ်ရပ် ရေးဆွဲရေးတို့ ထည့်သွင်း အဆိုပြုနိုင်သည်။ သို့သော် အရည်အချင်းပြည့်ဝသော သံတမန်များ အနေဖြင့် ယင်းထက်ပို၍ တင်ပြနိုင်မည်ဖြစ်သည်။ ယင်းသို့ဆောင် ရွက်ရန် အရေးတကြီးလိုအပ်နေ သည်။ ယီမင်စစ်ပွဲသည် ယခုအခါတတိယနှစ်အတွင်းသို့ ဝင်ရောက်လာနေပြီဖြစ်ကာ မည်သည့်အဖွဲ့ မျှ အနိုင်မရသေးသော ပဋိပက္ခ တစ်ခုအဖြစ် ဆက်ရှိနေပြီး အားလုံးကရှုံးမည်ကို ကြောက်ရွံ့နေကြ သည်။ ယင်းကဲ့သို့ ဝရုန်းသုန်းကားဖြစ်နေသော အခြေအနေတွင်အစွန်းရောက်များအတွက် အကျိုးရှိနေပြီး နိုင်ငံနယ်နိမိတ်အ တွင်း၌သာ ပဋိပက္ခဆက်ဖြစ်နိုင် ခြေ နည်းနေသည်။ တစ်နည်း ပြောရလျှင် အဆုံးသတ်ရန် လိုနေ သော စစ်ပွဲဖြစ်သည်။

—Ref:CNN