ကျောက်ကပ်ရောဂါရှိခြင်းကြောင့် ဆီးချိုရောဂါ ဖြစ်ပွားနိုင်သည့်အန္တရာယ် မြင့်မား

ကျောက်ကပ်ရောဂါကြောင့် ဆီးချိုဖြစ်ပွားနိုင်သည့်အန္တရာယ် မြင့် မားကြောင်း လေ့လာမှုအသစ်တစ်ရပ်က ဖော်ပြသည်။

ဆီးချိုရောဂါကြောင့် ကျောက်ကပ်ရောဂါ ဖြစ်နိုင်သည်ဆိုသော ပြောင်းပြန်အခြေအနေကို ဆေးဘက်ကျွမ်းကျင်သူများ သိထားသည်မှာ ကြာပြီဖြစ်သည်။ ယခုလေ့လာမှုအသစ်တွင် သုတေသီများက ကျောက်ကပ်လုပ်ဆောင်ချက် မူမမှန်ခြင်းကြောင့် ဆီးချို ရောဂါ ဖြစ်ပွားမှုဆီသို့ ဦးတည်နိုင်ကြောင်း ပြောသည်။


ယင်းရောဂါနှစ်မျိုးကြား အပြန်အလှန်ဆက်စပ်နေပြီး စွန့်ထုတ်ပစ္စည်းတစ်မျိုးက အရေးပါသော အခန်းကဏ္ဍမှ ပါဝင်လုပ် ဆောင်သည်ဟု သုတေသီများကပြောသည်။

အစားအစာတွင် ပါဝင်သည့် ပရိုတိန်းဓာတ်ကို ခြေဖျက်ရာမှ ထွက်ပေါ်လာသော ယူရီးယားဟုခေါ်သည့် စွန့်ထုတ်ပစ္စည်းကို ကျောက်ကပ်က သွေးထဲမှဖယ်ရှားပေးသည်။ ဆိုးရွားသော ကျောက်ကပ်လုပ်ဆောင်ချက်ကြောင့် ယူရီးယားပမာဏ မြင့်တက်လာနိုင် သည်။

သုတေသီများက လူပေါင်း ၁ ဒသမ ၃ သန်း၏ ဆေးဘက်ဆိုင် ရာ မှတ်တမ်းများကို ငါးနှစ်ကြာ လေ့လာခဲ့ခြင်းဖြစ်ပြီး လေ့လာမှု တွင် ပါဝင်သူများသည် ယခင်က ဆီးချိုရောဂါမရှိသူများဖြစ်သည်။ ၎င်းတို့အနက် ၉ ရာခိုင်နှုန်းသည် ကျောက်ကပ်လုပ်ဆောင်ချက် မ ကောင်းသော လက္ခဏာတစ်ရပ်အဖြစ် သွေးထဲတွင် ယူရီးယားပမာဏမြင့်တက်လာကြောင်း သုတေသီများကပြောသည်။

သွေးထဲတွင် ယူရီးယားပမာဏ မြင့်မားသူများသည် ဆီးချိုရောဂါဖြစ်ပွားနိုင်ခြေ ၂၃ ရာခိုင်နှုန်း မြင့်မားကြောင်း လေ့လာတွေ့ရှိသည်။ ယင်းလေ့လာမှုရလဒ်များကို Kidney International ဂျာနယ်တွင် ဖော်ပြထားသည်။

ယူရီးယားပမာဏမြင့်မားသော လူ ၁၀၀,၀၀၀ တွင် တစ်နှစ် လျှင် ဆီးချိုရောဂါဖြစ်ပွားသူ ၆၆၈ ဦးရှိနိုင်သည်ဟု သုတေသီများ ပြောကြားကြောင်း ဝါရှင်တန်တက္ကသိုလ်ဆေးကျောင်းမှ ဒေါက်တာ ဇီယက်အယ်အလီကပြောသည်။

ဆီးချိုရောဂါသည် ကျောက်ကပ်ရောဂါ ဖြစ်ပွားစေနိုင်သည့် အဓိကအန္တရာယ်ဖြစ်သည်ဆိုခြင်းကို သိထားသည်မှာ ကြာပြီဖြစ် သော်လည်း ကျောက်ကပ်ရောဂါကြောင့် ယူရီးယားပမာဏမြင့်မား လာရာမှနေ၍ ဆီးချိုရောဂါဖြစ်ပွားနိုင်သည်ဟု ယခုအခါ ပိုနားလည်လာကြောင်း ၎င်းက ပြောကြားသည်။ ကျောက်ကပ်လုပ် ဆောင်ချက် ညံ့ဖျင်းမှုကြောင့် သွေးထဲတွင် ယူရီးယားပမာဏ များလာပြီး  အင်ဆူလင်ကို ထိရောက်စွာ အသုံးမချနိုင်ဖြစ်ကာ ဆီးချို ရောဂါ ဖြစ်ပွားခြင်းဖြစ်သည်ဟု သုတေသီများကပြောသည်။

—Ref: UPI