ဦးနှောက်လုပ်ဆောင်ချက် အားကောင်းစေရန် နေ့စဉ်ခြေလှမ်း ၄,၀၀၀ လမ်းလျှောက်ပါ

လော့စ်အန်ဂျလိစ်မြို့ရှိ ကယ်လီဖိုးနီးယားတက္ကသိုလ်မှ သုတေသီများ၏ လေ့လာမှုတစ်ရပ်အရ နေ့စဉ်လမ်းလျှောက်ခြင်းကြောင့် ဦးနှောက်ကျန်းမာရေးကို ထိန်းသိမ်းနိုင်ပြီး ဦးနှောက်လုပ်ဆောင်ချက်ကို အထောက်အကူပြုနိုင်ကြောင်း သိရသည်။

လူသားတို့သည် အသက်အရွယ် အိုမင်းလာသည်နှင့်အမျှ မှတ်ဉာဏ်ဆိုင်ရာပြဿနာများ စတင်ဖြစ်ပေါ်လာသည်။ ယင်း သည် ဇရာ၏ သဘာဝအစိတ်အပိုင်းတစ်ခု ဖြစ်သော်လည်း အချို့ သော အခြေအနေများတွင် မှတ်ဉာဏ်ဆုံးရှုံးခြင်းသို့ ဦးတည်သွား နိုင်သည်။


တစ်နေ့လျှင် ခြေလှမ်း ၄,၀၀၀ (၃ ကီလိုမီတာ)နှင့်အထက် လျှောက်လှမ်းသူများ၊ ကိုယ်လက်လှုပ်ရှားမှု မြင့်မားသူများသည် ဦးနှောက်ထုထည် ပိုကြီးမားပြီး မှတ်ဉာဏ်နှင့် ဦးနှောက်လုပ် ဆောင်ချက် ပိုကောင်းကြောင်း သုတေသီများ လေ့လာတွေ့ရှိခဲ့ သည်။

ကိုယ်လက်လှုပ်ရှားမှု မရှိခြင်းကြောင့် ကျန်းမာရေးဆိုးကျိုးများစွာခံစားရနိုင်သည်။ လမ်းလျှောက်ခြင်းသည် အလွယ်ကူဆုံး၊ အရိုးရှင်းဆုံး လေ့ကျင့်ခန်းပုံစံဖြစ်ပြီး အသက်အရွယ်ကြီးရင့်လာချိန်တွင် မှတ်ဉာဏ်ထိခိုက်မှုကဲ့သို့ ဦးနှောက်ကျန်းမာရေးဆိုးကျိုးများကို ကာကွယ်ရန် လမ်းပုံမှန်လျှောက်သင့်ကြောင်း သုတေသီများကပြောသည်။

သုတေသီများ၏ လေ့လာမှုအတွင်း ကိုယ်လက်လှုပ်ရှားမှုနည်းပါးသူများ (တစ်နေ့လျှင် ခြေလှမ်း ၄,၀၀၀ အောက်သာ လမ်းလျှောက်သူများ)သည် ကိုယ်လက်လှုပ်ရှားမှု များသူများထက် ဦးနှောက်ပိုင်းအားနည်းကြောင်း တွေ့ရှိသည်။

လမ်းပုံမှန်လျှောက်ခြင်းကြောင့် အသက်အရွယ်ရလာချိန်တွင် အာရုံစူးစိုက်မှု အားကောင်းပြီး သတင်းအချက်အလက် မှတ်သားနိုင်မှု ထိရောက်ကာ အခြားသော စဉ်းစားတွေးတောမှုဆိုင်ရာ စွမ်းရည်များ အားကောင်းစေကြောင်း သုတေသီများကပြောသည်။

နောက်လေ့လာမှုတစ်ခုတွင် ဦးနှောက်ကျန်းမာရေးအတွက် ငါးပုံမှန်စားသုံးပေးသင့်ပြီး ဟင်းသီးဟင်းရွက်များ ပါဝင်သော ကျန်းမာရေးနှင့်ညီသည့် အစားအစာများ စားပေးသင့်ကြောင်း ဖော်ပြ ထားသည်။                                                 

—Ref: MNT