အနည်းဆုံးအခကြေးငွေတစ်ရက် ကျပ် ၄,၈၀၀ ပြင်ဆင်သတ်မှတ်

အနည်းဆုံးအခကြေးငွေသတ်မှတ်ရေးဆိုင်ရာ အမျိုးသား ကော်မတီက အလုပ်သမားတစ်ဦး တစ်ရက်အနည်းဆုံးလုပ်ခကို ကျပ် ၄,၈၀၀ နှုန်း ရွေးချယ်သတ်မှတ်ခဲ့သည်။

နေပြည်တော်ရှိ အလုပ်သမား၊ လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာနရုံး၌ ဒီဇင်ဘာ ၂၉ ရက်ကကျင်းပသည့် အနည်းဆုံး အခကြေးငွေသတ်မှတ်ရေးဆိုင်ရာ အမျိုးသားကော်မတီအစည်းအဝေး တွင် အဆိုပါနှုန်းထားကို ရွေးချယ်ဆုံးဖြတ်ခဲ့သည်။

အနည်းဆုံးအခကြေးငွေကို ရွေးချယ်ဆုံးဖြတ်သည့်အပြင် ယခင်က အနည်းဆုံးအခကြေးငွေကို အလုပ်သမား ၁၅ ဦးအထက်လုပ်ငန်းများ အကျုံးဝင်သည်ဆိုသည့်အစား အလုပ်သမား ၁၀ ဦးအထက်လုပ်ငန်းများ အကျုံးဝင်ကြောင်း ပြောင်းလဲသတ်မှတ်ခဲ့သည်။

‘‘တိုင်းနဲ့ပြည်နယ်မခွဲခြားဘဲ နဲ့ တစ်ပြည်လုံး၊ တစ်နိုင်ငံလုံး တစ်ပြေးညီသတ်မှတ်တာဖြစ်ပါ တယ်။ အရင်က ၃,၆၀၀ ဆိုတဲ့ အခါကျတော့ ၄,၈၀၀ ဆိုတော့ ၁,၂၀၀ လောက်တိုးသွားတဲ့အနေ အထားဖြစ်ပါတယ်။ ဒီလိုသတ် မှတ်ခြင်းအားဖြင့် အလုပ်သမား တွေလည်း လက်ခံနိုင်မယ့်အနေ အထားဖြစ်မယ်လို့ ယုံကြည်ပါ တယ်’’ ဟု အလုပ်သမား၊ လူဝင် မှုကြီးကြပ်ရေးနှင့် ပြည်သူ့အင် အားဝန်ကြီးဌာန ပြည်ထောင်စု ၀န်ကြီးဦးသိန်းဆွေက အစည်းအ ဝေးအပြီးတွင် သတင်းထောက် များအား ပြောသည်။

ထိုသို့မဆုံးဖြတ်မီ အလုပ် ရှင်များက တစ်ရက်လုပ်ခကို ကျပ် ၄,၀၀၀ ခန့်သာပေးနိုင်မည် ဖြစ်ပြီး အလုပ်သမားများက ကျပ် ၅,၆၀၀ နှင့်အလုပ်သမားအဖွဲ့အ စည်းအချို့က ကျပ် ၆,၆၀၀ ပေး ရန်တောင်းဆိုခဲ့သည်။ ယခုရွေး ချယ်သောနှုန်းထားသည် အလုပ်ရှင်များအဆိုပြုနှုန်းထက် ကျပ် ၈၀၀ ပိုပြီး အလုပ်သမားများတောင်းဆိုထားသည့် အဆိုပြု နှုန်းထက် ကျပ် ၈၀၀ လျော့နည်း ကာ ကြားနှုန်းဖြစ်သည်။

ယင်းနှုန်းထားကို အစည်းအ ဝေးတွင် အလုပ်ရှင်ကိုယ်စား လှယ်များဘက်က လက်မခံနိုင် ကြောင်း ကန့်ကွက်ခဲ့သည်။

‘‘သတ်မှတ်လိုက်တာ လုပ် ငန်းရှင်ဘက်က ကန့်ကွက်ခဲ့ပါ တယ်။ တရားဝင်လည်း ကန့် ကွက်ခဲ့ပါတယ်။ ကျွန်မတို့မတတ် နိုင်တဲ့ဈေးပါ’’ ဟု အနည်းဆုံးအခ ကြေးငွေသတ်မှတ်ရေးဆိုင်ရာ အ မျိုးသားကော်မတီအဖွဲ့ဝင်၊ အ လုပ်ရှင်ကိုယ်စားလှယ်ဒေါ်ခိုင်ခိုင် နွယ်က ပြောသည်။

အလုပ်ရှင်များဘက်က မြန် မာနိုင်ငံသည် အခြားနိုင်ငံများ ထက် ရုံးပိတ်ရက်များခြင်း၊ အခွန် အခကြီးမြင့်ခြင်း၊ လျှပ်စစ်မီးလုံ လောက်စွာမရရှိခြင်းနှင့် သယ်ယူ ပို့ဆောင်စရိတ်ကြီးမြင့်ခြင်း စ သည့်အချက်များ ထောက်ပြခဲ့သည်။ ယခုရွေးချယ်သည့် နှုန်းထားကို လက်မခံနိုင်သဖြင့်ဥပဒေ သတ်မှတ်ချက်အတိုင်း တရားဝင် ကန့်ကွက်နိုင်ရန် အလုပ်ရှင်များ နှင့် ပြန်လည်တိုင်ပင်မည်ဟု ဒေါ် ခိုင်ခိုင်နွယ်က ပြောသည်။

အနည်းဆုံးအခကြေးငွေ သတ်မှတ်ရေးဆိုင်ရာအမျိုးသား ကော်မတီအဖွဲ့ဝင်၊ အလုပ်သမား ကိုယ်စားလှယ်ဦးနော်အောင်က မူ ရွေးချယ်သောအနည်းဆုံးအခ ကြေးငွေနှုန်းထားသည် လက်ခံ နိုင်သည့်အခြေအနေမရှိသော် လည်း အလုပ်သမားများအတွက် အဆင်ပြေနိုင်ခြင်းရှိ၊ မရှိအချိန် တစ်ခုအထိ စောင့်ကြည့်မည်ဟုဆိုသည်။

‘‘အလုပ်သမားတွေက ၅,၆၀၀ တောင်းကြတာလေ။ ဒါ ပေမဲ့ ၄,၈၀၀ သတ်မှတ်လိုက်တာ ပေါ့။ ကျွန်တော်ထင်တယ်။ အ လုပ်သမားတွေကျေနပ်မှာမဟုတ် ဘူးလို့’’ ဟု ၎င်းကပြောသည်။

အလုပ်သမားအရေးဆောင် ရွက်နေသည့် အဖွဲ့အစည်းအချို့ ကလည်း လက်ရှိသတ်မှတ်သည့် အနည်းဆုံး အခကြေးငွေနှုန်း ထားသည် အလုပ်သမားများ တောင်းဆိုသည့်နှုန်းထားမဟုတ် သဖြင့် လက်မခံနိုင်ကြောင်းဆို သည်။

‘‘ကျွန်မတို့အလုပ်သမား တွေက ၅,၆၀၀ ကျပ်ကို ဘာ ကြောင့်တောင်းဆိုနေကြတာလဲ ဆိုတာကိုလည်း အချက်အလက် နဲ့ရှင်းပြထားပြီးပြီ။ တောင်းဆို ချက်အတိုင်း မရရှိတဲ့အတွက် ရက်ပေါင်း ၆၀ အတွင်းမှာ ဘယ် လိုကန့်ကွက်မှုလုပ်မယ်ဆိုတာကို အလုပ်သမားအဖွဲ့အစည်းတွေ စုစည်းတိုင်ပင်ပြီး ဆုံးဖြတ်သွားဖို့ ရှိတယ်’’ ဟု အလုပ်သမားအရေး ကူညီဆောင်ရွက်နေသည့် အနာ ဂတ်အလင်းတန်းများဆုံမှတ်အ ဖွဲ့မှ ဒါရိုက်တာဒေါ်သက်သက် အောင်ကပြောသည်။

ကုန်ဈေးနှုန်းကြီးမြင့်မှုကို မထိန်းချုပ်နိုင်ပါက အနည်းဆုံး လုပ်ခ ပြင်ဆင်သတ်မှတ်ခြင်း သည် အလုပ်ရှင်၊ အလုပ်သမား အကြား ပဋိပက္ခဖြစ်ပေါ်စေသည် ကလွဲ၍ အကျိုးမရှိနိုင်ကြောင်း အလုပ်သမားသမဂ္ဂပူးပေါင်း ဆောင်ရွက်ရေးကော်မတီ တွဲ ဖက်အတွင်းရေးမှူးဦးထွန်းထွန်း နိုင်က ပြောသည်။

ထိုသို့အနည်းဆုံးအခကြေး ငွေတိုးမြှင့်ပြင်ဆင်ခြင်းကြောင့် လက်ခစားလုပ်ငန်း (CMP)များ အပေါ်တွင် အများဆုံးရိုက်ခတ် နိုင်ကြောင်း အထည်ချုပ်လုပ်ငန်း ရှင်ဦးအေးသောင်းက မှတ်ချက် ပြုသည်။အနည်းဆုံးအခကြေးငွေ သတ်မှတ်ရေးဆိုင်ရာ အမျိုးသား ကော်မတီက ယခုရွေးချယ်သတ် မှတ်ခဲ့သော အနည်းဆုံးအခကြေး ငွေကို ပြည်ထောင်စုအစိုးရအဖွဲ့ ထံ အတည်ပြုချက်ရရှိရန်တင်ပြ မည်ဖြစ်သည်။

ပြည်ထောင်စုအစိုးရအဖွဲ့ ထံမှ အတည်ပြုချက်ရရှိရန်အ ချိန်နှစ်ပတ်ခန့် စောင့်ဆိုင်းရဖွယ် ရှိပြီး အတည်ပြုချက်ရပြီးပါက ကန့်ကွက်မှုရှိ၊ မရှိရက်ပေါင်း ၆၀ ကြာစောင့်ကြည့်ရမည်ဟု ဦးသိန်း ဆွေက ဆိုသည်။

ထို့ကြောင့် ယခုသတ်မှတ် ခဲ့သောအနည်းဆုံးအခကြေးငွေ သည် ကန့်ကွက်သူမရှိပါက မတ်လခန့်တွင် စတင်အသက်ဝင်မည် ဖြစ်ပြီး ကန့်ကွက်သူရှိပါကပြန် လည်သုံးသပ်ဆွေးနွေးရမည်ဖြစ် သည်။

More in News Section

Top News