ဆေးလိပ်သောက်သူချင်းအတူတူ အမျိုးသမီးများက အမျိုးသားများထက် ကျန်းမာရေး ပိုမိုထိခိုက်နိုင်

ဆေးလိပ်သောက်သူတိုင်း ကျန်းမာရေးဆိုးကျိုးများ ကြုံတွေ့ ရနိုင်သော်လည်း အမျိုးသမီးများသည် အမျိုးသားများထက်ပို၍ ကျန်းမာရေးဆိုးကျိုးကြုံနိုင်ကြောင်း လေ့လာမှုတစ်ရပ်က ဖော်ပြ သည်။

ဆေးလိပ်သောက်သူတိုင်း ဆေးလိပ်ဖြတ်ရန် လိုအပ်သော် လည်း အမျိုးသမီးများအနေဖြင့် ဆေးလိပ်ဖြတ်ရန် ပိုအရေးကြီး သည်။ သို့သော် ယင်းအချက်ကို အမျိုးသမီးအများစုမသိဘဲ ယနေ့ ခေတ်တွင် ဆေးလိပ်သောက်သော အမျိုးသမီးဦးရေ ပိုများလာပြီး နောက်ထပ် ဆေးလိပ်သောက်သော အမျိုးသမီးဦးရေ ပိုများလာ ဖွယ်ရှိသည်။


အမျိုးသမီးများအနေဖြင့် ဆေးလိပ်သောက်ခြင်းကြောင့် အမျိုးသားများထက် ပို၍အန္တရာယ်ရှိကြောင်း သိထားရန်လိုသည်။

အမျိုးသမီးများ ဆေးလိပ်သောက်ပါက ဆေးလိပ်သောက်သော အမျိုးသားများထက် အဆုတ်ကင်ဆာဖြစ်ပွားနိုင်ခြေ နှစ်ဆပိုမြင့်မားကြောင်း နယူးယောက်အခြေစိုက် လေ့လာမှုတစ်ရပ်က ဖော်ပြသည်။ ယင်းမှာ စီးကရက်တွင် ပါဝင်သော ကင်ဆာဖြစ်စေနိုင်သည့် ဓာတ်ပစ္စည်းများကို တုံ့ပြန်ရာတွင် အမျိုးသားများနှင့် အမျိုးသမီးတို့၏ ခန္ဓာကိုယ်အခြေအနေ ခြားနားခြင်းကြောင့်ဖြစ် သည်။ အမျိုးသားများတွင် ယင်းဓာတ်ပစ္စည်းအချို့သည် ဆီးနှင့်အတူ ပါသွားနိုင်သော်လည်း အမျိုးသမီးများတွင် ကင်ဆာဖြစ်စေသော ပစ္စည်းများအဖြစ် ကျန်နေရစ်သည်။

Lancet ဂျာနယ်၌ ဖော်ပြထားသည့် လေ့လာမှုတစ်ရပ်အရ အမျိုးသားများနှင့် တန်းတူဆေးလိပ်သောက်သော အမျိုးသမီးများ သည် အမျိုးသားများထက်ပို၍ နှလုံးသွေးကြောဆိုင်ရာရောဂါ ဖြစ် ပွားနိုင်ခြေ ၂၅ ရာခိုင်နှုန်း ပိုမြင့်မားသည်။ ထို့အပြင် အမျိုးသမီးများ ဆေးလိပ်သောက်သော နှစ်အလိုက် အန္တရာယ်ပို၍ မြင့်တက် လာနိုင်သည်။

နောက်ထပ် ဥရောပအခြေစိုက် လေ့လာမှုတစ်ရပ်တွင် အမျိုး သားများနှင့် အမျိုးသမီးများသည် တူညီသော ဆေးရွက်ကြီးပမာဏ နှင့် ထိတွေ့ချိန်၌ အမျိုးသမီးများ၏ နှလုံးသွေးကြောနံရိုးထူထဲမှုသည် အမျိုးသားများထက် ငါးဆ ပိုထိခိုက်ကြောင်း ဖော်ပြထားသည်။

အမျိုးသမီးများ ဆေးလိပ်သောက်ခြင်းကြောင့် မျိုးမအောင် နိုင်ဖြစ်ပြီး ကိုယ်ဝန်ရရန် ခက်ခဲနိုင်သည်။ ကိုယ်ဝန်ဆောင်ချိန် ဆေး လိပ်သောက်ပါက လမစေ့ဘဲ မွေးနိုင်သည့်အန္တရာယ် မြင့်မားပြီး အ သေမွေးခြင်း၊ မွေးကင်းစကလေး သေဆုံးနိုင်ခြင်း စသောအန္တရာယ် များရှိသည်။ ဆေးလိပ်သောက်ခြင်းကြောင့် မိခင်နို့ရည်ပမာဏ လျော့နည်းနိုင်သည်။ အမျိုးသားများလည်း ဆေးလိပ်သောက်ခြင်းကြောင့် မျိုးအောင်နိုင်မှု ထိခိုက်နိုင်သည်။ သို့သော် အမျိုးသမီးများသည် ကလေးမွေးဖွားရမည်ဖြစ်သဖြင့် အန္တရာယ်ပိုများသည်။                                                  

—Ref: TOI

Top News