ရွှေတိဂုံစေတီသံဃာအပါး ၁၈,၀၀၀ ဆွမ်းဆန်စိမ်းလောင်းလှူပွဲ အလှူငွေ ကျပ်သိန်းသုံးသောင်းကျော်ရရှိထား

သံဃာတော်များအား လှူဒါန်းနေသူများ (ဓာတ်ပုံ − စိုင်းဇော်)

ဇန်န၀ါရီ ၁ ရက်တွင် ကျင်းပခဲ့သည့် ရွှေတိဂုံစေတီ တော် အနေကဇာတင်မဟာ မင်္ဂလာနှင့် သံဃာအပါး ၁၈,၀၀၀ အား ဆွမ်းဆန်စိမ်းလောင်းလှူပွဲ အတွက် အလှူငွေကျပ်သိန်းသုံး သောင်းကျော်ရရှိထားကြောင်း ရန်ကုန်တိုင်းအစိုးရအဖွဲ့တာဝန် ရှိသူတစ်ဦးက ပြောသည်။


‘‘အဲဒါ ဒီနေ့သိရသလောက် ပါ။ အတိအကျကတော့ ရုံးဖွင့် ရက် ဘဏ်တွေဖွင့်တော့မှ ထပ် သိရပါမယ်’’ ဟု ရန်ကုန်တိုင်းဒေ သကြီးအစိုးရအဖွဲ့ရုံး ဒုညွှန်ကြား ရေးမှူးဒေါ်ခင်လှမြင့်က ယမန်နေ့ က ပြောသည်။

ယင်းငွေကြေးများကို အခမ်း အနားဖြစ်မြောက်ရေး စီစဉ်ရာ တွင် အသုံးပြုပြီးယင်းမှပိုလျှံသော ငွေများကို ရွှေတိဂုံစေတီတွင် အ သုံးပြုရန် သံဃနာယကအဖွဲ့က စီစဉ်မည်ဖြစ်ကြောင်း ၎င်းကဆို သည်။

ဇန်န၀ါရီ ၁ ရက်တွင်ကျင်းပ ခဲ့သည့် ယင်းမင်္ဂလာအခမ်းအနား သည် ရွှေတိဂုံစေတီတော်သမိုင်း တွင် ပထမဆုံး သံဃာအပါး ၁၈,၀၀၀ ဖြင့် အနေကဇာတင်ခြင်း ဖြစ်သည်။

ရွှေတိဂုံစေတီတော်ကို ဂေါပကအဖွဲ့က နှစ်စဉ်တပေါင်း လပြည့်နေ့တိုင်း အနေကဇာတင် လေ့ရှိသော်လည်း ယခုနှစ်တွင် သံဃာအပါး ၁၈,၀၀၀ အား ဆွမ်း ဆန်စိမ်းလောင်းလှူပွဲကိုပါ အစိုး ရကကျင်းပခြင်းဖြစ်သည်။

အနေကဇာတင်ပွဲတွင် နိုင်ငံ တော်ဩ၀ါဒါစရိယဆရာတော် များ၊ နိုင်ငံတော်သံဃမဟာနာယ ကဆရာတော်များ၊ တိုင်းနှင့်ပြည် နယ်အသီးသီး၏ ကိုယ်စားပြု ဆရာတော်ကြီးများနှင့် ပြည်မှ ဆရာတော်ကြီးများကြွခဲ့သည်။

မင်္ဂလာ အခမ်းအနားအ တွက် လှူဒါန်းနိုင်ရန်ရွှေတိဂုံဘု ရား၊ သာသနာရေးဦးစီးဌာန၊စည်ပင်သာယာနှင့်တိုင်းအစိုးရအဖွဲ့ ရုံးတို့တွင် အလှူခံဌာနများ ဖွင့် လှစ်ခဲ့ပြီး နိုဝင်ဘာနောက်ဆုံးပတ် မှ ဒီဇင်ဘာ ၃၁ ရက်ညနေ ၄ နာရီ အထိ လှူဒါန်းနိုင်ကြောင်း ကြေ ညာခဲ့သည်။

သံဃာတော်အပါး ၁၈,၀၀၀ ဖြင့် ရွှေတိဂုံစေတီရင်ပြင်တွင် ရွတ်ဖတ်ပူဇော်ကာ အနေကဇာ တင်မည်ဖြစ်၍ ဒီဇင်ဘာ ၃၁ ရက် ညနေမှ ဇန်န၀ါရီ ၁ ရက်မွန်းတည့် ၁၂ နာရီအထိ ဘုရားတံခါးများ ကို နာရီ ၂၀ ကြာပိတ်ထားသည်။