ရန်ကုန်တိုင်းရှိ တရားရုံးနှင့် ရဲစခန်းများကို လွှတ်တော်ကော်မတီ ကွင်းဆင်းလေ့လာမည်

 ရန်ကုန်တိုင်းအတွင်းရှိ ခရိုင်အလိုက် တရားရုံးနှင့် ရဲစခန်း များကို ရန်ကုန်တိုင်း လွှတ်တော် ကော်မတီက ကွင်းဆင်းလေ့လာ မည်ဖြစ်ကြောင်း ယင်းကော်မတီ အဖွဲ့ဝင် ဦးကျော်ကျော်ထွန်းက ပြောသည်။

လာမည့် ၂၀၁၈ ဖေဖော်ဝါရီ ဒုတိယပတ်တွင် တရားရုံး၊ ဥပဒေ ရုံးနှင့်ရဲစခန်းများကို ရန်ကုန်တိုင်း တရားစီရင်ရေး၊ ဥပဒေစိုးမိုးရေး နှင့် တိုင်ကြားစာများ၊ အသနားခံ စာများ စိစစ်ရေးကော်မတီက ပြောသည်။

၂၀၁၇ အတွင်း အရှေ့ပိုင်း၊ အနောက်ပိုင်း၊ တောင်ပိုင်းနှင့် မြောက်ပိုင်းခရိုင်အလိုက် တရားရုံး၊ ရဲစခန်းတို့တွင် စစ်ဆေးနေ သည့် အမှုအခြေအနေ၊ လူသတ်မှု၊ မုဒိမ်းမှုအပါအ၀င် အမှုကြီး ၁၀ မှုဖြစ်ပွားနှုန်းအခြေအနေ များ ဖြစ်ပွားမှုနှုန်းများကို လေ့လာကာ မှုခင်းကျဆင်းရေး မည်သို့ဆောင်ရွက်ရမည်ကို နည်းလမ်းရှာဖွေမည်ဖြစ်ကြောင်း ၎င်းကဆို သည်။

‘‘တရားဥပဒေစိုးမိုးရေးကျ တော့ ရဲစခန်းနဲ့ ဆိုင်တယ်။ တရားဥပဒေစိုးမိုးအောင် ဘာတွေ ဆောင်ရွက်သင့်လဲ။ ရဲဝန်ဆောင် မှုက ပြည်သူကိုဝန်ဆောင်မှုပေး တဲ့ လုပ်ငန်းဖြစ်တဲ့အတွက် ဘယ် လောက်အောင်မြင်အောင် ဆောင်ရွက်နေပြီလဲ။ ရဲဝန်ဆောင် မှုအပေါ် ပြည်သူကဘယ်လောက် ယုံကြည်နေလဲဆိုတာ လေ့လာ မယ်’’ဟု ၎င်းကပြောသည်။

ထို့ပြင် မရမ်းကုန်း၊ ကြည့် မြင်တိုင်၊ လှိုင်နှင့်အင်းစိန်မြို့နယ် တို့ရှိ တရားရုံးများတွင် တရားခွင် ကျဉ်းမြောင်းခြင်း၊ အမှုသည်၊ ရှေ့နေများ နားနေရန် နေရာထိုင်ခင်းကောင်းမွန်စွာ မရှိခြင်းနှင့် တရားရုံးအချုပ်ခန်းများ သန့်ရှင်းမှု မရှိခြင်းစသည့် အခက်အခဲများရှိနေ ကြောင်း ၎င်းကပြောသည်။  

အဆိုပါ ကော်မတီသို့ လယ် ယာမြေအငြင်းပွားမှု၊ အသရေ ဖျက်မှု ပုဒ်မ ၅၀၀၊ ပိုင်နက်ကျူး လွန်မှု ပုဒ်မ ၄၄၇၊ စည်ပင်သာ ယာရေးဌာနအပါအ၀င် ဌာနဆိုင် ရာများနှင့်ပတ်သက်သည့် တိုင် ကြားမှုများ ရှိသည်။

‘‘လွတ်လွတ်လပ်လပ် လေ့ လာခွင့်ရမယ်။ လုပ်ပိုင်ခွင့်ရမယ် ဆိုရင် ဒါကောင်းမွန်တဲ့အချက် ပါ။ ကျွန်တော်တို့နိုင်ငံက တရားစီ ရင်ရေးတော်တော်ကို ပျက်စီးယို ယွင်းနေတဲ့ အနေအထားလေ။ လွှတ်တော်ရေးရာ ကော်မတီအ နေနဲ့ လေ့လာပြီး တွေ့ရှိချက်တွေ ကို သက်ဆိုင်ရာကိုတင်ပြပြီး အရေးယူသင့်တာကို အရေးယူ၊ ပြုပြင်ဆောင်ရွက်သင့်တာကို လုပ်မယ်ဆိုရင် ပိုကောင်းလာမှာ ပါ’’ဟု နိုင်ငံရေးအကျဉ်းသားများ ကူညီစောင့်ရှောက်ရေးအသင်း (AAPP) မှ ဦးအောင်မျိုးကျော်က သုံးသပ်ပြောကြားသည်။