လူသာလာပါ အမှိုက်နှင့် ပြဿနာခေါ်မလာပါနှင့်

ခရစ္စမတ်ရုံးပိတ်ရက်တွင် လာရောက်လည်ပတ်သူများ စွန့်ပစ်သွားသော မောင်းမကန် ကမ်းခြေမှ အမှိုက်များ (ဓာတ်ပုံ − Sam the man)

ချင်းပြည်နယ်၏ အမှတ်သညာတောင်ဇလပ်ပန်းနီနီများမြေ ပြင်ပေါ်ပြားချပ်ပြီး ဖျက်ဆီးခံထားရသည့် အကျည်းတန်ဓာတ်ပုံများက နတ်မတောင်၏အလှနှင့် မလိုက်ဖက်စွာလူမှုကွန်ရက်တွင် ထွက်ပေါ်လာသည်။

သည်တင်မက နတ်မတောင် (ခေါနူးစုမ်)အမျိုးသားဥယျာဉ်ထဲ တွင် အမဲမလိုက်ရန်၊ ငှက်မပစ် ရန်၊  အမှိုက်မပစ်ရန်၊ သဘာဝအ ပင်များမစုဆောင်းရန်၊ ညအိပ် စခန်းမချရန်၊ မီးမမွှေးရန်နှင့် သစ် ပင်များ မခုတ်လှဲရန်စသည့်တား မြစ်ချက်ဆိုင်းဘုတ်များရှိနေသည့် ကြားမှ ရွာတစ်ရွာက ခရစ္စမတ် သစ်ပင်လုပ်ရန် တောင်ဇလပ်ပင် ကို အပင်လိုက်ခုတ်၍ကားဖြင့် သယ်သွားသောမြင်ကွင်းက မြင် ရသူတိုင်းကို နှမြောတသယူကျုံး မရစိတ်နှင့် ဒေါသစိတ်ကိုဖြစ်စေ သည်။

ရုံးပိတ်ရက်နှင့် ခရစ္စမတ် အားလပ်ရက်တွင် လူအများအ ပြားလာရောက်လည်ပတ်ပြီးသည့် နောက် သဘာဝအလှအပနီစွေး စွေးတောင်ဇလပ်ပန်းများ ဇာတ် သိမ်းမလှဖြစ်ခဲ့ရသည်။

မြန်မာနိုင်ငံ အနောက် မြောက်ပိုင်းသာမက ခရစ္စမတ်ရုံး ပိတ်ရက်မှာပင် မြန်မာနိုင်ငံ အောက်ပိုင်းရှိ သာယာလှပသည့် ထားဝယ်မောင်းမကန်ကမ်းခြေ သည်လည်း အားလပ်ရက်တွင် လူ အများအပြားလည်ပတ်ပြီးနောက် ကမ်းခြေတစ်လျှောက် အမှိုက် ပဒေသာနှင့် မြင်ကွင်းကလူမှုကွန် ရက်တွင် ပြောစမှတ်တစ်ခုအဖြစ် ပေါ်ထွက်လာခဲ့သည်။

သမားရိုးကျခရီးစဉ်များကို သွားလာရငြီးငွေ့လာသော ခရီး သွားများက နေရာသစ်များကိုရှာ ဖွေသွားလာကြသည့်ဓလေ့သည် မြန်မာနိုင်ငံတွင် တဖြည်းဖြည်း ထွန်းကားလာနေပြီး သဘာဝအ တိုင်း အလှမပျက်မယွင်းရှိနေ သောနေရာများသို့ ရောက်သွား ပြီးနောက် လူမှုကွန်ရက်တွင်မျှဝေ ကာ လူသိများလာခြင်းကသဘာဝ အလှများ ပျက်ယွင်းမှုအစဖြစ်လာသည်။

တောင်ဇလပ်ပန်းများဖြင့် လှ ပနေသော အမြင့်ပေတစ်သောင်း ကျော်ရှိသည့်နတ်မတောင်ဒေသ သည် ယခင်ကလမ်းပန်းဆက် သွယ်ရေးခက်ခဲသဖြင့် ဒေသခံများ နှင့် ခရီးသွားဧည့်သည်အနည်းငယ် သာသွားရောက်ရာမှ ပြီးခဲ့သည့် နှစ်ပိုင်းများက တောင်ပေါ်အထိ ကားလမ်းဖောက်ပြီးနောက် ပြည်တွင်းခရီးသွားများ မျက်စိကျလာခဲ့သည်။

နတ်မတောင်သို့ လာရောက် လည်ပတ်သူများလာသကဲ့သို့ ၎င်းတို့အသုံးပြုပြီး စွန့်ပစ်ခဲ့သည့် စွန့်ပစ်အမှိုက်သရိုက်များလာသ ဖြင့် ဒေသခံများ၊ အဖွဲ့အစည်းများ က အမြဲတစေအမှိုက်ကောက်၊ သန့်ရှင်းနေရသည်။

ထို့အတူ ခရီးသွားလည်ပတ် မှုများလာသည့် ကလော၊ ပင်းတ ယရှိ ပန်းခင်းများကြားတွင် ၀င် ရောက်ကာ အလှဓာတ်ပုံများ ရိုက် ကူးသူများကြောင့် ဒေသခံတို့၏ ပန်းခင်း၊နှမ်းခင်းများပျက်စီးရ ခြင်း၊ ကြာပန်းများဖြင့်ဝေဆာလှပ သည့် စွန်ရဲအင်းတွင်လည်း ကြာ စွယ်၊ ကြာပန်းများ ချိုးယူခြင်းကြောင့် အင်းအလှပျက်စီးရသည့် သတင်းများကလည်း နေရာတစ်ခု လူသိများလာသည်နှင့် အမျှ နောက်ဆက်တွဲပါလာသည့် ပတ် ၀န်းကျင်နှင့် သဘာဝအလှထိခိုက် ပျက်စီးသည့်သတင်းများပင် ဖြစ် သည်။

ခရီးသွားများပြားလာ၍ ဒေ သခံများ စီးပွားရေးအခွင့်အလမ်း များတိုးတက်လာသော်လည်း လူ ရောက်လျှင် အမှိုက်ရောက်သည်၊ သဘာဝပတ်ဝန်းကျင်ပျက်သည် ဆိုသကဲ့သို့ သဘာဝကိုထိခိုက်စေ သည့်ပြဿနာများက အာရုံစိုက် စရာကိစ္စတစ်ခုဖြစ်လာနေသည်။

စည်းကမ်းမဲ့အမှိုက်မစွန့်ပစ် ရန်၊ သဘာဝအလှများကို ဖျက် ဆီးခြင်းမပြုရန် သက်ဆိုင်ရာအဖွဲ့ အစည်းများက အသိပေးဆိုင်း ဘုတ်များ စိုက်ထူထားသကဲ့သို့ ပတ်ဝန်းကျင် ထိန်းသိမ်းရေး ဆောင်ရွက်သူများ၊ အရပ်ဘက် အဖွဲ့အစည်းများက ပညာပေးဟောပြောမှုများ၊ အသိပညာပေး လှုပ်ရှားမှုများ ဆောင်ရွက်နေသော်လည်း စည်းကမ်းမဲ့အမှိုက် စွန့်ပစ်ဆဲ၊ သဘာဝအလှပျက်စီး စေသည့်လုပ်ရပ်များက ရှိနေဆဲ ပင်ဖြစ်သည်။

‘‘ခရီးသွားကုမ္ပဏီတွေက လူ အများနဲ့သွားတဲ့အခါ သေချာလေး ပြောပြဖို့လိုတယ်။ အပင်ခူးတာ၊ အမှိုက်ပစ်တာမျိုး၊ စည်းမဲ့ကမ်းမဲ့ မလုပ်ဖို့၊ ကိုယ့်ဓာတ်ပုံရိုက်တာ လေးတစ်ခုအတွက်နဲ့ သူများမထိ ခိုက်စေဖို့ပေါ့။ ခရီးသွားတွေ တိုး တက်လာတာနဲ့အမျှ ပျက်စီးတဲ့နေ ရာတွေက ပိုများလာဖို့ရှိတယ်။ အဲဒါတော့ ခရီးသွားကုမ္ပဏီတွေ က ခရီးသွားတွေကို သတိပေးဖို့လို သလို ခရီးသွားသူတွေကလည်း ကိုယ့်အသိစိတ်ဓာတ်နဲ့ကိုယ်လိုက် နာဖို့ လိုအပ်ပါတယ်’’ ဟု Royal Caravan Travel and Tour ဒါ ရိုက်တာမကေခိုင်ဝင့်က ပြော သည်။

ခရီးသွားလာမှုများသည့် ဒေသများတွင် အမှိုက်များပေါများ နေခြင်းသည် မြန်မာနိုင်ငံ၏ခရီး သွားလုပ်ငန်းကို ထိခိုက်နိုင်သကဲ့ သို့ သဘာဝပတ်ဝန်းကျင်ဆိုင်ရာ ဆိုးကျိုးများ ဖြစ်လာနိုင်ကြောင်း ခရီးသွားနှင့် သဘာဝပတ်ဝန်း ကျင်ထိန်းသိမ်းရေးဆောင်ရွက် နေသူများက အစဉ်သတိပေး စကားဆိုနေသော်လည်း နေရာ တိုင်းတွင် အမှိုက်ပစ်မြဲ၊ အမှိုက်ရှိ ဆဲပင်ဖြစ်နေသည်။

အမှိုက်စွန့်ပစ်မှုများပြားလာ ခြင်းသည် လာရောက်လည်ပတ်သူ များ၏ စည်းကမ်းမဲ့မှုတစ်ခုတည်း ကြောင့်မဟုတ်။ သုံးစွဲပြီး စွန့်ပစ် ပစ္စည်းများစွန့်ပစ်ရန် နေရာမရှိ ခြင်းကလည်း အကြောင်းရင်းတစ် ခုအနေဖြင့်ပါဝင်ပြီး ယင်းအတွက် အမှိုက်ပုံးများအလုံအလောက် ထားရှိပေးရန်လိုအပ်သည့်အပြင် အချိန်မှန်သိမ်းဆည်းရေး ပြုလုပ် ပေးသင့်ကြောင်း ဒေသခံများနှင့် ထိန်းသိမ်းရေးဆောင်ရွက်နေသူ များက ပြောသည်။

‘‘သတိပေးရုံနဲ့မရတော့ဘူး။ ကျေးရွာနဲ့ အုပ်ချုပ်ရေးပိုင်းကတွဲ အလုပ်လုပ်ရမှာ။ အရေးယူနိုင်တဲ့ အဖွဲ့အစည်းမျိုးပေါ့။ ပညာပေး ဆိုင်းဘုတ်တွေလည်း ထောင်ထား ဖို့လိုသလို ဒဏ်ငွေနဲ့လည်း လုပ် ထားရမယ်။ ဒါတွေကို စောင့် ကြည့်ဖို့ ဖွဲ့ထားတဲ့အဖွဲ့တွေက လည်း စောင့်ကြည့်ရမယ်’’ ဟု မြန် မာအစိမ်းရောင်ကွန်ရက်ဥက္ကဋ္ဌ ဒေါ်ဒေ၀ီသန့်စင်က ပြောသည်။


တောင်ဇလပ်ပန်းပင်ကို ဂျစ်ကားပေါ် တင်ဆောင်ထားစဉ် (ဓာတ်ပုံ − Ni Min Oo)

ဟိုတယ်နှင့်ခရီးသွားလာရေး ၀န်ကြီးဌာန စာရင်းများအရ ၂၀၁၆ တွင် မြန်မာနိုင်ငံသို့လာ ရောက်လည်ပတ်သော နိုင်ငံခြား သားခရီးသွားဧည့်သည် ၂ ဒသမ ၉ သန်းခန့်သာရှိခဲ့ပြီး ပြည်တွင်း၌ နိုင်ငံတစ်ဝန်းရှိ ခရီးစဉ်ဒေသများ သို့  သွားရောက်လည်ပတ်သော ပြည်တွင်းခရီးသွားဦးရေသည် ခုနစ်သန်းအထိရှိသဖြင့် နိုင်ငံ တကာမှ လာရောက်လည်ပတ် သော ခရီးသွားဧည့်သည်များ ထက် နှစ်ဆကျော်ပိုများနေသည်။

ခရီးသွားလည်ပတ်မှုများ လာသည်နှင့်အမျှ စနစ်တကျမရှိ သည့်ဈေးဆိုင်ခန်းများလည်းအ လျှိုအလျှိုပေါ်ပေါက်လာကာ လာ ရောက်လည်ပတ်သူများ၏ စွန့်ပစ် အမှိုက်၊ ဈေးဆိုင်များ၏ စွန့်ပစ်အ မှိုက်များကလည်း ပတ်ဝန်းကျင် ထိခိုက်လာစေသည်။

လူအသွားများသည့်နေရာ များတွင် အမှိုက်များဖြင့်ညစ်ညမ်း လာချိန် ဒေသခံပတ်ဝန်းကျင်ထိန်း သိမ်းရေးအဖွဲ့များ ပေါ်ပေါက်လာ ပြီး ဒေသခံများစုပေါင်းအမှိုက် ကောက်ရတော့သည်။

ဟိုတယ်နှင့်ခရီးသွားလာရေး ၀န်ကြီးဌာနအနေဖြင့် ခရီးသွားဒေ သများတွင် သဘာဝပတ်ဝန်းကျင် ထိန်းသိမ်းခြင်းနှင့် စွန့်ပစ်အမှိုက် များ ပြန်လည်ကောက်ယူခြင်း တို့အတွက် သက်ဆိုင်ရာဒေသအ လိုက် ဟိုတယ်ဇုန်အသင်းများဖြင့် ပူးပေါင်းကာ အများပြည်သူဆိုင် ရာကမ်ပိန်းများ ဆောင်ရွက်ခြင်း၊ပညာပေးလုပ်ငန်းများ ဆောင်ရွက်ပေးခြင်းတို့ ပြုလုပ်နေကြောင်း ဟိုတယ်နှင့် ခရီးသွားလာရေးဝန်ကြီးဌာန ညွှန်ကြားရေးမှူးဒေါ်ခင်သန်းဝင်းက ပြောသည်။

‘‘အမှိုက်ပုံးတွေလည်း ထား တယ်။ ပညာပေးလုပ်ငန်းတွေ လည်းလုပ်နေတယ်။ ဒီကြားထဲပဲ အမှိုက်တွေပစ်နေသေးတယ်ဆို ရင်တော့ ကိုယ့်မြန်မာလူမျိုးတွေ ရဲ့ စည်းကမ်းမဲ့နေတဲ့အနေအထား လေးတွေက ဘယ်တတ်နိုင်မလဲ အတတ်နိုင်ဆုံးတော့ လုပ်ရမှာပဲ လေ။ တစ်ဦးချင်းကနေ တာဝန်သိ စိတ်နဲ့ အသိစိတ်ဓာတ်လေးတွေ ရှိသင့်တာပေါ့။ တွေ့တဲ့နေရာ ပစ်နေမယ်ဆိုရင်လည်း အမှိုက် တွေလိုက်ကောက်နေတာပဲရှိမှာ ပျောက်မှာမဟုတ်ဘူးလေ’’ ဟု ဒေါ်ခင်သန်းဝင်းက ပြောသည်။

သို့ရာတွင် နေရာဒေသအချို့ ၌ ပန်းမခူးရ၊ အမှိုက်မပစ်ရ ဆိုင်း ဘုတ်များ စိုက်ထူထားသော်လည်း ထိရောက်သည့် စည်းကမ်းနှင့်အ ရေးယူမှုအားနည်းကြောင်း ၎င်း တို့ကဆိုသည်။

‘‘ဒီနေရာမှာ အမှိုက်မပစ်ရ ဆိုတာတွေ့တော့တွေ့ရတယ်။ ပန်းမခူးရဆိုင်းဘုတ်ပဲရှိတယ်။ ထိ ရောက်တဲ့ပြစ်ဒဏ်ပေးမှုနဲ့ တင်း ကျပ်တဲ့စည်းကမ်းထုတ်တယ်ဆို တာမကြားဖူးသေးဘူး။ အဲဒါကျ တော့ သဘာဝကိုဖျက်ဆီးတဲ့သူဆို တာကလည်း ဖျက်ဆီးချင်လို့ ဖျက် ဆီးတာမဟုတ်ဘူး။ ဒါကိုမလုပ်ရ ဘူးဆိုတာမသိလို့။ ဒါလုပ်ရင် ဒါ ပျက်စီးတယ်ဆိုတဲ့ အတွေးသူတို့ ဆီမှာမရှိလို့လုပ်တာ’’ ဟု Travel Blogger မနော်ထိုက်ထိုက်ထွန်း က ပြောသည်။

‘‘တကယ်တော့ အားလုံးကို အရေးယူရမယ်။ ဒဏ်ရိုက်တာမျိုး တွေလုပ်ရမှာ။ အဲဒါမျိုးလည်း လုပ်ထားပေမယ့် ထိထိရောက် ရောက်မလုပ်တဲ့အတွက် လူတွေ လည်း အကြောက်တရားမရှိဘူး ဖြစ်နေကြတာပေါ့။ အဲဒါက စည် ပင်တို့၊ ထွေအုပ်တို့နဲ့လည်း ပတ် သက်တာပေါ့။ အမှိုက်ပစ်တာ တွေ့ရင် ဒဏ်ငွေဘယ်လောက်ဆို တာ သတ်မှတ်လိုက်ပေါ့။ ဟို တယ်ဇုန်အဖွဲ့တွေကိုရော ရုံးခွဲ တွေကိုလည်း ညွှန်ကြားသွားပါ တယ်။ ဒါက သက်ဆိုင်ရာထွေအုပ် နဲ့ပူးပေါင်းပြီးတော့မှ လုပ်ဆောင် မှရမှာဖြစ်ပါတယ်’’ ဟု ဒေါ်ခင် သန်းဝင်းက ဆိုသည်။

 စွန့်ပစ်အမှိုက် ပြဿနာ ကြောင့် ညစ်ညမ်းနေသည့်ဒေသ များထဲမှ ငပလီတွင်စွန့်ပစ် ပလတ် စတစ်များကို သင့်လျော်သည့်ငွေ ကြေးပေးကာ ရီဆိုက်ကယ်ပြန် လည်ပြုလုပ်မည့် စက်ရုံတစ်ခု တည်ထောင်၍ ကမ်းခြေအနီးရပ် ကွက်များ၌ အမှိုက်ပုံးများတိုးမြှင့် ချထားခြင်းဖြင့် အမှိုက်ပြဿနာ ကိုဖြေရှင်းမည်ဖြစ်ကြောင်း ငပလီ ဟိုတယ်ဇုန်ဥက္ကဋ္ဌဦးသိန်းဦးက ပြောသည်။

ဂျပန်နိုင်ငံရှိ ဖူဂျီရေခဲတောင် သည် တက်ရောက်သူများ၏ စွန့်ပစ်အမှိုက်များကြောင့် ပတ် ၀န်းကျင်ထိခိုက်သည့်ပြဿနာကြုံ တွေ့ခဲ့ရပြီး SEED ဆိုသည့်လူငယ် အဖွဲ့အစည်းတစ်ခုပေါ်ပေါက်လာ ကာ ဖူဂျီတောင်တွင် အမှိုက် ကောက်ခြင်း၊ အမှိုက်ပုံးများထား ရှိသိမ်းဆည်းခြင်း၊ တက်ရောက် သူများကို သတ်မှတ်နေရာ၌ အမှိုက်ပစ်ရန် စည်းရုံးခြင်းဖြင့် စွန့်ပစ်အမှိုက်ပြဿနာ ဖြေရှင်းခဲ့သည်။

အမှိုက်ပြဿနာ၊ ပတ်ဝန်း ကျင်အလှပျက်စီးသည့်ပြဿနာ များကြုံတွေ့ရသည့် မြန်မာနိုင်ငံ တွင် ရပ်ရွာဒေသခံများ စုပေါင်း အဖွဲ့ဖွဲ့စည်း၍ စံနမူနာအဖြစ်အ မှိုက်ကောက်ခြင်းအပြင် လာ ရောက်သူများကို စည်းကမ်းတကျ အမှိုက်စွန့်ပစ်ရန်၊ ပတ်ဝန်းကျင် ကို ချစ်ခင်မြတ်နိုးရန် စည်းရုံးသည့် SEED ကဲ့သို့အဖွဲ့ငယ်များလည်း လိုအပ်ကြောင်း ဒေါ်ဒေ၀ီသန့်စင် က ပြောသည်။

 ‘‘ဒီလိုအလေ့အထမျိုးကို ကျိုက်ထီးရိုးလိုမျိုး ဒေသတော် တော်များများမှာ လုပ်လို့ရတယ်။ ဒေသတော်တော်များများမှာ လူ ငယ်တွေက အမှိုက်နဲ့ပတ်သက်ပြီး စိတ်ဝင်စားပြီး ကောက်သလို ကိုယ့်ရဲ့ဒေသရပ်ရွာမှာ ရက်သတ် မှတ်ပြီးကောက်ရင်တော့ တဖြည်း ဖြည်းပူးပေါင်းပါဝင်လာလိမ့်မယ်။ အလေ့အကျင့်ပဲလိုတယ်’’ ဟု ဒေါ် ဒေ၀ီသန့်စင်က ပြောသည်။  ။