ရန်ကုန်စည်ပင်နယ်နိမိတ်ပြင်ပရှိ မြို့ ၁၁ မြို့ အဝင်တိုးဂိတ်များဆောက်လုပ်ရန် တင်ဒါခေါ်ယူ

ရန်ကုန်တိုင်းအတွင်းစည်ပင်သာယာနယ်နိမိတ်ပြင်ပရှိ မြို့ ၁၁ မြို့မှ မြို့အဝင်တိုးဂိတ်များကို မတ်လအကုန် အပြီးဆောက် လုပ်ရန် ရန်ကုန်တိုင်းဒေသကြီး စည်ပင်သာယာရေးအဖွဲ့ရုံး အင်ဂျင်နီယာဌာနက ပြည်တွင်းကုမ္ပဏီများကို တင်ဒါခေါ်ယူထား သည်။


လှည်းကူး၊ မှော်ဘီ၊ တိုက် ကြီး၊ သန်လျင်၊ ကျောက်တန်း၊ ခရမ်း၊ သုံးခွ၊ တွံတေး၊ ကွမ်းခြံ ကုန်း၊ ကော့မှူးနှင့် ထန်းတပင် မြို့တို့တွင် မြို့အဝင်တိုးဂိတ်တစ် ခုစီ အသစ်ဆောက်လုပ်မည်ဖြစ် ပြီး တင်ဒါစာရွက်များကို ယခု ဇန်နဝါရီ ၁၅ ရက်ကစ၍ ဒဂုံ မြို့သစ် (ဆိပ်ကမ်း)မြို့နယ် စည်ပင်သာ ယာရေးအဖွဲ့ရုံး၊ အင်ဂျင်နီယာ ဌာနတွင် ရုံးချိန်အတွင်း ဝယ်ယူ နိုင်ကြောင်း နိုင်ငံပိုင်သတင်းစာ တွင် ကြေညာထားသည်။

အဆိုပါ တိုးဂိတ်များကို ၂၀၁၇-၁၈ ဘဏ္ဍာနှစ် ဖြည့်စွက် ရန်ပုံငွေဖြင့် ဆောင်ရွက်မည်ဖြစ် ပြီး ယင်းလုပ်ငန်း ၁၁ ခုကို ကုမ္ပဏီတစ်ခုချင်းစီ လုပ်ကိုင်ခွင့် ရရှိပါက လုပ်ငန်းများ တစ်ပြိုင် နက်တည်း စတင်မည်ဖြစ်ကြောင်း စည်ပင်သာယာရေးအဖွဲ့ရုံး အင် ဂျင်နီယာဌာန အင်ဂျင်နီယာမှူး ဒေါ်ချိုချိုခင်က ပြောသည်။

‘‘ဒီလုပ်ငန်းကို မတ်လဘတ် ဂျက်ပိတ်တာနဲ့ အပြီးလုပ်ရမှာဆို တော့ တင်ဒါအောင်မြင်တဲ့သူက သတ်မှတ်ရက်အတွင်း အပြီးလုပ် နိုင်မှ တင်ဒါတင်ရမယ်။ မလုပ် နိုင်တဲ့သူလာတင်ရင် တော်ကြာ အလျော်တွေ၊ အစားတွေ ပေါ် ကုန်မှာစိုးလို့’’ဟု ဒေါ်ချိုချိုခင်က ဆိုသည်။

တင်ဒါခေါ်ယူခြင်း လုပ်ငန်း ကို တစ်လကြိုတင်၍ သတင်းစာ တွင် ထည့်သွင်းကြေညာခဲ့ကာ တင်ဒါဖွင့်ဖောက်စစ်ဆေးပြီးပါက ထပ်မံ၍ တစ်ပတ်အတွင်း ပြန် လည်စိစစ်ပြီး လုပ်ငန်းများကို အ မြန်ဆုံးဆောင်ရွက်နိုင်ရန် စီစဉ် မည်ဖြစ်ကြောင်း ဒေါ်ချိုချိုခင်က ပြောသည်။

တင်ဒါများကို နည်းပညာ ဆိုင်ရာ အဆိုပြုလွှာနှင့် ငွေကြေး ဆိုင်ရာ အဆိုပြုလွှာဟူ၍ သီးခြား စာအိတ်များဖြင့် တင်ဒါတင်သွင်း သူများ လိုက်နာရန် ညွှန်ကြားချက် များ (Instructions to Tenders) နှင့်အညီ တင်သွင်းရမည်ဖြစ် ကြောင်း တင်ဒါခေါ်ယူရာတွင် ထည့်သွင်းကြေညာထားသည်။

ထို့အပြင် တင်ဒါတင်သွင်း သည့် ကုမ္ပဏီများက တင်ဒါစာ ရွက်အပြည့်အစုံကို ဒဂုံမြို့သစ် (ဆိပ်ကမ်း) မြို့နယ်ရှိ စည်ပင် သာယာရေးအဖွဲ့ရုံး၊ အင်ဂျင်နီ ယာဌာနသို့ ဖေဖော်ဝါရီ ၆ ရက် တွင် နောက်ဆုံးထားတင်သွင်းရ မည်ဖြစ်ပြီး ယင်းနေ့၌ တင်ဒါများ ဖွင့်ဖောက် စစ်ဆေးမည်ဖြစ် ကြောင်း ကြေညာထားသည်။