နှစ်ပါတီပေါင်းစည်းရေး ဖွဲ့စည်းပုံစည်းမျဉ်းစည်းကမ်းများ ပြင်ဆင်သင့်က ပြင်ဆင်မည်ဟု မွန်နှစ်ပါတီ ပူးတွဲထုတ်ပြန်

 မွန်ပါတီနှစ်ခု အမြန်ဆုံး ပေါင်းစည်းနိုင်ရေး ညှိနှိုင်းနေပြီး ပါတီနှစ်ခု၏ ဖွဲ့စည်းပုံစည်းမျဉ်း များ ပြင်ဆင်သင့်ပါက ပြင်ဆင် မည်ဟု မွန်အမျိုးသားပါတီ (MNP) မွန်ဒေသလုံးဆိုင်ရာ ဒီမို ကရေစီပါတီ (AMDP) တို့က ပူးတွဲထုတ်ပြန်သည်။


မွန်နိုင်ငံရေး ပါတီတစ်ခု တည်း ပေါင်းစည်းနိုင်ရေး နှစ်ဖက် ပါတီ ကိုယ်စားလှယ်များအချင်း ချင်း သုံးကြိမ်တွေ့ဆုံခဲ့ပြီးဖြစ်ပြီး ပါတီထိပ်ပိုင်းခေါင်းဆောင်များ အချင်းချင်း တွေ့ဆုံပွဲကို ဇန်န ဝါရီ ၂ ရက်က ပြုလုပ်ခဲ့ကာ ယင်းအစည်းအဝေး ဆုံးဖြတ်ချက်ကို အထက်ပါအတိုင်း ထုတ်ပြန်ခြင်း ဖြစ်သည်။

ပါတီပေါင်းစည်းရေး တွေ့ ဆုံပွဲများကို တစ်လလျှင်တစ်ကြိမ် ပုံမှန် လုပ်ဆောင်မည်ဖြစ်ပြီး ပါတီနှစ်ခု မပေါင်းစည်းနိုင်ချိန်တွင် လည်း ပေါင်းလုပ်၍ရသည့် လုပ်ငန်းများအားလုံးပူးပေါင်းဆောင် ရွက်မည်ဖြစ်ကြောင်း မွန်ဒေသလုံးဆိုင်ရာ ဒီမိုကရေစီအဖွဲ့ချုပ် ပါတီ တွဲဖက်အထွေထွေအတွင်း ရေးမှူး ဦးနိုင်စံတင်က ပြော ကြားသည်။

လာမည့် ဖေဖော်ဝါရီတွင် ကျရောက်မည့် (၇၁)ကြိမ်မြောက် မွန်အမျိုးသားနေ့အတွက်လည်း နှစ်ပါတီပူးပေါင်းပြီး ထုတ်ပြန် ချက်တစ်စောင် ထုတ်ပြန်မည်ဖြစ် ကာ ၂၁ ရာစု ပင်လုံညီလာခံနှင့် ပတ်သက်၍ လူမျိုးအလိုက် အမျိုး သားအဆင့် နိုင်ငံရေးဆွေးနွေးပွဲ ကို နှစ်ပါတီပူးပေါင်းဆောင်ရွက် နိုင်ရန် ဆွေးနွေးမည်ဟုပူးတွဲထုတ် ပြန်ချက်၌ ဖော်ပြထားသည်။

မွန်နှစ်ပါတီပေါင်းစည်းရေး ကြားဝင်ညှိနှိုင်းရန် မွန်ပြည်သစ် ပါတီက ဦးဆောင်ပြီး သံဃာ တော်များနှင့် မွန်ပြည်သူများပါဝင် သည့် ပေါင်းစည်းရေးညှိနှိုင်းရေး အဖွဲ့ကို ဖွဲ့စည်းခဲ့ကာ ၂၀၁၂ မှ ၂၀၁၄ အထိ တွေ့ဆုံညှိနှိုင်းမှုအ ကြိမ်ကြိမ် လုပ်ဆောင်ခဲ့သော် လည်း အောင်မြင်မှုမရခဲ့ပေ။

ထို့ကြောင့် ပါတီပေါင်းစည်း ရေး ၂၀၁၇ ကစတင်ကာ ပြန် လည်ပြင်ဆင်အားစိုက်လုပ်လာ ခြင်းဖြစ်သည်။

မွန်ပြည်နယ်တွင် မွန်အမျိုးသားပါတီ၊ မွန်ဒေသလုံးဆိုင်ရာ ဒီမိုကရေစီပါတီနှင့် အမျိုးသမီး ပါတီ (မွန်)ဟူ၍ မွန်လူမျိုးများကို ကိုယ်စားပြုသည့် ပါတီသုံးခုရှိနေ သည်။

၂၀၁၅ ရွေးကောက်ပွဲအ တွင်း မွန်အမျိုးသားပါတီသည် မဲဆန္ဒနယ် ၃၅ နေရာ ဝင်ရောက် ယှဉ်ပြိုင်ပြီး အမျိုးသားလွှတ်တော် တစ်နေရာ၊ ပြည်နယ်လွှတ်တော် နှစ်နေရာသာ အနိုင်ရရှိကာ မွန် ဒေသလုံးဆိုင်ရာ ဒီမိုကရေစီပါတီ က မဲဆန္ဒနယ် ၃၅ နေရာယှဉ် ပြိုင်ရာတွင် ပြည်နယ်လွှတ်တော် တစ်နေရာသာ အနိုင်ရရှိခဲ့သည်။

၂၀၁၇ ကြားဖြတ်ရွေး ကောက်ပွဲတွင် လစ်လပ်နေသည့် ချောင်းဆုံမဲဆန္ဒနယ်၌ မွန်အမျိုး သားပါတီနှင့် မွန်ဒေသလုံးဆိုင် ရာ ဒီမိုကရေစီပါတီတို့ ဝင်ရောက် ယှဉ်ပြိုင်သော်လည်း မွန်ပါတီနှစ် ခုစလုံး အနိုင်ရရှိခဲ့ခြင်းမရှိဘဲ ပြည်ခိုင်ဖြိုးပါတီက အနိုင်ရရှိခဲ့ သည်။

အမျိုးသမီးပါတီ (မွန်)သည် မဲဆန္ဒနယ်လေးနေရာတွင် ဝင် ပြိုင်သော်လည်း လေးနေရာစလုံး ရှုံးနိမ့်ခဲ့သည်။