မန္တလေးတိုင်းတွင် ၂၀၁၇ အတွင်း မီးလောင်မှု ၂၀၀ ကျော်ဖြစ်ပွား

မန္တလေးမြို့ ချမ်းမြသာစည်မြို့နယ်တွင် ၂၀၁၇ ခုနှစ် ဖေဖော်ဝါရီလက မီးလောင်မှုဖြစ်ပွားခဲ့သည်။ (ဓာတ်ပုံ − စည်သူလင်း)

- မန္တလေးတိုင်းဒေသ ကြီးတွင် ၂၀၁၇ အတွင်း မီးလောင်ကျွမ်းမှု ၂၀၂ ကြိမ်ဖြစ်ပွားခဲ့ပြီး ဆုံးရှုံးမှုတန်ဖိုးကျပ်သိန်း ၃,၀၀၀ ခန့်ရှိကြောင်း တိုင်းဒေသ ကြီး မီးသတ်ဦးစီးဌာန မှတ်တမ်းများ၌ ဖော်ပြထားသည်။

မီးလောင်ကျွမ်းမှုများကြောင့် သေဆုံးသူ ခြောက်ဦး၊ ထိခိုက်ဒဏ်ရာရသူ ၁၃ ဦးနှင့် မီးဘေးဒုက္ခ သည် ၅၇၆ ဦးရှိခဲ့ပြီး လူနေအိမ် ၂၅၀ လောင်ကျွမ်းခဲ့ကြောင်း မီး သတ်ဦးစီးဌာန ထုတ်ပြန်ချက်တွင် ပါရှိသည်။မီးပေါ့ဆမှုနှင့် လျှပ်စစ် ကြောင့် အများဆုံးလောင်ကျွမ်းခဲ့ ပြီး ပေါ့ဆမီးကြောင့် ၈၅ ကြိမ်၊ လျှပ်စစ်မီး ၇၁ ကြိမ်၊ မီးဖိုမီး ၂၁ ကြိမ်၊ မသမာသူရှို့မီး ၁၇ ကြိမ်၊ အလိုအလျောက်မီး ငါးကြိမ်၊ တောမီး နှစ်ကြိမ်နှင့် မိုးကြိုးပစ်၍ မီးလောင်ကျွမ်းမှု တစ်ကြိမ်ဖြစ် ပွားခဲ့သည်။

သို့သော် မန္တလေးတိုင်းဒေသ ကြီးတွင် ၂၀၁၇ အတွင်း မီးလောင်ကျွမ်းမှုသည် ၂၀၁၆ ထက် မီးလောင်သည့်အကြိမ်ရေ၊ ဆုံးရှုံးမှု၊ သေဆုံးမှုနှင့် ဒဏ်ရာရရှိမှု လျော့နည်းခဲ့သည်ဟု မီးသတ်ဌာနတာဝန်ရှိသူတစ်ဦးက ပြောသည်။

၂၀၁၆ က မန္တလေးတိုင်းဒေသကြီးတွင် မီးလောင်မှုကြောင့် လူ ရှစ်ဦးသေဆုံးခဲ့ပြီး ၃၄ ဦးဒဏ်ရာရရှိသည်။ ၂၀၁၆ တွင် မန္တလေးမြို့ရှိ မင်္ဂလာဈေးအပါအ၀င် မီးလောင်ကျွမ်းမှု ၂၁၂ ကြိမ်ရှိပြီး ဆုံးရှုံးမှုတန်ဖိုး ကျပ်သိန်း ၁၂,၀၀၀ ခန့်ရှိခဲ့သည်ဟု မီးသတ်ဌာနမှတ်တမ်းများ၌ ဖော်ပြထားသည်။