အရက်သောက်ခြင်းကြောင့် မျိုးဗီဇကို ထာဝရပျက်စီးစေပြီး ကင်ဆာဖြစ်စေနိုင်

အရက်သောက်ခြင်းကြောင့် မျိုးဗီဇ (DNA)ကို ပျက်စီးစေပြီး ရင်သားကင်ဆာနှင့် အခြားကြီးမားသည့် ရောဂါအမျိုးအစားများ ဖြစ်နိုင်ခြေပိုများလာကြောင်း လေ့လာမှုတစ်ခုက ဖော်ပြသည်။

အရက်သည် ခန္ဓာကိုယ်ထဲတွင် အဆိပ်ရှိသော ဓာတုပစ္စည်း များအဖြစ် ကြေပျက်ကာ ယင်းဓာတုပစ္စည်း ပမာဏများပြားလာပါက ခန္ဓာကိုယ်ထဲရှိ အဓိကဆဲလ်များ ပျက်စီးစေပြီး အကျိတ်များ ဖြစ်ပေါ်လာစေသည်။


အရက်သောက်ခြင်းကြောင့် ခံတွင်း၊ လည်ပင်း၊ အသည်း၊ အူ မကြီး၊ အူနှင့်ရင်သားကင်ဆာများ၊ အပါအဝင် အကျိတ်ခုနစ်မျိုးအ ထိ ဖြစ်ပေါ်နိုင်သည့် အန္တရာယ်ရှိသည်။ အရက်ကို ခန္ဓာကိုယ်ကချေဖျက်ချိန်တွင် Acetaldehyde ဟုခေါ်သော အဆိပ်ရှိ ဓာတုပစ္စည်းများ ဖြစ်ပေါ်လာသည်။

ယင်းဓာတုပစ္စည်းများ ပမာဏနည်းပါက ခန္ဓာကိုယ်က ရှင်း ထုတ်နိုင်သော်လည်း များပြားလွန်းပါက ခန္ဓာကိုယ်ထဲရှိ ပင်မဆဲလ် များ ပျက်စီးစေသည်။

ကမ္ဘာတစ်ဝန်း ကင်ဆာရောဂါကြောင့် သေဆုံးမှုအားလုံး၏ ၆ ရာခိုင်နှုန်းခန့်သည် အရက်သောက်ခြင်းကြောင့်ဖြစ်သည်။

အမျိုးသမီးများအနေဖြင့် အရက်ကို အနည်းငယ်သောက်လျှင် ပင် ရင်သားကင်ဆာဖြစ်နိုင်သည့် အန္တရာယ်ရှိကြောင်း သုတေသီ များက ပြောသည်။

အရက်အလွန်အကျွံသောက်သူများသည် ခံတွင်း၊ လည်ပင်း၊ အသံအိုး၊ အသည်းနှင့် အူမကြီးကင်ဆာရောဂါ ဖြစ်နိုင်သည့် အန္တ ရာယ်မြင့်မားသည်။ ယခုလေ့လာမှုကို ဗြိတိန်သုတေသီများက ဦး ဆောင်ခဲ့ပြီး အရက်ကြောင့် ကင်ဆာဖြစ်နိုင်သည့် အခြေအနေများ ဖြစ်ပေါ်လာပုံကို ကြွက်များဖြင့် လေ့လာခဲ့သည်။

အချို့သော ကင်ဆာရောဂါများသည် ပင်မဆဲလ်များအတွင်း မျိုးဗီဇပျက်စီးခြင်းကြောင့်ဖြစ်ပြီး အရက်သောက်ခြင်းကြောင့် မျိုး ဗီဇပျက်စီးနိုင်သည့် အန္တရာယ်မြင့်မားသည်။

ဗြိတိန်နိုင်ငံတွင် အရက်သောက်ခြင်းကြောင့် ကင်ဆာရောဂါ ဖြစ်ပွားသူ တစ်နှစ်လျှင် ၁၂,၀၀၀ ကျော်ရှိပြီး အရက်သောက်သော ပမာဏကို လျှော့ချကာ အရက်ရှောင်ရန် သုတေသီများက အကြံပြုထားသည်။                                       

—Ref: Daily Mail