ရခိုင်ပြည်နယ် စည်ပင်ဝန်ကြီးကို ရာထူးမှရပ်စဲရန် လွှတ်တော်ဆုံးဖြတ်ချက် သမ္မတထံပေးပို့

ရခိုင်ပြည်နယ် စည်ပင် ဝန်ကြီး ဦးမင်းအောင်ကို ဥပဒေ အရ ပေးအပ်သည့် တာဝန်များ ကျေပွန်ခြင်းမရှိဆိုကာ တာဝန်မှ ရပ်စဲရန် ပြည်နယ်လွှတ်တော်၏ ဆုံးဖြတ်ချက်ကို ဇန်နဝါရီ ၅ ရက် တွင် နိုင်ငံတော်သမ္မတရုံးသို့ ပေး ပို့ခဲ့ကြောင်း ရခိုင်ပြည်နယ်လွှတ် တော် ဒုဥက္ကဋ္ဌ ဦးမြင့်သန်းက ပြောသည်။


စည်ပင်ဝန်ကြီး ဦးမင်းအောင် ကို ရာထူးမှရပ်စဲရန် လွှတ်တော် ကိုယ်စားလှယ် ၁၇ ဦးက လက် မှတ်ရေးထိုးကာ လွှတ်တော် ဥက္ကဋ္ဌထံ နိုဝင်ဘာ ၂၉ ရက်တွင် တင်ပြခဲ့သည်။

ယင်းတင်ပြချက်အပေါ် ဇန်နဝါရီ ၂ ရက်တွင် လွှတ်တော် အရေးပေါ် အစည်းအဝေးခေါ်ယူ ၍ မဲခွဲဆုံးဖြတ်ရာ မဲပေးခွင့်ရှိသူ ၏ သုံးပုံနှစ်ပုံက သဘောတူခဲ့ သဖြင့် ဦးမင်းအောင်ကို တာဝန်မှ ရပ်စဲရန် လွှတ်တော်ကအတည် ပြုဆုံးဖြတ်ခဲ့သည်။

အဆိုပါ အတည်ပြုဆုံးဖြတ် ချက်ကို သဝဏ်လွှာရေးသားကာ ရခိုင်ပြည်နယ် လွှတ်တော်ရုံးမှ အရာရှိတစ်ဦးက နိုင်ငံတော် သမ္မတရုံးသို့ ကိုယ်တိုင်ပေးပို့ခဲ့ ကြောင်း ဦးမြသန်းက ပြောသည်။

‘‘လမ်းမှာ ပျောက်တာတို့ ဘာတို့ရှိမှာစိုးလို့ လူကိုယ်တိုင် သွားပေးတာပါ။ ဒီနေ့ (ဇန်နဝါရီ ၅ရက်)မှာ သမ္မတရုံးဝင်စာဌာနကို ရောက်သွားပါပြီ’’ဟု ၎င်းကဆို သည်။

‘နိုင်ငံတော် သမ္မတသည် တင်ပြချက်ရရှိလျှင် စွပ်စွဲပြစ်တင် ခြင်းခံရသည့် တိုင်းဒေသကြီး (သို့မဟုတ်) ပြည်နယ်ဝန်ကြီးချုပ် (သို့မဟုတ်) ဝန်ကြီးကို ရာထူးမှ ရပ်စဲရမည်’ဟု ဖွဲ့စည်းပုံအခြေခံ ဥပဒေပုဒ်မ ၂၆၃ ပုဒ်မခွဲ (င)ပုဒ်မ ခွဲငယ်(၂)တွင် ပါရှိသည်။

ထို့ကြောင့် နိုင်ငံတော်သမ္မတ အနေဖြင့် ယင်းစာကို လက်ခံရရှိ ပါက စွပ်စွဲပြစ်တင်ခံရသည့် ဦးမင်းအောင်ကို တာဝန်မှ ရပ်စဲ ကြောင်း ကြေညာရမည်ဖြစ်သည်။ သို့သော် စာကိုလက်ခံပြီး အချိန် မည်မျှအတွင်း ကြေညာရမည်ဟူ ၍ သတ်မှတ်ထားခြင်းမရှိပေ။

စည်ပင်ဝန်ကြီး စွပ်စွဲခံထား ရသည့်ကိစ္စသည် ဖွဲ့စည်းပုံအခြေ ခံ ဥပဒေပြဋ္ဌာန်းချက်များနှင့် ညီ ညွတ်မှုရှိ၊ မရှိ နိုင်ငံတော်ဖွဲ့စည်း ပုံ ဥပဒေဆိုင်ရာခုံရုံး၏ အဓိပ္ပာယ် ဖွင့်ဆိုချက်၊ ဆုံးဖြတ်ချက်သဘောထားရယူရန် နိုင်ငံတော်သမ္မတထံ မှတစ်ဆင့် တင်ပြလျှောက်ထားဆဲ ဖြစ်သဖြင့် နိုင်ငံတော်ဖွဲ့စည်းပုံ အခြေခံဥပဒေဆိုင်ရာ ခုံရုံး၏ အ ဆုံးအဖြတ်ရရှိချိန်ထိ စည်ပင်ဝန် ကြီးအား စုံစမ်းစစ်ဆေးနေခြင်းကို  စောင့်ဆိုင်းပေးရန် ညှိနှိုင်းအကြောင်းကြားစာကိုလည်း ပြည်နယ်ဝန်ကြီး ဦးညီပုက ပြည်နယ်လွှတ်တော်ဥက္ကဋ္ဌထံ ဒီဇင်ဘာ ၂၈ ရက်က ပေးပို့ခဲ့သည်။

ပြည်နယ်ဝန်ကြီးချုပ်၏ ညှိ နှိုင်း အကြောင်းကြားစာအတိုင်းနိုင်ငံတော်ဖွဲ့စည်းပုံဥပဒေဆိုင်ရာ ခုံရုံးအဆုံးအဖြတ်ကို စောင့်ဆိုင်း ခြင်းမရှိဘဲ လွှတ်တော်တွင်ဆုံး ဖြတ်ခြင်းနှင့်ပတ်သက်၍‘‘အဲဒီစွပ် စွဲပြစ်တင်တဲ့ကိစ္စက တရားဝင် တယ်ဆိုရင် လွှတ်တော်ခေါ်တာ က တရားဝင်တယ်။ စွပ်စွဲပြစ်တင် တဲ့ကိစ္စက တရားမဝင်ဘူးဆိုရင် လွှတ်တော်ခေါ်တာ တရားမဝင် ဘူး’’ဟုတရားလွှတ်တော်ရှေ့နေ ဦးရောဘတ်စန်းအောင်က ပြော ကြားသည်။

‘‘ဒီကိစ္စကတော့ ဖွဲ့စည်းပုံ အခြေခံဥပဒေမှာ ပြဋ္ဌာန်းထားတဲ့ အတိုင်း ဖြစ်မှာပါ။ အဲဒီအတိုင်းပဲ သွားမှာပါ။ အဲဒီစာကို ကျွန်တော် ကတော့ မရသေးဘူး။ (သမ္မတရုံး) ဝင်စာဌာနဆိုရင် အဲဒီမှာပဲရှိသေး တာဖြစ်ပါလိမ့်မယ်’’ဟု ယင်းကိစ္စ နှင့်ပတ်သက်၍ သမ္မတရုံးပြောခွင့် ရပုဂ္ဂိုလ် ဦးဇော်ဌေးကပြောသည်။

More in Politics Section