လူငယ်များအတွက် ဆောင်ရန်၊ ရှောင်ရန် အချက်များကို ဒေါ်အောင်ဆန်းစုကြည်ပြောကြား

 မြန်မာနိုင်ငံလူ ငယ်ရေးရာ မူဝါဒမိတ်ဆက်ဖြန့်ချိ ခြင်းအခမ်းအနားကို နေပြည် တော်ရှိ မြန်မာကွန်ဗင်းရှင်းဗဟို ဌာန(MICC-II)တွင် ဇန်န၀ါရီ ၅ ရက်နံနက်က ကျင်းပရာ နိုင်ငံ တော်၏ အတိုင်ပင်ခံပုဂ္ဂိုလ်ဒေါ် အောင်ဆန်းစုကြည်တက်ရောက် မိန့်ခွန်းပြောကြားခဲ့သည်။ ၎င်း၏ မိန့်ခွန်းအတွင်း မူးယစ်ဆေးဝါးသုံး စွဲရန် မြှောက်ပေးခြင်းကို နားမ ယောင်ရန်အပါအ၀င် လူငယ်များ ဆောင်ရန်၊ ရှောင်ရန်အချက်အ ချို့အကြံပြုတိုက်တွန်းခဲ့သည်။

လူငယ်များ၏ အရည်အချင်းကို မြှင့်တင်ခြင်း

လူငယ်မူဝါဒများအကောင် အထည်ဖော်ရာတွင် လူငယ်အင် အားသည် အဓိကကျကြောင်း၊ ၂၀၁၄ အတွင်းကောက်ယူခဲ့သော သန်းခေါင်စာရင်းရလဒ်များအရ မြန်မာနိုင်ငံ၏ လူဦးရေသုံးပုံတစ်ပုံ ကျော်သည် အသက်(၁၅)နှစ်မှ (၃၅)နှစ်အကြားရှိ လူငယ်များ ဖြစ်သည်ဟု ဖော်ပြထားကြောင်း ၎င်းက ပြောသည်။


မိမိတို့နိုင်ငံ၏ လူငယ်အင် အားသည် အကောင်းဆုံးသောရာ ခိုင်နှုန်းတစ်ခုရရှိထားသော်လည်း ဖွံ့ဖြိုးဆဲနိုင်ငံများကို နမူနာယူ၍ လူငယ်အင်အားကျဆင်းလာမှု ကို ဂရုပြုရန်လိုအပ်မည်ဖြစ် ကြောင်း ဆက်လက်ပြောသည်။ လက်ရှိမြန်မာနိုင်ငံသည် ကမ္ဘာ့ နိုင်ငံများကဲ့သို့ ဖွံ့ဖြိုးတိုးတက်မှု မရှိသေးသော်လည်း သားသမီးယူ နှုန်းကျဆင်းလာပြီး ယင်းသို့ကျ ဆင်းလာသည်နှင့်အမျှ မြန်မာနိုင် ငံတွင်လည်း နောင်တွင်လူငယ် ရာခိုင်နှုန်း ကျလာနိုင်ကြောင်း၊ ထို့ကြောင့် လက်ရှိလူများအနေ ဖြင့် မိမိ၏အရည်အချင်းကိုအစွမ်း ကုန်မြှင့်တင်ရန် မိမိတို့နိုင်ငံအ တွက် များစွာအရေးကြီးကြောင်း ပြောသည်။

 ‘‘ဒီတော့ရှိတဲ့လူများဟာ ကိုယ့်ရဲ့အရည်အချင်းတွေကို အ သားကုန်မြှင့်တင်ဖို့ဟာ ကျွန်မတို့ နိုင်ငံအတွက် အများကြီးပဲအရေး ကြီးပါတယ်’’ ဟု ဒေါ်အောင်ဆန်း စုကြည်က ဆိုသည်။

ထို့ကြောင့် လူငယ်များအ တွက် အရေးကြီးဆုံးသည်ပညာ ရေးနှင့်ကျန်းမာရေးဖြစ်ပြီး  လူ ငယ်နှင့်  လူကြီးနှစ်ဖက်စလုံးက အပြုသဘောဆောင်  ပြောဆို ဆက်ဆံနိုင်ရေးသည်  အလွန်အ ရေးကြီးသည့်  အချက်တစ်ခုဖြစ် ကြောင်း ဒေါ်အောင်ဆန်းစုကြည် က ပြောသည်။

မျိုးဆက်တစ်ခုနှင့်တစ်ခု မိမိ တတ်သိခဲ့သော ကိစ္စရပ်များကို နောင်မျိုးဆက်များထံ ပို့ချနိုင် သည့်အနေအထားသည် စာရေး ခြင်းဖြစ်ပြီး မိဘများ၏ သင်ပြမှု သာမက စာသင်ကျောင်းများတွင် မိဘများမသင်ပြနိုင်သည့် ကိစ္စ များကို ဖြည့်ဆည်းပေးရန်၊ မိဘ နှင့်ကျောင်းများပူးပေါင်း၍ က လေးများကို ပြည့်ဝသည့်လူသား များဖြစ်ရန် လုပ်ပေးသည့်သဘော ဖြစ်ကြောင်း စာသင်ကျောင်းများ ၏ အရေးပါပုံကို ၎င်းကပြောကြား သည်။

  ‘‘တိုးတက်ဖို့ဆိုလို့ရှိရင် ပညာရေး၊ ကျန်းမာရေးနဲ့အားက စားကဏ္ဍမှာ ကျွန်မတို့အားပေး ချင်ပါတယ်’’။

အစုအဖွဲ့နှင့်အတူ လုပ်ဆောင် တတ်ရန် လေ့ကျင့်ခြင်း

ဒေါ်အောင်ဆန်းစုကြည်က လက်ရှိနိုင်ငံအတွင်း အားနည်း ချက်တစ်ခုသည် အစုအဖွဲ့နှင့်အ တူတူလုပ်တတ်သည့် အရည်အ ချင်းများမရှိခြင်းဖြစ်ပြီး ယင်း သည် မိမိတို့ပညာရေးစနစ်ကြောင့်ဖြစ်ကြောင်း ပြောကြားသည်။

‘‘နိုင်ငံရဲ့အားနည်းချက်တစ် ခုက အစုအဖွဲ့နဲ့အတူတူလုပ် တတ်တဲ့ အရည်အချင်းမရှိတဲ့ဟာ ပါပဲ။ ဒါကြောင့်မို့ ကျွန်မတို့ပညာ ရေးစနစ်မှာ အစုအဖွဲ့နဲ့ အတူတူ လုပ်တတ်ဖို့၊ လုပ်ဆောင်ဖို့ မသင် ပေးတာကြောင့်မို့လို့ ကိုယ်တစ် ယောက်တည်း အမှတ်အများဆုံး ရအောင်လုပ်တဲ့  စနစ်ကနေပြီးတော့ ထွက်ပေါ်လာတဲ့စိတ်ဓာတ် တွေဟာ ကျွန်မတို့နိုင်ငံရဲ့ ညီ ညွတ်ရေးအတွက် စုပေါင်းလုပ် ဆောင်ရေးအတွက် အထောက် အကူမဖြစ်ပါဘူး။ ဒါပေမဲ့လည်း ဂုဏ်ယူပြီးပြောရမယ်ဆိုရင် ကျွန် မတို့ပညာရေးစနစ်က အားနည်း ခဲ့တယ်ဆိုပေမယ့် ကျွန်မတို့ပြည် သူတွေရဲ့ စုစည်းမှုစိတ်ဓာတ်က ကောင်းပါတယ်။ တကယ်အရေး ကြီးရင် သွေးစည်းကြစို့ဆိုတဲ့ စိတ် ဓာတ်ဟာ ကျွန်မတို့ ပြည်သူတွေ ထဲမှာ ရှိတယ်လို့ ယုံကြည်ပါ တယ်’’ဟု ဒေါ်အောင်ဆန်းစုကြည်ကပြောသည်။

ယင်းကဲ့သို့ ကောင်းမွန်သော အရည်အချင်း ပိုမိုအားသန်စေ ရန် လုပ်စေလိုကြောင်း၊ မိဘ၊ ဆရာသမားများအနေဖြင့် တစ်ဦးတစ်ယောက်ကောင်း ပြိုင်ဆိုင် ခြင်းအတွက် အဓိကထား သင် ကြားမှုမပြုရန်နှင့် အစုအဖွဲ့ဖြင့် စုပေါင်းဆောင်ရွက်တတ်စေရေးသင်ကြားပေးရန် လိုအပ်ကြောင်း ဒေါ်အောင်ဆန်းစုကြည်က ပြော သည်။

အသက်မွေးပညာသင်ယူရန် စိတ်အားထက်သန်စေလို

အလုပ်အကိုင် အခွင့်အလမ်းနှင့် ပညာရေးသည် ဆက်စပ် နေပြီး လိုအပ်သော ပညာအရည် အချင်းရှိမှသာ အလုပ်ရနိုင်မည် ဖြစ်သော်လည်း အသက်မွေးဝမ်း ကျောင်းပညာများကို သတိပြုသင်ကြားရန် အတိုင်ပင်ခံပုဂ္ဂိုလ်က တိုက်တွန်းသည်။

‘‘ကျွန်မတို့ လူငယ်တွေက အသက်မွေးဝမ်းကျောင်း ပညာ တွေ သင်ယူဖို့ စိတ်အားထက်သန် စေချင်ပါတယ်။ အသက်မွေးဝမ်း ကျောင်းပညာ သင်ယူထားတာ ဟာ တက္ကသိုလ်က ဘွဲ့လောက် တန်ဖိုးမရှိဘူးဆိုတဲ့ စိတ်ဓာတ်ကို လုံးလုံးမထားပါနဲ့။ ကျွန်မ ခဏ ခဏ သတိပေးပါတယ်။ကမ္ဘာပေါ် မှာ အတိုးတက်ဆုံး၊ အချမ်းသာ ဆုံးဖြစ်တဲ့ နိုင်ငံတချို့ဆိုလို့ရှိရင် အသက်မွေးဝမ်းကျောင်း ပညာ ဘက်က အင်မတန်မှ အားသန်ပါ တယ်။ တက္ကသိုလ်ပညာနဲ့ ယှဉ်ရုံ တင်မကဘူး၊ တချို့ဆိုလို့ရှိရင် တက္ကသိုလ်ပညာထက်တောင် သာနေတာကို တွေ့ရပါတယ်။ လက်တွေ့ကျကျ တန်ဖိုးထား တတ်တဲ့ စိတ်ဓာတ်ပါပဲ’’ဟု ၎င်းကတိုက်တွန်းသည်။

မျှဝေခြင်း

လောကကြီးတွင် သင်ရခက် သည့်သူများစွာရှိမည်ကို သဘော ပေါက်မိသော်လည်း မိမိကိုယ် ကိုယ် သင်ရလွယ်သူဖြစ်အောင် ကြိုးစား၍ ပတ်ဝန်းကျင်ထံမှ လည်း သင်ယူရန်၊ အခြားသူများ ကို သင်ပေးရန် သ၀န်မတိုသင့်ဘဲ  မိမိပညာကို မျှဝေခြင်းအားဖြင့် ပညာပွားများနိုင်ကြောင်းလည်း ပြောကြားသည်။

‘‘ကိုယ့်ကိုယ်ကိုယ် သင်ရ လွယ်တဲ့သူဖြစ်အောင် ကြိုးစား ပါ။ ကိုယ့်ပတ်ဝန်းကျင်ကနေပြီး တော့ သင်ယူပါ။ ကိုယ်ကလည်း တခြားလူတွေကို သင်ပေးဖို့ဟာ ကို သဝန်မတိုပါနဲ့။ ကိုယ့်မှာရှိတဲ့ ပညာတွေကိုမျှပါ။ မျှခြင်းအား ဖြင့် ပွားများပါတယ်။ သက္ကတစကားပုံတစ်ခုရှိပါတယ်။ ပညာဟာ တခြားဟာတွေနဲ့ မတူဘူးပေါ့။ မျှလေမျှလေပွားလေ၊ ကိုယ့်အတွက်လည်း လုံးလုံးမလျော့သွားဘူးတဲ့။ ဖယောင်းတိုင်လေး တစ်တိုင်ကနေ ဖယောင်းတိုင် ၁၀၀ လာပြီး မီးညှိလို့လည်း ပထမ ဖယောင်းတိုင်ရဲ့ မီးက မသေသွားဘူး’’ဟု ၎င်းကပြောသည်။

တိုင်းပြည်၏ အနာဂတ် တည်ဆောက်ရေး ကိစ္စရပ်များ သည် များပြားသဖြင့် မည်သည့် ခေတ်အခါမျှ ပြီးဆုံးနိုင်မည် မ ဟုတ်သောကြောင့် မျိုးဆက်များအလိုက် အဆက်ဆက် လက် ဆင့်ကမ်း ပြုပြင်ထိန်းသိမ်းတည် ဆောက်ရန် လိုအပ်ကြောင်း အတိုင်ပင်ခံပုဂ္ဂိုလ်က ထည့်သွင်းပြောကြားသည်။

လူငယ်နှင့်မူးယစ်ဆေးဝါးအန္တရာယ်

နိုင်ငံအတွင်းရှိ လူငယ်များ အကြားတွင် မူးယစ်ဆေးဝါး ပြဿနာသည် နိစ္စဓူဝရင်ဆိုင်ကြုံ တွေ့နေရသော ကိစ္စရပ်ဖြစ်ပြီး မူးယစ်နွံမှ ရုန်းထွက်နိုင်သူများရှိ သကဲ့သို့ မရုန်းထွက်နိုင်ခဲ့သဖြင့် ဘ၀နစ်မွမ်းသူများ ရှိနေကြောင်း ဒေါ်အောင်ဆန်းစုကြည်က ဆို သည်။

မူးယစ်ဆေးဝါးကို မည် သည့်အကြောင်းနှင့်မျှ စမ်းသပ် မသုံးရန်နှင့် မူးယစ်ဆေးဝါးသုံး စွဲရန် သွေးထိုးမှုများကိုလည်း နား မယောင်ရန် သတိပေးသည်။

‘‘အထူးသဖြင့် အမျိုးသား တွေ၊ ယောက်ျားတွေကြားထဲမှာ ဖြစ်တတ်တာရှိတယ်။ မင်း ယောက်ျားမဟုတ်ဘူး၊ မလုပ်ရဲ ဘူးလား၊ မသောက်ရဲဘူးလား၊ မစားရဲဘူးလားဆိုပြီးတော့ သွေး ထိုးပေးတာတွေကြောင့်မို့လို့ စိတ် က မပါသွားပါနဲ့။ အဲဒီဟာကို လက်ခံတာဟာ ကိုယ်ညံ့တာကို ပြတာပဲ။ ကိုယ်သတ္တိရှိတာမဟုတ် ဘူး’’ဟု ပြောသည်။

‘‘ကိုယ်က မူးယစ်ဆေးဝါးစွဲ နေတယ်၊ ဒုက္ခရောက်နေတယ်ဆို ရင် ကိုယ့်ရဲ့သူငယ်ချင်းတွေကို မင်းတို့ ငါ့လိုမလုပ်နဲ့ဆိုတဲ့ ပြောရဲ တဲ့ သတ္တိရှိဖို့လိုတယ်။ ပြောရဲတဲ့ စေတနာ၊ ပြောချင်တဲ့စေတနာရှိ ဖို့လိုပါတယ်။ အားလုံးကလည်း ဝိုင်းပြီးတော့ ကိုယ့်ရဲ့ မိတ်ဆွေ တွေ ဒီလိုပြဿနာတွေနဲ့ ရင်ဆိုင် ရပြီဆိုရင် ဝိုင်းပြီးကူညီကြပါ။ အထင်မသေးပါနဲ့’’ဟု ၎င်းကပြော သည်။