၂၀၁၇ အတွင်း တစ်ရက်လျှင် နှစ်ဦးနှုန်း လူကုန်ကူးမှုကျူးလွန်နေ

ပြီးခဲ့သည့် နှစ်အတွင်း တစ်ရက်လျှင်ပျမ်းမျှ နှစ်ဦးနှုန်း လူကုန်ကူးမှုကျူးလွန်နေကြောင်း လူကုန်ကူးမှုတားဆီးနှိမ် နင်းရေးရဲတပ်ဖွဲ့က ထုတ်ပြန် သည်။

၂၀၁၇ ဇန်န၀ါရီမှ ဒီဇင်ဘာ ၃၁ ရက်အထိ ဖြစ်စဉ်များအရ လူ ကုန်ကူးမှု ၂၂၅ မှုဖြစ်ပွားပြီး ကျူးလွန်သူ ၆၄၈ ဦး ဖမ်းဆီးအရေးယူနိုင်ခဲ့ကြောင်း အဆိုပါရဲတပ်ဖွဲ့က ထုတ်ပြန်ထားသည်။

လူကုန်ကူးခံရသူ ၃၄၇ ဦး အနက် အမျိုးသမီး ၂၄၂ ဦးရှိပြီး အမျိုးသားဦးရေထက် သုံးဆခန့်ပိုများသည်။

လူကုန်ကူးခံရသူများတွင် အသက်(၁၈)နှစ်မှ (၂၃)နှစ်ကြား အမျိုးသမီးအများဆုံးပါဝင်ပြီး တရုတ်နိုင်ငံသို့ထိမ်းမြားလက် ထပ်ရန် သွားရောက်သောဖြစ်စဉ် အများဆုံးဖြစ်ကာ လျော့ကျခြင်း မရှိသေးဟု လူကုန်ကူးမှုတားဆီး နှိမ်နင်းရေးရဲတပ်ဖွဲ့မှ ဒုတိယရဲမှူး ကြီးသက်နောင်က ပြောသည်။

ဖြစ်စဉ်များအရ အဓမ္မလက် ထပ်မှု ၁၅၂ မှု၊ လုပ်အားခေါင်း ပုံဖြတ်မှု ကိုးမှုနှင့် ပြည့်တန်ဆာ အမှုတစ်မှုတို့ဖြင့် တရုတ်နိုင်ငံသို့ ဦးတည်ဖြစ်ပွားမှုအများဆုံးဖြစ် သည်။ 

လူကုန်ကူးမှုများသည် တရုတ်၊ ထိုင်း၊ မလေးရှားနိုင်ငံတို့သို့ ဦးတည်ဖြစ်နေပြီး ယခုနောက်ပိုင်းတွင် ပြည်တွင်းလူကုန်ကူးမှုဖြစ်စဉ်များ တွေ့လာရကြောင်း အမှတ်(၂)ရဲတပ်ဖွဲ့ခွဲမှူး (ရန်ကုန်) လူကုန်ကူးမှုတားဆီးနှိမ်နင်းရေးရဲတပ်ဖွဲ့မှ ရဲမှူးကြီးခင်မောင်လှ(ငြိမ်း)က ပြောသည်။

‘‘အရင်တုန်းကတော့ ထိုင်း ငါးဖမ်းလှေတွေမှာပဲ အဖြစ်များ ပေမယ့် အခုဆိုရင် မြန်မာပြည်ထဲ မှာပဲ ကျားဖောင်လုပ်ငန်းတွေမှာ ရေလုပ်သားတွေ ဒုက္ခရောက်နေ ကြတာပိုများလာတယ်’’ ဟု ရဲမှူး ကြီးခင်မောင်လှ(ငြိမ်း)က ဆို သည်။

ယခုနောက်ပိုင်း လူကုန်ကူး မှုဖြစ်စဉ်များသည် ကိုယ်တိုင်သ ဘောတူညီမှုဖြင့် ကျူးလွန်မှုများရှိပြီး ဆွေမျိုးများအချင်းချင်းစည်းရုံးဆောင်ရွက်မှုများ တွေ့လာရကြောင်း ဒုတိယရဲမှူးကြီး သက်နောင်က ပြောသည်။

ရဲတပ်ဖွဲ့ ထုတ်ပြန်ချက်အရ ရန်ကုန်တိုင်းဒေသကြီးသည် ၂၆ ရာခိုင်နှုန်းဖြင့် ဖြစ်ပွားမှုအများ ဆုံးဖြစ်ပြီး ရှမ်းပြည်နယ်သည် ၂၅ ရာခိုင်နှုန်းဖြင့် ဒုတိယအများဆုံး ဖြစ်သည်။ ကရင်ပြည်နယ်၊တနင်္သာရီတိုင်း၊ စစ်ကိုင်းတိုင်းတို့သည် ၁ ရာခိုင်နှုန်းဖြင့် ဖြစ်ပွားမှုအနည်းဆုံးဖြစ်သည်။ 

၂၀၀၆ မှ ၂၀၁၆ အထိ ၁၀ နှစ်အတွင်း လူကုန်ကူးမှု ၁,၃၈၀ မှုရှိခဲ့ပြီး ကျူးလွန်သူ ၃,၇၁၃ ဦး ကိုအရေးယူနိုင်ခဲ့ကာ လူကုန်ကူး ခံရသူ ၃,၄၈၀ ဦးကို ကယ်တင် နိုင်ခဲ့ကြောင်း ရဲတပ်ဖွဲ့က ထုတ် ပြန်ထားသည်။