မွန်ပြည်နယ် အခြေခံပညာကျောင်းများတွင် တိုင်းရင်းသားစာပေသင်ကြားရန် နေ့စားလပေး ဆရာ၊ ဆရာမ ၄၆၀ ကျော် ခန့်အပ်

မွန်ပြည်နယ် အခြေခံပညာသင်ကျောင်းများတွင် တိုင်း ရင်းသားစာပေသင်ကြားရန် နေ့ စားလပေး ဆရာ၊ ဆရာမ ၄၆၀ ကျော် ခန့်အပ်ပြီးဖြစ်ကြောင်း မွန်ပြည်နယ် အစိုးရအဖွဲ့ဝင် ကရင်တိုင်းရင်းသားလူမျိုးများရေးရာဝန်ကြီး စောအောင်မြင့်ခိုင်က ပြောသည်။

မွန်ပြည်နယ်အတွင်း တိုင်း ရင်းသားစာပေသင်ကြားရန် နေ့ စားလပေး လျှောက်ထားသူဦးရေ ၆၃၇ ဦးရှိပြီး ပညာရေးဝန်ကြီး ဌာနနှင့် တိုင်းရင်းသားလူမျိုးရေး ရာဝန်ကြီးဌာနတို့ ပူးပေါင်း၍ ၂၀၁၇ နှစ် ဒီဇင်ဘာ ၂၀ ရက်က ဆရာ၊ ဆရာမ ၄၆၃ ဦးအား ခန့်ခဲ့ ကြောင်း ဝန်ကြီးစောအောင်မြင့် ခိုင်က ပြောသည်။

‘‘ကျွန်တော်တို့ဆီကိုတော့ တရားဝင်ခန့်အပ်စာ မဝင်သေး ဘူး။  ဒါက ပြည်ထောင်စုက တရားဝင်ခန့်အပ်တာပါ။ ဇန်နဝါရီ ၉ ရက်နေ့ထုတ် နိုင်ငံပိုင်သတင်းစာ မှာတော့ ထုတ်ပြန်ထားတယ်။ မွန်ပြည်နယ်အတွက် ခန့်အပ်လိုက် တဲ့ ဆရာ၊ ဆရာမအရေအတွက် က သင်ကြားတဲ့နေရာမှာ လုံ လောက်မှုမရှိပေမယ့် နောက်နှစ် တွေမှာ လိုအပ်တဲ့ ဆရာ၊ ဆရာမ တွေကို ပြန်ခေါ်သွားဖို့ရှိတယ်။ အခုခန့်အပ်လိုက်တဲ့သူတွေက အချိန်ပြည့်ကျောင်းတွေမှာ သင် ကြားပေးရတော့မှာ ဖြစ်တယ်’’ဟု ဝန်ကြီးက ပြောသည်။

လာမည့်နှစ်များတွင် တိုင်း ရင်းသားစာပေသင်ကြားသည့် ဆရာ၊ ဆရာမများကို ခေါ်ယူပါက အတန်းပညာ ၁၀ တန်းအောင် မှသာ ခေါ်ယူမည်ဖြစ်ပြီး ယခုခန့် အပ်ခံရသည့် ဆရာ၊ ဆရာမများ သည် လာမည့် ပညာသင်နှစ်တွင် စတင်သင်ကြားရမည်ဖြစ်သည်။

မွန်ပြည်နယ်ရှိ အခြေခံပညာကျောင်းများတွင် ကျောင်းချိန် ပြင်ပ၌ မွန်တိုင်းရင်းသားစာပေ သင်ကြားသည့် ဆရာ၊ ဆရာမ ၅၆၈ ဦး၊ ကရင်စာပေသင်ကြား သည့် ဆရာ၊ ဆရာမ ၄၈၄ ဦးနှင့် ပအိုဝ်းစာပေ သင်ကြားသည့် ဆရာ၊ ဆရာမ ၆၆ ဦး စုစုပေါင်း ဆရာ၊ ဆရာမ ၁,၁၁၈ ဦးရှိ ကြောင်း ကရင်တိုင်းရင်းသားလူ မျိုးများရေးရာ ဝန်ကြီးရုံးမှတ်တမ်းအရ သိရသည်။

မွန်ပြည်နယ်တွင် မွန်၊ ကရင်တိုင်းရင်းသား စာပေသင်ကြား သည့် မြို့နယ်ရှစ်မြို့နယ်ရှိကာ မွန်စာပေသင်ကြားသည့် အခြေခံပညာကျောင်း ၂၇၀၊ ကရင်စာပေသင်ကြားသည့် ကျောင်း ၂၇၃ကျောင်းရှိပြီး ပအိုဝ်းစာပေသင်ကြားသည့် မြို့နယ်လေးမြို့နယ်ရှိ ကာ စာသင်ကျောင်း ၃၀ ရှိသည်။

၂၀၁၇-၁၈ ပညာသင်နှစ် တွင် မွန်စာ  သင်ကြားသည့် ကလေး ၂၃,၀၅၀ ဦး၊ ကရင်စာပေသင်ကြားသည့် ကလေး ၁၇,၂၃၃ ဦးနှင့် ပအိုဝ်းစာပေသင်ကြား သည့် ကလေး ၂,၁၅၆ ဦးရှိ ကြောင်း မွန်ပြည်နယ် ပညာရေး မှူးရုံးစာရင်းအရ သိရသည်။

ပညာရေးဝန်ကြီးဌာနသည် ကျောင်းနေအရွယ် ကလေးတိုင်း တစ်ဦးတစ်ယောက်မျှ မကျန်ရှိစေ ဘဲ အခြေခံပညာ  သင်ယူပြီး မြောက်နိုင်ရေး သင်ကြားသင်ယူ မှု ကူညီပူးပေါင်းဆောင်ရွက်ရန် နေ့စားလပေး (Teaching Assistant (TA)) များကို မြန်မာ တစ်နိုင်ငံလုံးတွင် ၅,၁၆၁ ဦး ခန့် အပ်ထားသည်။

More in News Section

Top News