ခေါင်းဆောင် ပြန်လည်ရွေးချယ်မည့် PNLO ညီလာခံ ဇန်နဝါရီ ၁၁ ရက်စတင်မည်

 ခေါင်းဆောင်ပိုင်း ပြန် လည်ရွေးချယ်မည့် ပအိုဝ်းအမျိုး သား လွတ်မြောက်ရေးအဖွဲ့ချုပ် (PNLO) ညီလာခံကို ဇန်နဝါရီ ၁၁ ရက်တွင် စတင်ကျင်းပမည်ဟု PNLO ခေါင်းဆောင်များက ပြောသည်။

ဒုတိယအကြိမ်ကျင်းပသည့် အဆိုပါညီလာခံကို PNLO ဌာန ချုပ်တည်ရှိရာ ရှမ်းပြည်နယ် မောက်မယ်မြို့နယ် ကဒူးကြီး ဒေသ၌ ဇန်နဝါရီ ၁၄ ရက်အထိ ကျင်းပမည်ဟု PNLO အတွင်း ရေးမှူး ခွန်သောမတ်က ပြော သည်။


PNLO ဦးဆောင်နာယက ဗိုလ်မှူးကြီး ခွန်ဥက္ကာကလည်း ‘‘လေးနှစ်သက်တမ်းမှာ အောင် မြင်တာ ပြန်သုံးသပ်တာတွေ ပြီး တော့ ဗဟိုကော်မတီ နုတ်ထွက် အသစ်ပြန်ရွေးတင်ပေါ့။ နောက် ရှေ့လုပ်ငန်းစဉ် ချမှတ်ပေါ့’’ဟု ညီလာခံတွင် ဆောင်ရွက်မည့် အခြေအနေကို ပြောသည်။

PNLO ညီလာခံကို လေးနှစ် တစ်ကြိမ် ကျင်းပရန် သတ်မှတ် ထားရာ ဒုတိယအကြိမ် ညီလာခံ ကို ၂၀၁၆ တွင် ကျင်းပရမည် ဖြစ်သော်လည်း အကြောင်းအမျိုး မျိုးကြောင့် ကျင်းပနိုင်ခြင်းမရှိခဲ့၍ ယခုလတွင် ကျင်းပခြင်းဖြစ်သည်။

‘‘ခေါင်းဆောင်အရွေးခံခွင့် က ကျင်းပရေးကော်မတီကနေ အစီအစဉ် ဆောင်ရွက်မှုအဖြစ် ပေါ့နော်။ အရင်တုန်းက ပထမ အကြိမ် ခေါင်းဆောင်ဖြစ်ခဲ့ဖူးတဲ့ ကိုယ်စားလှယ်တွေရော၊ အခု လက်ရှိ ခေါင်းဆောင်တွေရော လာမယ့် အခင်းအကျင်းအသစ် မှာ ခေါင်းဆောင်ဖြစ်မယ့်သူတွေ အဖြစ် အကုန်လုံး ရွေးချယ်ခံခွင့် ရှိမှာပါ’’ဟု ခွန်သောမတ်က ပြော သည်။

PNLO ကို ၂၀၀၉ တွင် ဖွဲ့ စည်းပြီး ဗိုလ်မှူးကြီးခွန်ဥက္ကာက ဥက္ကဋ္ဌတာဝန်ယူခဲ့သည်။ ၂၀၁၃ တွင် ကျင်းပသည့် PNLO ပထမ အကြိမ် ညီလာခံ၌ ခွန်မြင့်ထွန်းက ဥက္ကဋ္ဌတာဝန်ယူခဲ့သည်။

More in News Section