ဒုတိယတန်းသင်ရိုးသစ်သင်ကြားရန် ပညာရေးကောလိပ် ဆရာ၊ ဆရာမ ၃၀၀ ကျော်အား သင်တန်းပေးမည်

ရန်ကုန်ကမာရွတ်မြို့နယ်ရှိ ပညာရေးကောလိပ်၌ တက်ရောက်နေသော ဆရာမလေးများ(ဓာတ်ပုံ − စိုင်းဇော်)

လာမည့် ပညာသင်နှစ် တွင် ပြောင်းလဲမည့် ဒုတိယတန်း သင်ရိုးသစ်ကို ပညာရေးကော လိပ်များမှ ဆရာ၊ ဆရာမ ၃၀၀ ကျော်အား ဇန်နဝါရီ ၁၅ ရက် ကစ၍ ဗဟိုအဆင့်သင်ပြနည်း သင်တန်းပေးမည်ဟု ပညာရေး သုတေသန၊ စီမံကိန်းနှင့် လေ့ ကျင့်ရေးဦးစီးဌာန ဒုတိယညွှန် ကြားရေးမှူးချုပ် ဒေါက်တာဇော် လတ်ထွန်းက ပြောသည်။

 ဒုတိယတန်း သင်ရိုးသစ် သင်ကြားမည့် ဆရာ၊ ဆရာမများ အား ဆင့်ပွားသင်တန်းများ ပို့ချရန် ဗဟိုအဆင့် သင်ပြနည်းသင်တန်း ကို ဦးစွာဖွင့်လှစ်ပြီး ဗဟိုအဆင့် တွင် ပညာရေးကောလိပ် ဆရာ၊ဆရာမ ၃၀၀ ကျော်အား သုံးကြိမ်ခွဲ ၍ သင်တန်းပေးမည်ဖြစ်သည်။


  ‘‘ဗဟိုအဆင့်သင်တန်းကို ပညာရေး   ကောလိပ်တွေက ဆရာ၊  ဆရာမ ၃၄၀ ဦးလောက်ကို သုံးသုတ်ခွဲပေးမယ်။ တစ်သုတ်မှာ ၁၀၀ ကျော်လောက်ပါမယ်။ တစ် ပတ်စီပေါ့။ သူတို့က ဗဟိုအဆင့် မှာ တက်ပြီးရင် တိုင်းနဲ့ပြည်နယ် မှာ သင်တန်းပြန်ပေးရမယ်။ ကျန် တဲ့ မူလတန်းပြတွေက သူတို့ဆီ ကတစ်ဆင့် တိုင်းအဆင့်၊ မြို့နယ် အဆင့် အဆင့်ဆင့်ပြန်သင်တန်း တက်ရမှာပါ’’ဟု ဒေါက်တာဇော် လတ်ထွန်းက ပြောသည်။

ဗဟိုအဆင့် သင်ပြနည်းသင် တန်းကို ဇန်နဝါရီ ၁၅ ရက်မှ ၁၉ ရက်အထိ၊ ဇန်နဝါရီ ၂၂ ရက်မှ ၂၆ ရက်အထိနှင့် ဇန်နဝါရီ ၂၉ ရက် မှ ဖေဖော်ဝါရီ ၂ ရက်အထိ သုံး ကြိမ်ခွဲကာ ရန်ကုန်တိုင်းဒေသကြီး မင်္ဂလာဒုံမြို့နယ်ရှိ ထောက်ကြန့်အုပ်ချုပ်မှုသင်တန်းကျောင်းတွင် ဖွင့်လှစ်မည်ဖြစ်သည်။

   ဒုတိယတန်း သင်ရိုးသစ် တွင် မြန်မာစာ၊  အင်္ဂလိပ်စာ၊ သင်္ချာ၊ သိပ္ပံ၊  လူမှုရေး၊ ဘဝတွက် တာကျွမ်းကျင်စရာ၊ စာရိတ္တနှင့် ပြည်သူ့နီတိ၊ ပန်းချီ၊ ဂီတ၊ ကာယဘာသာရပ် ၁၀ ခုပါရှိပြီး ကလေး များ၏ အသိပညာ၊ ကျွမ်းကျင်မှု နှင့် သဘောထားများကို လေ့ကျင့်ပျိုးထောင်ပေးသည့် သင်ခန်းစာများ ထည့်သွင်းထားကြောင်း ၎င်းကဆိုသည်။

သင်ရိုသစ်သင်ပြနည်း ဗဟို အဆင့် တိုင်းဒေသကြီးနှင့် ပြည် နယ်အဆင့်၊ မြို့နယ်အဆင့်နှင့် ကျောင်းအုပ်စုအဆင့် သင်တန်း များကို ဇန်နဝါရီ ၁၅ ရက်မှ မတ်လ ၂၂ ရက်အထိ အဆင့်ဆင့်ကျင်းပမည်ဖြစ်သည်။

အခြေခံပညာအတန်းများ ကို သင်ရိုးညွှန်းတမ်းအသစ်များ ဖြင့် ၂၀၁၆-၁၇ ပညာသင်နှစ်က စတင်၍ တစ်နှစ်တစ်တန်းနှုန်း သင်ခဲ့ရာ ဒုတိယတန်းကို ၂၀၁၈ -၁၉ ပညာသင်နှစ်တွင် သင်ရိုးသစ်ဖြင့် သင်မည်ဖြစ်သည်။

  ဒုတိယတန်းသင်ရိုးညွှန်း တမ်းအသစ်ကို ဂျပန်အပြည်ပြည် ဆိုင်ရာ ပူးပေါင်းဆောင်ရွက်ရေး အေဂျင်စီ (JICA) နှင့် အခြေခံ ပညာသင်ရိုးညွှန်းတမ်းကော်မတီ တို့ ပူးပေါင်းရေးဆွဲခဲ့သည်။