လူထုတွေ့ဆုံပွဲများ ကန့်သတ်ခံရမှုအပေါ် ထိပ်သီးခေါင်းဆောင်များ၏လမ်းညွှန်မှု ရယူအဖြေရှာမည်ဟု NCA လက်မှတ်ထိုးရှစ်ဖွဲ့ဆို

အမျိုးသားအဆင့် နိုင်ငံ ရေးဆွေးနွေးပွဲများ ပြုလုပ်သည့် လူထုတွေ့ဆုံပွဲများနှင့်ပတ်သက် ပြီး ကန့်သတ်မှုများ ကြုံနေရခြင်း အပေါ် ထိပ်သီးခေါင်းဆောင်များ ၏ လမ်းညွှန်မှု ရယူအဖြေရှာမည် ဟု တစ်နိုင်ငံလုံးပစ်ခတ်တိုက်ခိုက် မှုရပ်စဲရေး သဘောတူစာချုပ် (NCA) လက်မှတ်ထိုးရှစ်ဖွဲ့၏ ရုံးက ဇန်နဝါရီ ၉ ရက်တွင် သတင်းဖော်ပြသည်။

ဇန်နဝါရီ ၁၁ ရက်နှင့် ၁၂ ရက်တွင် ထိုင်းနိုင်ငံ ချင်းမိုင်၌ ပြုလုပ်မည့် NCA လက်မှတ်ထိုး ရှစ်ဖွဲ့ ထိပ်သီးခေါင်းဆောင်များ ၏ ငြိမ်းချမ်းရေး လုပ်ငန်းစဉ် ဦးဆောင်အဖွဲ့ (PPST) အစည်း အဝေးနှင့်ပတ်သက်ပြီး ငြိမ်းချမ်း ရေးလုပ်ငန်းစဉ် အလုပ်အဖွဲ့ (PPWT) ခေါင်းဆောင် ပဒိုစော တာဒိုမူးအား မေးမြန်းထားမှုများ ကို NCA လက်မှတ်ထိုးရှစ်ဖွဲ့ရုံးက ၎င်းတို့၏ ဖေ့စ်ဘွတ်ခ်စာမျက်နှာ တွင် ဖော်ပြသည်။

နှစ် ၆၀ ကျော် ကြုံတွေ့ခဲ့ရ သည့် အခက်အခဲများကို ငြိမ်းချမ်းရေးလုပ်ငန်းစဉ် အခြေခံပြီး ဖြေရှင်းရာ၌ အမျိုးသားအဆင့် နိုင်ငံရေး ဆွေးနွေးပွဲများကတစ်ဆင့် ဆောင်ရွက်ရမည်ဟု ကရင်အမျိုးသားအစည်းအရုံး (KNU) အထွေ ထွေအတွင်းရေးမှူးလည်းဖြစ်သူ ပဒိုစောတာဒိုမူးက ပြောသည်။

‘‘ဒီအမျိုးသားအဆင့် နိုင်ငံ ရေးဆွေးနွေးပွဲတွေကို သွားတဲ့နေ ရာမှာလည်း ပြည်သူလူထုတွေက နေပြီးတော့ ကျယ်ကျယ်ပြန့်ပြန့် နဲ့ သူတို့သဘောထားဆန္ဒတွေ ပါဝင်အောင် တင်ပြရမယ့်အပိုင်း တွေလည်း ရှိမှာပေါ့။ ဒါကြောင့် Public Consultation တွေက အရေးကြီးတယ်ဆိုတာကို ပြော ခြင်းဖြစ်တယ်။ ဒါကြောင့် ဒီအရေး ကြီးတဲ့အပိုင်းတွေမှာ ကန့်သတ်မှု တွေ ကြုံလာရတဲ့အတွက်ကြောင့် မို့ PPST ဆီက ပြန်ပြီးတော့ လမ်း ညွှန်မှုကို ပြန်တောင်းပြီးတော့ ဘယ်လိုပြန်ပြီး အဖြေရှာမလဲဆို တာက အဓိကဖြစ်ပါလိမ့်မယ်’’ ဟု ၎င်းက PPST အစည်းအဝေး ကျင်းပမည့် ကိစ္စနှင့်ပတ်သက်၍ ပြောသည်။

လူထုတွေ့ဆုံပွဲများ ဟန့် တားခံရခြင်းကြောင့် NCA လက် မှတ်ထိုးအဖွဲ့ ရှမ်းပြည်ပြန်လည် ထူထောင်ရေးကောင်စီ (RCSS/SSA) က ဦးဆောင်ကျင်းပမည့် ရှမ်းလူမျိုးအလိုက် အမျိုးသားအ ဆင့် နိုင်ငံရေးဆွေးနွေးပွဲ ရက်အကန့်အသတ်မရှိရွှေ့ဆိုင်းကြောင်း RCSS က ဇန်နဝါရီ ၈ ရက်တွင် ထုတ်ပြန်သည်။

ရှမ်းလူမျိုးအလိုက် အမျိုး သားအဆင့် နိုင်ငံရေးဆွေးနွေးပွဲ ကို NCA အကောင်အထည်ဖော် မှုဆိုင်ရာ ညှိနှိုင်းအစည်းအဝေး (JICM) ဆုံးဖြတ်ချက်အရ ဇန်န ဝါရီ ၁၂ ရက်ကစ၍ ရှမ်းပြည်နယ် လင်းခေးမြို့တွင် ကျင်းပရန် စီစဉ် ခဲ့သည်။

လင်းခေးဆွေးနွေးပွဲအတွက် အကြိုလူထု တွေ့ဆုံပွဲများကို ၂၀၁၇ ဒီဇင်ဘာက ရှမ်းပြည်နယ် မြို့အချို့၌ ကျင်းပရာ တပ်မတော်က ဟန့်တားခဲ့သည်။ ထို့အပြင် ရှမ်းအမျိုးသားအဆင့် နိုင်ငံရေး ဆွေးနွေးပွဲအတွက် အကြိုဆွေး နွေးပွဲကို ဇန်နဝါရီ ၇ ရက်မှ ၉ ရက်အထိ ကျင်းပခွင့်ပြုရန် ရှမ်း အဖွဲ့အစည်းများ၏ တောင်းဆို မှုကို အစိုးရနှင့် တပ်မတော်က ခွင့်မပြုပေ။

လူထုတွေ့ဆုံပွဲများ မကျင်းပနိုင်ဘဲ အမျိုးသားအဆင့် နိုင်ငံရေး ဆွေးနွေးပွဲများ ဆောင်ရွက်ရန် မဖြစ်နိုင်ဟု ပဒိုစောတာဒိုမူးက ပြောသည်။

ဇန်နဝါရီလကုန်တွင် ကျင်းပရန် သတ်မှတ်ထားသည့် ပြည် ထောင်စုငြိမ်းချမ်းရေးညီလာခံ ၂၁ ရာစု ပင်လုံတတိယအစည်းအ ဝေး သတ်မှတ်ချိန်အတွင်း ကျင်းပနိုင်ခြင်း ရှိ၊ မရှိမှာ လာမည့် PPSTအစည်းအဝေးပေါ် မူတည် ကြောင်း ၎င်းက ဆိုသည်။